Comedy in Venetian Language A dialogue among 3 fellows about the arrival of democracy. The original cover has been censored by slideshare.

2. Raffaele Serafini
DiàlogoDiàlogo
A xè rivà laA xè rivà la
DemocrasiaDemocrasia
ŁENGOA VENETA
Edisiòn

3. A no a ghe xè copyrights e tute łe parte de sta publicasiòn łe pol èsar copià o
invià co tuti i mexi, ełetroneghi o mecaneghi, anca fotocopie, rejistrasiòn, e
anca ła pol èsar imagazinà sensa parmeso scrito de l’autor o dea caxa
editora.
All rights are not reserved. All parts of this publication may be reproduced or
transmitted in any form or by any means, electronic or mechanical, including
photocopy, recording, or any information storage and retrieval system,
withouth prior permission in writing from the publisher.
stanpà ente la Venesia
1° Edisiòn Jenaro 2019

4. A ghe dèdego ste pajine a chi ca co injenuità
el se fa ncora martufàr da la propaganda dei
rejimi osidentàl ca li "ofre" la so democrasia
fa el ben pi gràndo ca a ghe pòsa èsar.

5. INTRODUSION
A se tràta de on diàlogo scrivesto pa selebràr la
democrasia osidental, ca co la so arogansa e i so
canturi, la pretende sostituirse a tute st'altre forme
sosiàl de goerno e jestiòn dei Popoli.
Sol dialogo, i parsonaji no li trata i metodi de
consenso, ca li xè in asoluto el instrumento ca el
parmete a lobbies e masonerie, tignir in pìe vère e
propie ditadure co sinplisi canvi de parsonaji, ca
in sostansa li fa i stisi intaresi. Podemo dir ca la
democrasia la riva a la so palexe antitesi co i
familiari li se scanvia le carghe politeghe
conpagno de le monarchie, co la difarensa ca
ente le democrasie se ghe fa credar de ver votà
libaramente.I parsonaji del dialogo li riflete da na
parte slitarà ca no li ga tituli ma li fa dimande
prateghe, oneste ca co na sinplisità dixarmante le
tol pal sesto la boria e ipocrixia de on dotor titolà.
La sostansa paradosàl del dialogo la xè ca la
democrasia la xè obligatoria e la inpedise parfin el
pi democratego dei sernìr: el caxo, el sortejo.
Bon divertimento!

6. DiàlogoDiàlogo
A xè rivà laA xè rivà la
DemocrasiaDemocrasia
Bepi e Joanin i se càta dopo on fia de tenpo.
Joanìn el xé on òmo del piàn, Bèpi el xe on òmo
de la riva, el vien dài munti. Tuti dò i xe dei
laoraduri, no i xè studià, i xé sensa tituli.
-BÈPI: Ciao Tòni!
-JOANIN: Ciao Bèpi

7. -BÈPI: Fa xela? Steto puito? A xera on toko ca a
no a se vidivimo
-JOANIN: Puito, a parte i duluri, col mojo ca
ghemo xò ente el piàn, a ne vien fòra i malani. A
vedo ca ti a te si senpre vispo co na bela sièra.
-BÈPI: Ciò, a lo sèto ca so vegnesto xò dai
munti parchè i dìxe ca a xè drìo rivàr na ròba ca
ncora no go entendesto puito, ma el so nome a
xè la Democrasìa. I dìxe ca la sìpia gràn bèla,
ca la xè na roba ca la te cava i ani de dòso e la
te fa star puìto.
-JOANIN: A go sentùo anca mi de sta
Democrasia, ma no go mìa capio màsa puito
cosa ca la xè. Ma xèla ona de chele siòre ca la
bàla el kan kan co le cotole par alto e te ghe vìdi
tuto sòto?
-BÈPI: Ma va mòna, te ghe sol ca inamente la
gnoca.
-JOANIN: Ma cosa ghe xèlo mejo de la gnoca?
-BÈPI: Ti te vivi pa magnar, bèvar, ciavàr e
dormir, no te ghè pensieri nòbili.

