Fiangonan'Andriamanitra Miray (FIAMI) https://fiamiray.blogspot.com PLANIN'NY FAMONJENA Teny Fampidirana: Ny ankamaroan’ireo milaza ho Kristiana dia mitandrina izay antsoiny hoe « Fanasan’ny Tompo », « Lamesa », « Eokaristia », na izay fanao mitovy amin’izany, mitarika ho amin’ny fizarana ny mofo sy ny divay izay manamarika ny sorona nataon’i Kristy. Vitsy amin’izy ireo anefa no mahazo ny antony anaovany izany, sady samy hafa koa ny fanatanterahany azy araka ny antokom-pivavahana (anara-piangonana) arahiny. Io fomba fanao io dia fahatsiarovana ny DINGANA VOALOHANY IHANY amin’ny Planin’Andriamanitra. Ho an’ny ankabeazan’ny Kristiana, ireo dingana hafa rehetra dia tena tsy jerena akory, koa noho izany dia tena tsy azony izay dikany. Manana Planina misy dingana fito Andriamanitra – toy ny nampahafantarany zavatra sasany mifototra amin’ny isa fito. Hatrany am-boalohany, Andriamanitra dia namorona ny andro fito amin’ny herinandro (Gen 1). Ny andro fahafito dia nofidiny ho Sabatany masina (Gen 2:1-3). Taorian’izay dia nanome ny Andro masina fito isan-taona Izy, hampahafantarany ny Planiny sy ny Tanjony ho an’ny zanakolombelona (Lev 23). Ao amin’ny Testamenta Vaovao, dia hitantsika ny fanoritany ny Fiangonana FITO ao amin’ny Apokalypsy (Apo 1:20 ; Apo 2 ; Apo 3). Azontsika vakina koa fa misy ny Tombokase FITO, Trompetra FITO, Loza FITO farany, ets. Satria ny isa fito dia mariky ny fahatotontasana na ny fahatanterahana. Noho izany, raha azontsika, toa tsy misy dikany ny fankalazana Fetin’Andriamanitra fanao isan-taona IRAY IHANY, izay manoritra ny am-pahany iray fotsiny amin’ny Planiny, fa HADINOINA kosa ny sisa. Mba hijerena ankapobeny izay ho hitantsika amin’ny antsipiriany, dia ‘ndeha hodinihina fohy ireo Fetin’Andriamanitra ara-panahy FITO isan-taona, hahazoantsika bebe kokoa ny Planina sy ny TANJONA ambaran’izy ireo. INONA NO PLANINA NATAON’I JEHOVAH HAMONJENA NY OLONA? Hitanao ato nyandinindininy

1. NY PLANIN’NY
FAMONJENA
JERY ANKAPOBENY NY PLANIN’
ANDRIAMANITRA
TENY FAMPIDIRANA
Ny ankamaroan’ireo milaza
ho Kristiana dia mitandrina
izay antsoiny hoe « Fanasan’ny
Tompo », « Lamesa », «
Eokaristia », na izay fanao
mitovy amin’izany, mitarika ho
amin’ny fizarana ny mofo sy
ny divay izay manamarika ny
sorona nataon’i Kristy.
Vitsy amin’izy ireo anefa no
mahazo ny antony anaovany
izany, sady samy hafa koa ny
fanatanterahany azy araka ny
antokom-pivavahana (anara-
piangonana) arahiny.
Io fomba fanao io dia
fahatsiarovana ny DINGANA
VOALOHANY IHANY
amin’ny Planin’Andriamanitra.
Ho an’ny ankabeazan’ny

2. Kristiana, ireo dingana hafa
rehetra dia tena tsy jerena
akory, koa noho izany dia tena
tsy azony izay dikany. Manana
Planina misy dingana fito
Andriamanitra – toy ny
nampahafantarany zavatra
sasany mifototra amin’ny isa
fito. Hatrany am-boalohany,
Andriamanitra dia namorona
ny andro fito amin’ny
herinandro (Gen 1). Ny andro
fahafito dia nofidiny ho
Sabatany masina (Gen 2:1-3).
Taorian’izay dia nanome ny
Andro masina fito isan-taona
Izy, hampahafantarany ny
Planiny sy ny Tanjony ho
an’ny zanakolombelona (Lev
23). Ao amin’ny Testamenta
Vaovao, dia hitantsika ny
fanoritany ny Fiangonana
FITO ao amin’ny Apokalypsy
(Apo 1:20 ; Apo 2 ; Apo 3).
Azontsika vakina koa fa misy
ny Tombokase FITO,
Trompetra FITO, Loza FITO
farany, ets. Satria ny isa fito
dia mariky ny fahatotontasana
na ny fahatanterahana.

