2. Կոմիտասի թանգարան-ինստիտուտ
Կոմիտասի թանգարան-ինստիտուտ, նորաստեղծ թանգարանն է
Երևանում։ Թանգարան-ինստիտուտը միտված է
կոմիտասագիտության
զարգացմանը, Կոմիտասի ստեղծագործական ժառանգության
հետազոտմանը և հանրահռչակմանը։ Կառուցվել է Երևանի
Կոմիտասի անվան զբոսայգում գտնվող նախկին մշակույթի
պալատի հիման վրա։ Ֆինանսական ծախսերը հոգացել են
«Փյունիկ» մարդկային ռեսուրսների զարգացման
համահայկական և «Լույս» հիմնադրամները։ Թանգարանի
նախագծի հեղինակն ու ճարտարապետն է Արթուր Մեսչյանը։
Բացվել է 2015 թվականի հունվարի 29-ին։
4. Կոմիտասի թանգարան-ինստիտուտ
Թանգարան-ինստիտուտն ունի համերգասրահ, մշտական ցուցադրություն և
ժամանակավոր ցուցահանդեսների հնարավորություն։ Կառույցի շրջանակում
գործելու են գիտահետազոտական կենտրոն, երաժշտական ստուդիա, գրադարան,
հրատարակչություն։ Ցուցադրության կազմակերպման համար թանգարանային
առարկաներ են հանձնվել Եղիշե Չարենց անվան գրականության և արվեստի
թանգարանի, Հայաստանի ազգային պատկերասրահի և Հայաստանի Ազգային
գրադարանի հավաքածուներից։
Կոմիտասի կյանքն ու գործունեությունը, երաժշտական-տեսական և հոգևոր
գործունեությունը, ինչպես նաև բանահավաքչական հարուստ ժառանգությունն
ամփոփված են թանգարանի ութ սրահների մշտական ցուցադրության մեջ։
Ցուցադրության հեղինակն ու համադրողը Վարդան Կարապետյանն է, ձևավորող–
նկարիչը՝ Ալբերտո Տորսելլոն։ Ծրագիրն իրականացրել է Թանգարանների
միջազգային խորհրդի (ԻԿՕՄ) (անգլերենThe International Council of Museums (ICOM))
Հայաստանի ազգային կոմիտեն։
6. Սրահներ
Առաջին սրահ՝ «Ժամանակագրություն» սրահում ներկայացված է Կոմիտասի
կենսագրությունը։
Երկրորդ սրահ՝ «Կոմիտասը և իր ժամանակակիցները» սրահում՝ բոլոր այն
ճանապարհները, որոնցով անցել է Կոմիտասը՝ ժամանակի գիտական միտքն ու
հոգևոր արժեքները կրող անհատականությունների հետ։
Երրորդ սրահ՝ «Կոմիտասի միտքը» սրահում ներկայացված են Կոմիտասի
աշխատությունները, անձնական օգտագործման իրերը, վկայականները։
Չորրորդ սրահ՝ «Կոմիտասի բանահավաքչական գործունեությունը» սրահում
ներկայացված են Գևորգյան ճեմարանում ուսանելու տարիների նրա նոտագրության
դրվագները։
8. Կոմիտասի թանգարան-ինստիտուտ
Հինգերորդ սրահ՝«Կոմպոզիտոր Կոմիտասը» սրահում՝ նրա
ստեղծագործությունները՝ հեղինակային մեղեդիները։
Վեցերորդ սրահ՝ «Կոմիտասը և հոգևոր երաժշտությունը» սրահում ներկայացված է
հայ եկեղեցական երաժշտությունը, որը Վարդապետի ողջ գործունեության էական
մասն է կազմում։
Յոթերորդ սրահ՝ «Կոմիտասի ելույթները» սրահում ներկայացված է մեծ երգահանի,
որպես հայ երգի քարոզչի գործունեությունը՝ համերգներն ու դասախոսությունները,
որոնցով հանդես է
եկել Փարիզում, Լոզանում, Ալեքսանդրիայում,Թիֆլիսում, Կոստանդնուպոլսում և
այլուր։
Ութերորդ սրահ՝ «Կոմիտասից հետո». այստեղ շարժանկարի ժապավենի նման
անցնում է Կոմիտասի կյանքը։ Կյանքն անցավ, բայց գործը մնաց..