8. -JOANIN: Moòaghela, dai, invese dirme sù,
dìme cosa xela sta Democrasia?
-BÈPI: Mi i me ga dà da intendar ca la xè na
roba gran bona, ma no la ga da èsar na parsona
fa te cridi ti, ca a te basta ca na roba la finisa co
la "a" e suito te te indrìsi la còa.
Mi a go sentòr ca la sìpia na nova specie de
pianta ca la crese in mexo a le prìe e la fa fruti
anca col frèdo.
-JOANIN: Ma dìxito? Na pianta ca no serve
bruscarla, ca no serve darghe da bévar o luame!
Sarà finii tuti i nostri problemi.
-BÈPI: Cosa altro podarisela èsar sta
Democrasìa?
Fin ca i discore rìva Toni el dotòr del paexe.
-TONI: Bondì siòri
-BÈPI: Bondì dotor
-JOANIN: Bondì bondà dotor, el xè vignisto a
propòxito!

9. -TONI: Gavìo coalche màl?
-BÈPI: Ghemo sol ca el mal de l'ignoransa. A
semo chive ca ciacolemo de na ròba nòva ca i
dìxe la ne portarà on gràn ben, ma no savemo
còsa ca la sìpia.
-JOANIN: Si dotòr, a se tràta de la Democrasìa!
Ghemo escludesto ca la sìpia na siòra e Bepi el
mantièn ca la sìpia na pianta da fruto ca la crese
anca in mexo le prìe e la prodùxe anca col frèdo
de l'inverno.
-TONI: Ma no, cosa sìo drìo dir su, la
Democrasìa no la xè on èsar anema, no la xè ne
pianta ne animàl e manco ncora na parsona. La
xè na idèa, la xè na forma de goerno, de
convivensa comun a ndò tuti sernise, a ndo tuti
semo conpagni.
-BÈPI: Ostia, ma fa xelo posìbile sernir tuti?
-JOANIN: Mi a go fin problemi metarme dacordo
co la me fémana.
-TONI: Gavì da credarme, co riva la
Democrasia, tuti li pol votàr, tuti li pol sernir e dir

10. chi ca ga da comandàr, e se dopo a no el ve
còmoda, lòra podì votàr naltro, e vanti cusìta.
-BÈPI: Belo sì, ma se no me còmoda gnisòn,
cosa vienlo dòpo?
-JOANIN: Eh si dotor, vorìa saver se no ne
còmoda delegar, cosa podemoli far?
-TONI: Ma no pol mìa èsar, se ga da catar na
solusiòn pal ben de tuti, la Democrasia la fa el
ben de tuti, ma no sio mìa buni capirlo?
-BÈPI: Ma no xe pusibile far l'intarese de tuti, no
ghe sarìa richi sensa poareti e gnanca doturi
sensa infermi.
A ghe sarà pur chi ca no xè contento e vol sernir
par lu.
-JOANIN: Bepi el ga raxòn, se on no el vol la
Democrasia, cosa porlo far, a no sarà mìa
obligatoria sta Democrasìa?
-TONI: Valtri a no podì capir ca a xè pal vostro
ben. La Democrasia la fa el ben de tuti, la xè el
voler de tuti. Co la Democrasia podì sernir chi ca
ve governarà e no ghe sarà pi i re, i inperaduri o
i ditaduri, ma dele parsone votà da valtri.