3. Noho izany, raha azontsika,
toa tsy misy dikany ny
fankalazana
Fetin’Andriamanitra fanao
isan-taona IRAY IHANY, izay
manoritra ny am-pahany iray
fotsiny amin’ny Planiny, fa
HADINOINA kosa ny sisa.
Mba hijerena ankapobeny izay
ho hitantsika amin’ny
antsipiriany, dia ‘ndeha
hodinihina fohy ireo
Fetin’Andriamanitra ara-
panahy FITO isan-taona,
hahazoantsika bebe kokoa ny
Planina sy ny TANJONA
ambaran’izy ireo.
INONA NO
PLANINA
NATAON’I
JEHOVAH
HAMONJENA NY
OLONA?

4. 1)Voalohany,
ankalazaintsika
manetriketrika ny
fijaliana sy ny
fahafatesan’i Kristy
nisolo antsika. Ny
Baiboly dia
miantso izany hoe
« Paska ». Io no
manamarika ny
fankatoavantsika ny tenan’i
Kristy torotoro sy ny rany
latsaka, izay natolony antsika
amin’ny maha Mpamonjy
Azy. Tadidio anefa fa
dingana voalohany amin’ny
Planin’Andriamanitra ihany
io!
2)Manaraka izany, tsy
maintsy MITOMBO
amin’ny fahasoavana sy
fahalalana an’i Jesosy Kristy
isika (2 Pet 3:18), ary
MANARY any ivelan’ny

5. fiainantsika ny
lalantsika
taloha sy ny
fahazarantsika
manota. Izany
fahaiza-miaina
izay manery
antsika
« handresy »
izany no tantarain’ny
Fetin’ny Mofo Tsy Misy
Masirasira.
3)Fahatelo, isika rehetra
izay mamorona ny
Fiangonana nateraky ny
Fanahy Masina – ny « ondry
vitsy » (Lio 12 :32) – isika
dia « santatra » ihany
amin’ny vokatra ara-panahy
lehibe izay hiseho aorian’ny
Fiverenan’i Kristy. Noho
izany, ny Fety isan-taona
fahatelo, ny Fetin’ny
Pentekosta na Fetin’ny
Voaloham-bokatra, dia

6. mampiseho fa
tsy misy afa-tsy
vokatra ara-
panahy kely
ihany, no
angonin’Andria
manitra
ankehitriny. Ny
tena marina dia
izao: TSY EO AM-
PANANDRAMANA
« mamonjy » izao tontolo
izao Andriamanitra
ankehitriny. Fa raha izany
fanandramana izany no
ataony, dia olona tsy mino
AN-DAVITRISANY maro,
efa maty hatramin’ny elabe,
ary koa betska toy izany,
mbola velona ankehitriny any
Chine, Inde sy any amin’ny
firenen-kafa maro, no tsy
hahafantatra velively
an’Andriamanitra marina, na
hankatò ny Zanany ho Tompo
sy Mpamonjy !

7. 4)Ny zava-hitranga
amin’ny ANDRO FARANY
dia
tantaraina
ao amin’ny
volana
fahafito
Fahefatra,
ny
Fetin’ny
Trompetra
, (Lev 23:24) dia
mampiseho ny
FIAFARAN’izao tontolo
izao misy fikorontanana
lehibe ary koa ny
Fiverenan’i Kristy eto an-
tany. Ny trompetra ara-
bakiteny dia nampiasaina
tamin’ny andron’ny
Zanak’Isiraely taloha ho
tsofina hampiomanana
rehefa misy ady. Amin’ny
androntsika izao, amin’ny
fotoana faratampon’ny ady
sy fikorontanana eran-
tany, dia hiverina Jesosy
Kristy hamonjy, ary hisy

8. fitsanganan’ny maty
amin’ny « FITSOFANA
NY TROMPETRA
FARANY » (1 Kor 15:51-
52).
5)Rehefa izany, aoriana
akaikin’ny fiverenan’i Kristy,
Satana dia hofatorana sy
hatsipy ao amin’ny lavaka tsy
hita noanoa, « mba TSY
HAMITAKA NY
FIRENENA INTSONY ».
(Apo 20:3). Noho izany,
rehefa voafatotra i Satana, dia
afaka « hampihavanina », na
“ho tena iray”
amin’Andr
iamanitra
ny olona.
Izany no
tantarain’n
y Fety
ara-
panahy
fahadimy
– Andro Fanavotana.

