13. DON’T
• Miss beginning date
• Do things that doesn’t matter
• Accept interruptions
• Accept random phone calls: Announce the goals of the call ( and
sometimes you have to limit available time with you)
• Leave the door opened behind you
بدي من كل واحد يكتب على الورقة التايم لاين تاع الامس.. من اول مصحي من النوم لحد ما نام.. شو ساوا بالوقت.. هالورقة ما هشوفها.. بس تخلص تنيها وحطها بجيبك..
الان كل شي كتبتو الورقة هو تعريف الحياة لالك.. هأد انتا بغض النظر عن افكارك.. بغض النظر عن نواياك.. انا ممكن اصحى الصبح ويكون بنيتي انجز كتير.. لكن باخر اليوم المحصلة كانت صفر.. ما عملت شي.. اذا قيمة النية او الأفكار اللي عندي شو ؟ صفر .. مالها قيمة..
الله بس اللي بحاسبنا على نوايانا.. الحياة بتحاسبك على افعالك مش عنواياك..
مشان هيك.. انا الان هحكيلكم كيف انا بنظم وقتي.. وكيف بجدول شغلي بطريقة عملية.. بالأخير القرار بايدكم.. ان بدكم هالورقة اللي كتبتوها تكون ذكرى او التو دو لست لايامك الجاية
في الوظائف، الوقت هو الفلوس.. طالما فتت المكان عالتمنية وطلعت على الأربعة معناه هي انحسبلك تمن ساعات دوام.. لكن في عالم العمل الحر.. الامر مختلف
الناتج هو الفلوس.. لو قعدت خمس ساعات عالجهاز تفكر بالشغل وبالاخر ما عملت ولا شي.. انجازك لليوم صفر.. وما دخل عليك أي فلوس
هأي الصورة اخدتها من الوايت بورد قبل يجي 7 سنوات لما كنت طالب في الجامعة... كانش عندي كتير أشياء اساويها بيومي.. الحياة بسيطة.. فكان التو دو لست عندي لكل يوم بتلخص بحاجة وحدة .. كان بهأي الفترة عندي كتابين بقراهم.. الأول كان كتاب بحكي عن الرسبونسف ديزاين.. كان اول ظهور لمصطلح الرسبونسف ديزاين والناس بدت تحول عليه.. وهالكتاب كان لأول من ابتدع الامر.. فكنت بقرأ الكتاب.. والتاني كان كتاب سي شارب ان نوت شل.. ما بنصح حد يقراه الا ان كان بعرف سي شارب كويس.. لانو هو عبارة عن دكيمنتيشن للسي شارب.. ما بترك ولا صغيرة ولا كبيرة الا وبذكرها.. تقسيمة اليوم كانت اني اقرأ عشر صفحات من الكتاب الأول وعشرين من الكتاب التاني مع تطبيقهم.. وبهيك كنت اسجل قديش قرأت من الكتاب الأول وقديش قرأت من الكتاب التاني يوم بيومو.. ويوم لما افشل في تحقيق الهدف احط السبب و ساد فيس..
ولما تخرجت وبديت اشتغل كفريلانسر، لقيت التول اللي كنت بستخدمها بطلت مادية الغرض.. لانو في كتير أمور بتكون بالتو دو لست تعتك، اللي لازم تنظمها شو هتنجز اليوم وشو هتعمل بكرا و وقتيش هتسلم هاد البروجكت والبروجكت هداك وقتيش يخلص.. ناهيك عن امورك الشخصية اللي لازم ترتبها مع جدول اعمالك..