11. -JOANIN: E daghela ca no podemo capir. E ca
nome gavarali chi ca ne comanda co ghemo la
Democrasia?
-BÈPI: Si dotor, el me diga lu ca el sa tuto!
-TONI: La parsona pi inportante co pi poder a
sarà el presidente o el mininstro e drio de luri
ghe sarà dei consilieri o senaduri.
-JOANIN: Ma lora canvia sol ca i nomi.
-BÈPI: Ma dotor propio lù ca el cura i malà? Ca
a lo ciame cagoto o diarrea, no xela mia a stesa
roba?
-TONI: Ma no, no xè cusì. El presidente, el
mininstro e i senaduri i se pol canviàr e si valtri
sernirli, ogni 5 ani. In democrasìa, a podi votàr
naltro ca ve piàxe.
-BÈPI: Ma el me scuxe sior dotor: ma se a voto
on, chi me garantiselo ca el fasa chel ca a vojo
mi? E mi intanto cosa gonti ndàr dormir e spetar
sincoe ani poder votar naltro?

12. -JOANIN: Justo, cosa femoli sa no el ne piàxe?
Ghemoli star stiki inbatunii fa l'ua pàsa pa tuti sti
ani?
-TONI: Intanto pa 5 ani podi partesipar a la vita
institusional e jutàr anca valtri. Vanti criticar se
ga da far.
-BÈPI: Ciò dotor, ma el varde ca mi no go mia
tenpo pa naltro laoro.
-JOANIN: E si, naltri ghemo i canpi, e le piante
e le bestie e anca chela anda de me mojer da
starghe drìo, no ghemo mìa bon tenpo far la vita
institusionàl, de not naltri ndemo al teatro
Bianchini!
-BÈPI: Mi dotor a go on gran coexito. E se no ne
piàxe gnanca st'altro pasà i 5 ani, cosa gonti da
far?
-JOANIN: El ne diga dotor! A semo tuti recie par
lu!
-TONI: A sto mondo a no se pol mia ver tuto chel
ca se vol, gavì pur da incontentarve.

13. -BÈPI: Ma no femo mìa prima ca mi fàso chel ca
me comoda mi, sensa ca spete naltro ca me
dixe cosa far?
-JOANIN: Par cosa ghemoli da delegàr on ca el
ne dìga cosa far?
-TONI: Tùxi! Se ogniòn fa chel ca ghe comoda,
vien fora l'anarchìa, eco parchè ghe vol la
Democrasia.
-BÈPI: ciamela fa volì. Mi no so cosa ca la xé
sta narchìa, ma mi a crèdo ca el bon senso e la
responsabilità li xè on bon goerno.
-JOANIN: E po dotor, lu no ghe gàlo mìa pensà
ca dopo ca ghemo votà, no podemo pi
lamentarse parchè i ne rinfasarà ca semo sta
naltri sernirlo. A xè fa maridarse, dopo a te toca
soportarla.
-TONI: Ma co ghe xè la democrasìa, a se pol
anca protestàr, invese co st'altri goerni no se
pol.
-BÈPI: Intanto no xe mìa vèro, a me pàr ca pi de
on rè o inperador el xè finìo al patibolo, e pò
protestar xè màsa pòco, a xè fa sigàr al vento.

14. -JOANIN: Eh si, chi ne dìxelo ca le nostre
proteste le vien scoltà. No ne intaresa mìa sol
poter protestàr, naltri volemo fàti e no ciàcole.
-BÈPI: Mi sta democrasìa la me par naltra
invensiòn pa no saver co chi ciaparsela, e
intanto se vien obligà paràr xò ogni sorta de
sopruxo drìo la scuxa ca sèmo naltri ver votà e
ca tuto vien festo pal nostro ben, e dopo i ne
vien dir ca se no capimo sta roba a xè parchè no
ghemo studià bastansa.
-JOANIN: ...ca va orìa dir: ca no se ghemo festo
tamixàr el sèrebro rento le scole obligatorie.
-TONI: Ad ogni modo, mi ve go spiegà e
ricordeve, ca no existe altra solusiòn.
-BÈPI: No go mìa capìo, ma se no volemo la
Democrasia, ne bastoneli?
-JOANIN: Si dotor, el ne dìga co onestà: ma sta
Democrasia xela obligatoria?
-TONI: Gnison ve obliga votar, ma se no
partesipè a la Democrasia, ve fe solo del mal
valtri.

