1. Os prefixos e sufixos
As palabras derivadas son aquelas que están formadas a partir doutra
palabra. A estas palabras engádenselles morfemas.
Os morfemas son as partes das palabras que completan o significado da
raíz. As palabras derivadas fórmanse ao engadir prefixos e sufixos.
Os prefixos son elementos que se colocan diante dunha palabra ou raíz
para formar unha nova palabra con significado diferente.
Os sufixos son elementos que se engaden detrás dunha raíz para crear
unha nova palabra ou para modificar o seu significado.
Os verbos tamén teñen morfemas que se chaman desinencias e serven
para indicar a persoa, o número ou o tempo verbal.
Cant – abamos (indica 1ª persoa, plural, pretérito imperfecto)
Algúns prefixos: a (negación); anti (oposto); bi (dous; dúas veces); ite (inflamación);
micro (moi pequeño); peri (ao redor de); pre (con anterioridade); semi (metade); sub
(debaixo); tele (a distancia).
As Irmandades da Fala fúndanse na Coruña en 1916 da man de Antón
Vilar Ponte e recollen e potencian as aspiracións galeguistas do Provincialismo e
do Rexionalismo.
Nacen co obxectivo da dignificación e promoción da lingua galega.
Supoñen o inicio do nacionalismo e o seu voceiro será a revista A Nosa Terra.
Durante a súa actividade crearon editoriais, revistas, xornais, organizacións
políticas, organizacións culturais, etc., que permitiron a difusión da cultura
galega.
Dentro da literatura deste tempo salientan: Ramón Cabanillas, Antón Vilar
Ponte, Xosé Lesta Meis...
Os determinantes son palabras que acompañan o substantivo, non
teñen significado en por si e serven para presentalos. Concordan
en xénero e número co substantivo ao que acompañan.
Os determinantes máis frecuentes son os artigos determi-nados
(o,a,os,as) e indeterminados (un, unha, uns, unhas).
Á hora de dar instrucións debemos ser ordenados e facelo de forma clara
e concisa. Empregaremos oracións curtas con marcadores temporais:
primeiramente, de seguido, despois, a continuación, finalmente…
Para escribir unha receita has de seguir sempre a mesma estrutura.
Primeiramente debes facer referencia ás cantidades dos ingredientes que
imos precisar de modo esquemático.A seguir debes explicar paso a paso e
empregando frases sinxelas o modo de elaboración.
MORFEMA: PREFIXO RAÍZ MORFEMA: SUFIXO
terr- -eo
a- -terr- -ar
sub- -terr- -áneo
