Unidade didáctica sobre a figura de Luísa Villalta
O corazon de xupiter
1. TÍTULO: O Corazón de Xúpiter
AUTOR: Ledicia Costas
O corazón de Xúpiter é unha novela publicada orixinalmente en setembro
do 2012 por Ledicia Costas Álvarez. Ledicia naceu en Vigo no verán de
1979. É neta e filla de escritores e escribe dende que ten memoria.
Debutou en 1999 coa novela Unha estrela no vento. Como poeta, o seu
primeiro libro é Xardín de inverno. O corazón de Xúpiter recibiu o premio
Neira Vilas ao mellor libro infanto-xuvenil na súa VIII edición e o premio
AELG ao mellor libro infanto-xuvenil do 2012.
Nesta novela nárrase a historia de Isla, unha rapaza apaixonada da
astronomía que, por decisión dos seus pais, se debe mudar e empezar de
cero nunha vila mariñeira chamada a Rexión. Casiopea é o nome que
emprega nos foros de astronomía, onde coñecerá a Xúpiter. Isla sentíase
soa e pensaba que ninguén a comprendía. Peor se sentiu cando coñeceu a
Carballo, o seu veciño e compañeiro de clase, pois faralle a vida imposible.
2. Máis adiante, coñece a Mar, unha rapaza homosexual que se fará a súa
mellor amiga; e a Anxo que será amigo seu, a pesar de estar namorado
dela.
Despois de once meses de longas conversas ata a madrugada con Xúpiter,
Isla namórase del e deciden quedar para coñecérense na noite de San
Xoán. Foi entón, despois de despedirse da súa amiga Mar e das súas
advertencias, cando a vida de Isla cambiou para sempre.
Esta novela está narrada en 1ª persoa pola protagonista, Isla, en tempo
actual, e situada nunha vila mariñeira de nome a Rexión, espazo
imaxinario, pois non existe ningún lugar aos que se fai referencia. A
historia comenza en agosto e remata en xuño do ano seguinte. Non se
menciona o ano exacto, pero sabemos que é actual pola existencia dos
foros, os móbiles etc. . Tamén se presenta de xeito lineal.
Canto aos personaxes, son case todos da mesma idade, 17 anos; agás os
pais de Isla e os profesores. Todos son imaxinarios, por canto non hai
ningunha referencia a unha persoa real.
O corazón de Xúpiter aborda temas como a amizade (perigos e
ensinanzas, oportunidades...), o amor, os celos (de Anxo e Xúpiter, incluso
de Carballo por Mar), entre outros. De feito, considero que está ben que
mencione temas como a homosexualidade e o bulling, o maltrato entre
iguais; pero penso que o final é moi previsible e hai aspectos aos que non
lles dá moita importancia, os cales debería explicar máis: como as razóns
de Xúpiter polas que se encariñou de Isla, o porqué de Carballo e Mar non
se falaren, etc.
Alba Viqueira Nouche, 3º ESO B