15. -BÈPI: El me fàsa capir: xela na minasa?
-JOANIN: Se fin deso el ne ga dìto ca in
democrasìa sarìsimo lìbari de sernir, dèso vienlo
fora ca se no la asetemo a xè pexo par naltri?
-TONI: Chi ca no vota no el xè raprexentà e no
gavarà gnison ca fa i so intaresi.
-BÈPI: Vanti tuto, i me intaresi me li faso mi,
sensa delegar el nàne de turno. E pò, se mi no
go vòja de la democrasìa, podaroli pur voler
calcos' altro?
-JOANIN: A no xé mìa màsa democratego
obligàr èsar democrateghi!
-TONI: Ma xè el progreso? Valtri a no podì parar
la modernità. E dòpo ricordeve ca anca valtri
podì partesipàr, podì èsar eleti.
-BÈPI: A me par coaxi na loterìa ca tuti li pol
xugàr e vìnsar, ma dopo vinse senpre i soliti. A
sto ponto no xelo mìa mejo far a sortejo? No
fèmoli mìa prìma sernir?

16. -JOANIN: Col sortejo a semo tuti conpagni, a xè
mejo la sorte de la democrasìa, o no?
-TONI: Pòri gràmi ca si, col sortejo pol èsar votà
anca i mùsi, e invese ghe vol xente ca la sìpia
maestra, co on titolo, magari avogadri o .....
-BÈPI: O dotor fa lu, vero? E naltri ca ghe
metemo el da drìo, chi ne rapresentelo?
-JOANIN: Ma no xerelo mia drìo parlarne de
ogoaliansa e ca semo tuti conpagni in
democrasìa? E deso ne vienlo dir ca col sortejo
sarìa on peligolo parchè pol vegner votà xente
ca no la ga tìtoli?
-TONI: Maria vercola, a so drìo perdar l'ànemo
co valtri. Mi a ve go spiegà cosa ca a xe la
democrasìa e a lo dìgo pal vostro ben, serchè
capirme.
-BÈPI: A sarà na bela roba sta Democrasia, lu el
ne parla de libartà de ogoaliansa, ma mi a me
vardo paratorno e vedo senpre pì controluri,
senpre pi jendarmi, senpre pi tàse, senpre pi leji
e senpre pi òblighi.

17. -JOANIN: A xè vero, e ogni olta i ne dìxe ca tuto
sto poder e controli li xè pal nostro ben, pa
protexarme dai teroristi, dai ladri, dai evasuri, dai
catìvi, dai eventi atmosfereghi e teremoti da le
"calamità". I parla senpre de "alarmi"! Mi a le me
par tute fiàbe pa spauràrne.
-TONI: Co valtri far rajonaminti a xè perdar
tenpo. Ndè tuti do ramengo.
-BÈPI: Ma no el se la ciàpe dotor, naltri
vegnemo da naltro mondo, laoremo e semo
costumà tocàr co man le ròbe, no ghemo la
capasità imajinativa e speculativa de on studià.
-JOANIN: Si dotor, semo duri, a xè propio la
xénte fa lu ca serve pa fàrne star mejo.
-BÈPI: A ghe daremo le nostro vòto
-JOANIN: Si dotor, anca me mojer e le me
putele ghe darà el voto.
-TONI: Anca el to can e la cioca! I puteli no li pol
votàr, svejeve!
-BÈPI: Cosa? Ma no semoli tuti conpagni.

18. -JOANIN: Si dotor, cosa ghe sentrelo esar puteli
o grandi? Parché i puteli no gali anca lori le so
nesesità?
-TONI: Ndè in mona tuti dò!
-BÈPI: Magari!.
-JOANIN: Chela si la votarìa, ma tuti i dì!