Tinalakay sa aralin ang papel ng lipunang sibil, media, at simbahan sa pagbuo ng kabutihang panlahat, na nagbibigay ng mga halimbawa ng kanilang aktibidad. Ang lipunang sibil ay nagsusulong ng sama-samang pagtulong na hindi nakasalalay sa mga pulitiko, habang ang media ay layuning ipahayag ang katotohanan para sa ikabubuti ng lahat. Gayundin, ang simbahan ay nag-uugnay ng pananampalataya sa aktibong pakikilahok sa lipunan.

1. Aralin 4
Lipunang Sibil, Media at Simbahan
Ang GRADES pinaghihirapan HINDI inililimos.

2. Kasanayang Pampagkatuto
• Natutukoy ang mga halimbawa ng lipunang
sibil at ang kani-kaniyang papel na
ginagampanan ng mga ito upang makamit
ang kabutihang panlahat
• Nasusuri ang mga adhikaing nagbubunsod
sa mga lipunang sibil upang kumilos tungo
sa kabutihang panlahat

3. Balik-aral:
• Ang lipunang pang-ekonomiya ay nagsisikap na
pangasiwaan ang mga yaman ng bayan ayon sa
kaangkupan nito sa mga pangangailangan ng tao.
• Sa lipunang pang-ekonomiya, ginagawa ng mga tao na
malaking tahanan ang bansa – isang tunay na tahanan
kung saan maaaring tunay na tumahan (huminto,
manahimik, pumanatag) ang bawat isa sa pagsisikap
nilang mahanap ang kanilang mga buhay.

4. Panimula
• Ang pamahalaan ay gumagawa at nagpapatupad
ng mga batas upang matiyak nito na matutugunan
ang mga pangangailangan sa lipunan.
• Magkagayon man, sa maraming pagkakataon ay
nagkukulang ang pamahalaan sa layuning ito.

5. Lipunang Sibil
• Ang kusang pag-oorganisa ng ating mga sarili tungo
sa sama-samang pagtuwang sa isa’t-isa.
• Hindi ito isinusulong ng mga pulitiko o ng mga
negosyante na may pansariling interes.
• Ito ay ibinubunsod ng pagnanais ng mga
mamamayan na matugunan ang kanilang mga
pangangailangan na bigong tugunan ng
pamahalaan at kalakalan (business).

6. • Ang lipunang sibil ay nagsasagawa ng mga
pagtugon na sila mismo ang nagtataguyod,
kung kaya nagkakaroon ng likas kayang pag-
unlad (sustainable development) na hindi tulad
ng minadali at pansamantalang solusyon ng
pamahalaan at kalakalan.
Halimbawa:
1994- Peace Advocates Zamboanga – adbokasiyang
palakasin ang ugnayan ng mga Kristiyano at Muslim
1984- Gabriela Movement – isinulong at naisabatas
ang Anti-Sexual Harrassment Act (1995), Anti-
Violence Against Women and their Children Act
(2004), at iba pa.

7. Katangian ng iba’t-ibang Anyo ng
Lipunang Sibil
• Pagkukusang-loob. Walang pumilit, nanakot,
o nanggipit sa mga kasapi nito upang
makisangkot.
• Bukas na pagtatalastasan. Walang
pinipigilan o dinidiktahan sa pagpapahayag
ng saloobin.
• Walang pang-uuri. Hindi isinasaalang-alang
ang kalagayang panlipunan ng mga kasapi:

8. Katangian ng iba’t-ibang Anyo ng
Lipunang Sibil
• Pagiging organisado. Sapagkat nagbabago
ang kalagayan ayon sa mga natutugunang
pangangailangan, nagbabago rin ang
kaayusan ng organisasyon upang tumugma
sa kasalukuyang kalagayan.
• May isinusulong na pagpapahalaga. Ang
isinusulong nito ay hindi pansariling interes
kundi kabutihang panlahat – katotohanan at
espiritwalidad.

9. Ang Media
• Anumang bagay na “nasa pagitan” o namamagitan
sa nagpadala at pinadalhan ay tinatawag sa Latin
na medium (o media kung marami).
• Kung maramihan at sabay-sabay ang paghahatid
na ginagawa natin, tinatawag natin itong mass
media: diyaryo, radyo, telebisyon, pelikula o internet
• Sa pagpapalutang ng mahahalagang impormasyon
ay napananatili mo ang ikabubuti ng iba pang
kasapi ng lipunan.

10. • Ang pangunahing layunin ng media ay magsulong
ng ikabubuti ng bawat kasapi ng lipunan. Ito ang
dahilan kung bakit tungkulin ng media ang pagsasabi
ng buong katotohanan, at kagyat na pagtutuwid
sakali mang may naipahatid na maling impormasyon
na maaaring maging batayan ng iba sa pagpapasya
ng ikikilos.
• Ang media ay pinaglalagakan lamang ng mga
katotohanang kailangan ng lipunan para sa ikabubuti
ng bawat kasapi nito. Hindi ikabubuti ninuman ang
kasinungalingang bunga ng pagdadagdag-bawas sa
katotohanan.

11. Ang Simbahan
• Gaano man karami ang iyong matamo para sa sarili,
makararamdam ka pa rin ng kawalan ng katuturan.
• Sa pagiging mananampalataya mo ay hindi
nawawala ang iyong pagkamamamayan. Sa
katunayan, ang iyong pananampalataya ay
naisasabuhay mo sa pamamagitan ng pagtuwang sa
lipunan, at pagtugon sa panawagan ng lahat na,
“Paki lang.”

12. • Papa Juan Pablo II: “Ang kapangyarihan ng media
ay hindi isang lakas na nananalasa kundi isang pag-
ibig na lumilikha.”
• San Ignacio: “Kapag naglihim tayo, doon
magtatrabaho ang demonyo.”
• Malala Yousafzai: walong taong gulang nang
magsimulang sumulat ng blog na naglalarawan kung
gaano kadelikado ang mag-aral sa gitna ng
panggigipit ng mga Taliban. Ngayon kapag may
nagagawing Taliban sa kanilang bayan, hinaharap ito
ng mga kabataang babae at buong tapang nilang
idinedeklarang “Ako si Malala.”

13. • Sa anu-anong paraan tinutugunan ng
lipunang sibil ang mga pagkukulang ng
lipunan? Ipaliwanag.
PAGPAPAHALAGA
TAKDA:

14. Isulat kung ano ang tinutukoy sa pangungusap.
NO ERASURES. Wrong Spelling Wrong.
1. Ang kusang pag-oorganisa ng ating mga
sarili tungo sa sama-samang pagtuwang
sa isa’t-isa.
2. Ang pangunahing layunin nito ay
magsulong ng ikabubuti ng bawat kasapi
ng lipunan.
3. Ang iyong ___________ay naisasabuhay
mo sa pamamagitan ng pagtuwang sa
lipunan.

15. Isulat kung ano ang tinutukoy sa pangungusap.
NO ERASURES. Wrong Spelling Wrong.
4. Ayon kay ________, “Kapag naglihim tayo,
doon magtatrabaho ang demonyo.”
5. Walong taong gulang na sumulat ng blog
na naglalarawan kung gaano kadelikado
ang mag-aral sa gitna ng panggigipit ng
mga Taliban.

16. SAGOT:
1. Lipunang Sibil
2. Media
3. Pananampalataya
4. San Ignacio
5. Malala Yousafzai