short dialogue about slavery

1. Raffaele Serafini
Diàłogo
sora ła sciaitù
ŁENGOA VENETA
Edisiòn

2. Raffaele Serafini
Dià
Diàł
łogo
ogo
sora
sora ł
ła sciaitù
a sciaitù
ŁENGOA VENETA
Edisiòn

3. A no a ghe xè copyrights e tute łe parte de sta publicasiòn łe pol
èsar copià o invià co tuti i mexi, ełetroneghi o mecaneghi, anca
fotocopie, rejistrasiòn, e anca ła pol èsar imagazinà sensa parmeso
scrito de l’autor o dea caxa editora.
All rights are not reserved. All parts of this publication may be
reproduced or transmitted in any form or by any means, electronic or
mechanical, including photocopy, recording, or any information
storage and retrieval system, withouth prior permission in writing
from the publisher.
stanpà ente la Venesia
1° Edisiòn Majo 2022

4. A ti sciào ca te te cridi lìbaro,
a ti sordo e orbo ca no te vidi e no te
sinti ca tuto torno de ti, el xè festo pa
scondarte ca te si on sciào

5. INTRODUSION
A se tràta de on diàlogo curto scrivesto de
on fià. Do amighi Nane e Luci li discore sora
el tema de la sciaitù e pian pianeto, grasie a
la profondità de Luci, Nane el ciapa
cosiensa de la so condisiòn e de la lota
antiga fra chi ca vol sotometar e chi ca vol
delibararse.

7. Dià
Diàł
łogo
ogo
sora
sora ł
ła sciaitù
a sciaitù
-Nane: Ciao Luci, fa xèla?
-Luci: Ciao, beh insoma a so xà straco
àgro el lùni bonòra, figurate el vènare!
-Nane: Sèto ca no te ghe mìa torto, anca
mi a go sto sentor ca me consumo laoràr,
a me sento ca el laoro el me porta vìa
l'anema e no sol ca el corpo.
-Luci: Te te sinti fa on sciào, eco la
paroleta justa!

8. -Nane: Ma no, varda ca te dopàri la parola
xbalià. La sciaitù no la ghe xè da on mùcio
de àni, i la ga cavà vìa. Varda ca diritura
inte la Venetia no la xè mài existìa.
-Luci: Caro Nàne, varda ca te te ixbali, la
sciaitù la ghè xé senpre sta e senpre la
ghe sarà. Le parole le canvia, ma la
sostansa la xè senpre la istesa.
-Nane: E no, varda ca mi a so lìbaro, a
pòso ndàr ndo ca a vojo, poso far chel ca
a vojo, pòso dir chel ca a vojo.
-Luci: Mìa màsa!
-Nane: Cosa vorisitù dir?
-Luci: So la carta te pol ndàr ndo ca a te
vol, ma inte la realtà a te manca el tenpo, i
mexi o i skei. E isteso discorso a xè pa la
libartà de far. Se dopo ndemo vèdar ca ti
te crìdi poder dir chel ca te vol, se te lo fè
in silensio pol pasàr, ma se te sighi màsa

9. forte i te sàra la boca o te ghe da ver on
mùcio de palanche.
-Nane: Ma lora a te vurìsi dìr ca soto soto
a sèmo ncora sciài.
-Luci: A go propio idea de se.
-Nane: Boia can! Ma lòra par cosa ne
dìxeli ca a semo lìbari?
-Luci: Figurate sa in banca i te dixese ca
el mutuo de 30 ani ca te fe pa cronpar na
càxa, el xè na sorta de caene. E le tàse so
ogni tranxasiòn, so ogni laoro ca te fe, no
xéle na forma de sciaitù, parchè te toca de
laoràr pa pagarle. Sito libaro sernir no
pagàr?
-Nane: No!
-Luci: E lora te si no solo on bìgolo ma
anca on sciào!
-Nane: Fa xèlo pusibile?

10. -Luci: L'òmo el xè senpre chelo, fin da la
so existensa primordiàl, l'omo el ga sercà
sciaixàr, el ga sercà sfrutàr st'altri òmeni,
senpre se intende, scondendose drìo le
bone intensiòn de fàr el ben de st'altri.
Tanto pa capirse, lo gheto mai catà on
politego ca el te dimanda el voto pa
incularte? El te dirà senpre ca te lo vuti
parchè el te farà del ben.
-Nane: Mi a no ghe gheva mai pensà, te
me ghe verto i òci e le rècie.
-Luci: Vedito càro Nàne, el mondo
paratorno de ti, el xé sta festo pa farte
crèdar ca te si lìbaro propio parchè no te
pàse pal cào, gnanca par sògno, ca te si
on sciào.
-Nane: Maria Vercola!
-Luci: On sciào vero, no dubita, el crede
èsar inte el mejo dei loghi e tinpi.

11. -Nane: Te me fe star mal.
-Luci: Puito, segno ca el te rùma rento, el
dubio scava rento de ti, el fa mal ma el te
svilupa la cosiensa e la volontà.
-Nane: Ma lora, deso ca a go capìo ca a
so on sciào, fa a fàsoli delibararme?
-Luci: Sta chive de delibararse da la
sciaitù la xè na lota milenaria, fra chi ca fa
na serpe, el serca strucarte, e ti ca te
serchi delibararte. I sciaixaduri li xè fa i
peoci, fa le xeche, fa i sanguaneli, fa le
polxe... e ti, te si el can ca a serca
delibararsene.
-Nane: Parasiti sciaixaduri!
-Luci: Justo, te ghe ghè rivà.
-Nane: El xè on tiramola fra chi ca a vol
incaenarme e mi ca a vojo delibararme.
-Luci: Se

12. -Nane: Me go sciarà, grasie.
Vuto ca a femo festa e ghe bevìmo sòra
na onbra?
-Luci: A ghea propio el gargato secà.
-Nane: Lora ndemo in ostarìa ca ancò xè
xobà e i fa el bacalà a la Visentina.
-Luci: Speta na roba, ma me òfrito ti?
-Nane: A te magni màsa bisteche de
volpe, va ben, anca staolta a me metarave
le caene!
-Luci: Grasie, te si on amigo de cor
-Nane: Amigo si, ma òco no.
-Luci: Bon ndemo godarse.
-Nane: Ndemo: bianco, polenta e bacalà
co na ciopa de pan, el paraiso in tera!