1. Republika e Kosovës
Republika Kosova – Republic of Kosovo
Komuna e Prishtinës
Opština Priština –Municipality of Prishtina
Në bazë të dispozitave të nenit 16, pika 16.1. shkronja (b) dhe nenit 32, pika 32.1,
shkronja e të Statutit të Komunës së Prishtinës 01. nr. 110 - 455 të dt. 31.3.2008, Kuvendi i
Komunës së Prishtinës , në mbledhjen e mbajtur më 26.9.2008, merr
VENDIM
PËR CAKTIMIN E LOKACIONIT PËR QËLLIM TË INTERESIT PUBLIK
Neni 1
Miratohet Vendimi për caktimin e lokacionit për qëllim të interesit publik: ndërtimin e
objekteve për nevojat e Komunës.
Neni 2
Lokacioni i cekur nën nenin 1 të këtij Vendimi, gjendet në Prishtinë, fleta
poseduese nr. 926, Zona kadastrore Prishtinë, ngastra kadastrore 3114 - 1 deri 3125 - 2
vendi i quajtur “Lama e Druve”, zona urbane, me shfrytëzim aktual bujqësor, me
sipërfaqe të tërësishme prej 90736 m2 dhe është në pronësi të IMN “Kosova”.
Neni 3
Çështjet që kanë të bëjnë me kalimin e pasurisë që është nën autoritetin e AKP-së
te administrata komunale, do të kryhen nga Zyra Ligjore.
Neni 4
Lokacioni i cekur nën nenin 2 të këtij Vendimi, do të përfshihet në planin detal
rregullues.
Neni 5
Për zbatimin e këtij Vendimi do të kujdeset Drejtoria e Urbanizmit, Kadastrit dhe
Mbrojtjes së Mjedisit e Komunës së Prishtinës.
Neni 6
Ky Vendim hyn në fuqi ditën e miratimit të tij.
KUVENDI I KOMUNËS SË PRISHTINËS
01.nr.353-1407, më 26.9.2008 KRYETARI I KOMUNËS
Prof. dr. Isa Mustafa
Adresa: Rr. UÇK- 2-10.000 Prishtinë-Kosovë
Telefon: + 381(0)38/230-900
http://www.prishtina-komuna.org