დაწყებითი

1. ფუღურო
რევაზ ინანიშვილი

2. მუხის ფუღუროში ბებერი ობობა დასახლდა.
რამდენიმე ადგილას აბლაბუდები გაჭიმა. ღამით
უმთავრესად ეძინა. დილით კი გადმოაწყობდა წინა
ფეხებს და ათვალიერებდა თავის აბლაბუდებს.

3. თუ რომელიმეში გაბმულ მწერს დაინახავდა,
საბრძოლოდ აფხორილი წამოვიდოდა.

4. ობობას წვიმის არ ეშინოდა. არ ეშინოა არც
თოვლის. ეშინოდა მხოლოდ სეტყვისა.
სეტყვის მარცვლები აბლაბუდას გლ;ეჯდა.
დიდი შრომა იყო საჭირო მათი ხელახლა
გაბმისათვის.

5. ობობას ყველაზე მეტად
ერთი უწესო თაგვი აწუხებდა.
შემოფაფხურდებოდა თაგვი
ფუღუროში, ფაცხაფუცხით
ავარდებოდა მაღლა, გაარღვევდა
თითქმის ყველა ქსელს, მირბოდა
და მისთრევდა აბლაბუდაც.

6. • გაედევნებოდა ობობაც, მაგრამ
რა! უკან მობრუნებული თაგვი
ერთს შემოუბრიალებდა ელამ
თვალებს, ან დაანახვებდა თავის
ბასრ კბილებს და ობობა უკან
იხევდა.

7. • წავიდოდა თაგვი და დაბოღმილი ობობა
თავიდან დაიწყებდა აბლაბუდას გაჭიმვას.
მუშაობდა უმთავრესად თავდაღმა
დაკიდებული. ისე იღლებოდა, ზოგჯერ
ფუღუროში მიბრუნების თავი აღარ ჰქონდა,
შიგ აბლაბუდაში იძინებდა. იცოდა, ეს ძალიან
საშიში იყო, თაგვს რომ ასე ენახა, ვეღარ
გადაურჩებოდა, მაგრამ მაინც ეძინა.

8. ერთ საღამოს კი, სულ რომ არ ელოდა თაგვის
გამოჩენას, ფუღუროს ბათქანით მოაწყდა რაღაც,
გაისმა თაგვის გამწარებული წრუწუნი....

9. დაფიქრდი და უპასუხე კითხვებს
• როგორ აღწერს მწერალი ობობას
მუშაობას?
• მოძებნე ტექსტში ის ადგილი, სადაც ჩანს,
რომ ობობა ბევრს მუშაობდა.
• რა აწუხებდა ობობას ყველაზე მეტად?
• როგორ დაახასიათა მწერალმა თაგვი?
• ჩაწერე რვეულში რა გაგრძელება
შეიძლება ჰქონდეს ამ ამბავს?