3. Cai a neve cai cai falopiña a falopiña nin o vento a arremuiña nin a auga a desfai Uxío Novoneyra
4. No bicarelo do bico do brelo canta o paxariño. No mesmiño bicarelo do canto do brelo Uxío Novoneyra
5. Ando limpando a casa de cacharros e trastos lacenas e faios sin deixar rechubazo. Ando a tocarlle as maos ós antepasados… Uxío Novoneyra
6. Pacen as vacas na. nabarega treme a pequena que vai co’elas. Febreiro chove febreiro xea febreiro neva neve lixeira. Uxío Novoneyra
7. Cousos do lobo! Caborcos do xabarín! Eidos solos Onde ninguén foi nin ha d’ir O lobo! Os ollos do lombo do lobo! Uxío Novoneyra
8. Brilla a auga nas beiras… As calzas do cuco polas beiras I as bouzas dos outos boscos Nos tesos núos e foscos. Uxío Novoneyra
9. Eu a ollar pro lume i o lume a ollarme. O lume sin queimarme fai de min fume… Uxío Novoneyra
10. Co teu pelo podería tecerse A única cota de malla Contra das noites agudas Uxío Novoneyra
11. O camiño sobe baixa torce e morre ó lonxe… Uxío Novoneyra
12. Primachorros brancos Panqueixo i amarguexos Argana polos barrancos folla podre nos reprexos! Alguén esta niste aire da mañá. Cotolovíos Ouriolos tordos meleaos! paxaros e paxariños polos ríos Polo souto e polos chaos e bandadas e bandadas de estoniños polas labradas. Uxío Novoneyra
13. Frores de maio nevando dos mazairos pre que ún quede inda máis quedo que ollándovos no alto Uxío Novoneyra
14. Pastora que pásala vida no monte soliña! Pastora que fías e cantas ca roca á illarga! Pastora que cantas e fías lá branca merina! Pastora que fías e cantas á tardiña baixa! Pastora que cantas e fías á alta seriña! Uxío Novoneyra
15. Neva no bico do cume neva xa pola ladeira neva no teito e na eira. Uxío Novoneyra
16. Fala a tarde baixiño i o corazón sínteo… Uxío Novoneyra
17. Canta a fontiña canta a fontela i anque a canción é dela ten unha cousa miña pola que podo entendela. Uxío Novoneyra