هالتول كانت كويسة عقدر الشغل لكن ما كانت صالحة لتعمل بلان لبروجكت كامل..كيف بدو يتوزع عالأيام.. كيف بدي اجدول حيأتي الاجتماعية خارج نطاق البزنس.. هالأمور ما كان في إمكانية انك تطلع وبايدك تايمر وبس يخلص الوقت تقول خلاص.. ولو حاولت تعملها هتلاقي ستريس كبير عحياتك وما هتقدر تلتزم.. انتا ممكن تروح عشخص زيارة تقعد عندو عشر دقايق وتروح.. خلاص القعدة مملة ومبدكاش إياها تطول اكتر من هيك.. وممكن تروح عند شخص تاني تقعد تلات ساعات.. لانو كان في جمعة وفي شباب من سنك واخدكم الوقت في الحكي.. يعني خلينا نكون واقعيين .. التول هأي كمان ما هي مناسبة..ضليت استخدم هالتول لحد 2015 ومن بعدها بديت استخدم شيء تاني
- انا كل يوم بصحى الصبح .. اول شي بعملو بفتح القوقل كالندر.. بطلع هل في شيء مجدول مسبقا اليوم.. و ببدى احط التو دو لست تعت اليوم.. ما بحط أي شيء قبل بيوم.. لانو انا عارف انو ممكن يجيني اتصال ممتأخر يغير كل الجدول.. ممكن انا اسهر وتاني يوم اصحى متأخر.. فيروح خارب الجدول.. فاول ما افتح الكالندر واشوف خربطة الجدول.. اروح مايس على اليوم كلو وأقول خلاص اليوم خرب.. فما اعملش ولا شي.. ممكن اصحى الاقي في عندي ضيوف او مشوار بدي انجزو.. فاسلم شيء انك تحط الجدول تاعك الصبح اول ما تصحى..
فرجيهم كيف بضيفو المهمة.. وكيف ممكن تضيف حدث متكرر لفترة معينة
اترك فراغ بين المهام وما تحبكها عالاخر عشان ما تفشلش الخطة..وما تحط المهام على افضل اوقاتك.. لا.. حط عالافريج
في مواعيد الصلاة انا ضايفها بالكالندر.. مهمة كتير مشان تعرف تجدول وقتك بحيث تترك وقت للصلاة
لا تعطي مواعيد لحد قبل ما تشوف الكاليندر.. او عالأقل تكون فاهم انو في هاد الوقت انتا ما عليك شي
It’s normal to have days where you just can’t work, for me 2 business days for 1 off day is fair enough plan
لا تقبل تخرب جدولك مشان خاطر صاحبك اتصل فيك وقلك انا بدي اجيك..
المينتالتي تعتك كفريلانسر لازم تكون قأئمة على استغلال كل ثانية بتلاقي حالك فاضي فيها..انا بدي اياك لما تيجي عقازا سكأي قييكس مشان اجتماع.. تكون حاطط شغلة ببالك. مقال.. فيديو.. بدك تشوفو عبين ما يبدى اللقاء.. من كتر المناظر اللي بتصدمني لما اروح عالبنك... ناس قاعدة بتنتظر دورها اللي بعد ساعتين على الأقل وما بتعمل ولا شي.. حرفيا ولا شي.. ساعتين فراغ وملل.. واخر اليوم بقلك والله زهقت حالي وانا بستنا.. مهو حضرتك اللي زهقت حالك.. انتا مستغلتش هالوقت فروحك زهقتك.. انا ماعمري رحت عالبنك اوعأي مكان الا ويكون معي التابلت او كتاب اقرأ منو او اتفرج عفيديو او اسمع بودكاست.. لكن مستحيل اطلع من غير مكون ماخد معي حاجة اتسلى فيها في حال كان في وقت انتظار..
اقتبس من كتاب The One Thing الرائع جملة جميلة
ان طاردت ارنبين في آن واحد ، لن تمسك اي منهم
لعندك متلا 4 مهام، اختار اهم شي منهم.. الشيء اللي بدك إياه اليوم.. الان.. الفترة هأي.. ما تقول كلهم متساويين.. فقط الشيء المهم وركز كل طاقتك عليهم وانسا الباقي الان.. مجرد ما حددت اللي بدك إياه.. ابدا انجز بالمهام واحدة واحدة
بعد هيك كل يوم الصبح لما تيجي تحط الجدول تاعك.. قول شو الشيء الصغير اللي هعملو اللي هيوصلني لاني انهي المهمة الكبيرة هأي.. ابدا من اصغر خطوة
اذا غدا صحيت وجدولت وقتك وامشيت على بلان وباخر اليوم شعرت انك أنجزت بجد، انا بدي منك تعمل برنت سكرين للورقتين.. ورقة الامس و ورقة اليوم وشير ات مع الناس عالفيس بوك.. بعد هيك بكل مرة هتضيع فيها وقتك هتتزكر الورقتين.. قديش كان سيء شعورك اليوم وقديش كنت سعيد باليوم التالي
ضيف الصورة على الهاشتاق هاد..