1. n in Filipino with Culture-Based Integration
Grade & Subject: Grade 1 – Filipino
Prepared by: Gloreli C. Canolo
M.A. in Education major in Cultural Education
La Salle University, Ozamiz City
March 3, 2013
School: Tangub City Central SPED Center School
Topic: Mga Salitang Naglalarawan SA Sagisag Kultura na Anahaw
Cultural Icon: Anahaw (CD of Sagisag Kultura 800 from NCCA 2013)
anáhaw
Ang anáhaw (Livistona rotundifolia) ay katutubong palma na may makinis na bunged o puno ng kahoy at may mga
dahong nakakumpol sa dulo ng bunged. Itinuturing itong Pambansang Dahon ng Filipinas.
Ang dahon ng anahaw ay malapad at pabilog at kulay berde. Ang tangkay ng dahon ay matinik at tumutubo nang paikot
sa sariling katawan nito. Ang anahaw ay umaabot sa taas na 20 metro kung ito ay tumutubo sa likas na kaligiran sa
kagubatan. Ngunit kung ito nama’y nasa hardin o iba pang artipisyal na lugar, tila napipigil ang paglaki at pagtaas ng
palmang ito.
Ang dahon ng anahaw ay maaaring gamitin bilang materyal sa paggawa ng bubong ng mga bahay kubo. Dahil sa kintab
at hugis ng dahon nito, nagagamit din itong pandekorasyon kapag may espesyal na pagdiriwang. Ang buko naman nito
ay ginugulay at kinakain. Ang puno ng kahoy o katawan nito ay ginagamit namang sahig ng mga sasakyang pandagat o
pundasyon ng bahay. (SAO) (ed GSZ)
I Layunin: Pagkatapos ng leksyon ang mga bata ay inaasahang:
a. Nakapagbibigay ng mga salitang naglalarawan ayon sa text ng sagisag sa kultura
b. Nagagamit ang anahaw bilang dekorasyon sa mga pagdiriwang at bubong sa bahay-kubo
c. Napahahalagahan ang anahaw sa pamayanan
II Paksang – Aralin:
Mga Salitang Naglalarawan sa Sagisag Kultura na Anahaw
References: Marangal na Pilipino
K to 12 Curriculum Guide
Cultural Icon: Anahaw (Sagisag Kultura CD 800, 2013)
Kagamitan: Larawan at tsart ng text ng Anahaw, sticks ng kawayan, pantali,
krayola,manila paper
III Pamamaraan:
A. Pre-reading
1. Motivation:
a. Say: Nakakita na ba kayo ng isang anahaw?
b. Magkakaroon tayo ng field trip sa araw na ito. Pupuntahan natin ang puno ng anahaw sa
harap ng ating kantina.
c. Paano ninyo mailalarawan ang anahaw?
2. Unlocking of Difficult Words:
a. Makinis – Magpapakita ng isang mangga at ipahawak ito sa bawat isa at
ipalarawan ang tekstura ng balat nito.
b. Nakakumpol – Magpapakita ng larawan na nakakumpol.
c. Matinik – Magpakita ng larawan na may tinik.
d. Tangkay- Magpakita ng dahon na may tangkay
e. Kagubatan- Magpakita ng larawan ng kagubatan.
B. During reading
1. First reading
- Babasahin muna ng guro ang text tungkol sa "Anahaw" at habang nagbabasa
ipapaliwanag ng guro ang mga detalye na mahirap maunawaan.
2. 2. Second reading
- Ipabasa ng mga bata ang text at hayaan ang mga batang makapagbibigay ng kanilang
sariling opinion.
Mga Tanong:
a. Anong sagisag kultura ang binabasa natin?
b. Paano natin mailalarawan ang "Anahaw"?
c. Paano natin ito mapapakinabangan?
d. Bakit mahalaga ang sagisag kultura na ito sa ating pamayanan?
3. Engagement Activities:
(The teacher will group the pupils into 4 and do the following)
Group #1
Iguhit ang anahaw sa isang manila paper at kulayan ito.
Mga Tanong:
1. Anong sagisag kultura ito?
2. Isulat ang mga salitang naglalarawan sa anahaw.
( Ibabahagi ng grupo ang kanilang nagawa sa harap ng klase)
Group #2
Iguhit ang anahaw bilang pangdekorasyon sa mga selebrasyon.
Mga Tanong:
1. Paano ninyo ginagamit ang anahaw? Paano ninyo inilalarawan ang anahaw batay sa inyong
ginawa?
2. Magbigay ng mga selebrasyon na maaring magagamit ang anahaw.
(ibabahagi ng mga bata ang kanilang nagawa sa harap ng klase)
Group # 3
Magsasagawa ng isang cultural mapping. Iguhit ang lokasyon ng anahaw na ating
pinuntahan kanina.
Mga tanong:
1. Ibigay ang lokasyon ng anahaw ayon sa inyong igunuguhit. Paano ninyo ito mailalarawan batay sa
inyong ginawa?
2. Magbigay ng mga iba't ibang lugar dito sa ating lokalidad na kung saan makikita ang puno ng anahaw.
(ibabahagi ng grupo ang kanilang nagawa sa harap ng klase)
Group#4
Gumawa ng isang bahay- kubo na yari sa maliit na stick ng kawayan at gamitin ang dahon ng
anahaw bilang bubong nito.
Mga tanong:
1.Paano ninyo ginagamit ang anahaw?
2.Paano ninyo mailalarawan ang anahaw batay sa ginawa ng inyong grupo?
Generalisasyon:
a. Paano natin inilalarawan ang sagisag kultura na "Anahaw"?
- Ibigay ng mga bata ang mga salitang naglalarawan sa anahaw at isusulat nila ito sa pisara.
b. Paano natin mapapakinabangan ang bawat bahagi ng puno ng anahaw?
- Ibigay ng mga bata ang bawat halaga nito tulad ng sa dahon, buko at katawan nito.
c. Paano ito nakakatulong sa ating pamayanan?
d. Paano natin ito mapapanatiling mahalaga sa ating kultura?
Value and subject integrations:
Araling Panlipunan – Pagbibigay ng lokasyon sa anahaw na makikita sa paaralan.
Arts – Pagguhit ng anahaw bilang dekorasyon at bubong sa bahay
Edukasyon sa pagpapakatao – Pagpapahalaga sa anahaw sa ating pamayanan.
IV Ebalwasyon: Rubrics ng kanilang ginagawa sa bawat grupo.
V Takdang-aralin: Magsulat ng dalawang pangungusap na naglalarawan sa anahaw.