9. 6)Aorian’ny fiverenan’i
Kristy, Andriamanitra dia
handrotsaka ny Fanahy
Masina amin’ny olona
rehetra, ary hanomboka
hanazava ny fahafantarana
marina ny Planiny lehibe.
Miteny momba izany fotoana
izany Izy, ary milaza hoe :
« Ny tany ho henika ny
fahalalana an'i Jehovah,
tahaka ny anaronan'ny rano
ny fanambanin'ny
ranomasina. » (Isa 11:9).
Izany no ambaran’ny
fitandremantsika am-pifaliana
ny Fety fahenina amin’ny
Planin’Andriamanitra, –
Fetin’ny Tabernakely, na
« Fetin’ny Famoriam-
bokatra » (Eks 34:22).

10. Ny tetiandron’ny Fety
Masin’Andriamanitra dia
mifototra amin’ny fizaran-
taona fijinjam-bokatra tany
Isiraely. Arak’izay voatondro,
izy ireo dia mitantara fijinjam-
panahy ho an’Andriamanitra.
Amin’ny voalohany, ny vokatra
kely dia ambaran’ny Fetin’ny
“Santa-bokatra” (Jesosy Kristy)
sy ny “Voaloham-bokatra”
(Kristiana amin’ny
fitsanganana voalohany). Ary
amin’ny FARAN’izao andro
izao, ny fijinjam-bokatra lehibe
amin’ny faran’ny taona dia
ambaran’ny « Fetin’ny
Tabernakely » (Fanjakana
arivo taona).
Izao kosa isika dia tonga
amin’ny Fety ara-panahy
fahafito sady farany, izay
nomen’Andriamanitra ny
olony. “Fa inona indray no tsy
mbola mahafeno io Planina
io?” hoy ny fanontanianao.
Aorian’ny fanjakan’i Kristy
arivo taona, dia mbola hisy

11. olona AN-DAVITRISANY
MARO, maty taloha, izay TSY
NANANA MIHINTSY
tamin’ny androm-piainany,
fotoana NAHAFANTARANY
izay kely indrindra momba
an’Andriamanitra marina, sy
Jesosy Kristy, ary ny Planin’ny
Famonjena. Inona no hanjò ireo
olombelona an-davitrisany
“very” ireo, satria “TSY MISY
FIZAHAN-TAVAN’OLONA”
amin’Andriamanitra? (Rom
2:11).
Ny Fety lehibe fahafito dia
manambara ny fotoana izay
hanokafan’Andriamanitra -
VOALOHANY ny fanahin’ireo
olombelona ireo – mba
hahazoany ny
Tenin’Andriamanitra, sy
hananany fotoana hisoratan’ny
anarany ao amin’ny “bokin’ny
fiainana” (Apo 20:11-12 ».

12. 7)Amin’ny fitandremana
io Fety fahafito io izay
antsoina hoe « Fara-
fivoriana (Lev 23:36) na
Andro lehibe farany » (Jao
7:37), no maha feno ny
fahalalantsika ny sarin’ny
PLANINA nataon’ny
Mpamorona hidiran’ny
olombelona ao amin’ny
Fianakaviany na Fanjakany.
Ny fanatanterahana ny
dingana rehetra amin’io
Planina io dia manomboka
amin’ny fanekentsika an’i
Kristy ho Mpamonjy, ka
hatramin’ny fiverenany, ary
mitohy hatramin’ny Andro
lehibe farany, rehefa manana
fotona hahavonjy azy ny
olombelona REHETRA.
Ireo Fotoam-pivavahana
voatendrin’i
Jehovah ireo
dia sarin’ny
Planin’Andria
manitra
TOKOA.

13. Noho izany, ny fetim-
pivavahana hafa avy amin’ny
fanompoan-tsampy, izay
nampidirin’i Satana tamin-
kasomparana sy fitaka ao
amin’ny fiangonana dia tena
somonga ratsy mihitsy. Ny
marina dia izao, mivavaka
amin’ny andriamani-tsi-izy sy
Kristy sandoka ireo fiangonana
ireo, ary manosika ny olona
hanaiky filazantsara diso, izay
mifanohitra mivantana amin’ny
hafatra marina notorin’i Jesosy
Kristy sy ny Apostoly !
Ireo Fety fito ireo – ny roa
aminy maharitra fito andro, ary
ny dimy maharitra indray andro
ihany – dia misy andro sivy
ambin’ny folo isan-taona ny
fitambarany. Amin’ireo andro
sivy ambin’ny folo ireo, ny fito
dia fitsaharana manokana na
“Sabata”. Ireo Sabata fito isan-
taona ireo – izay antsoina hoe
koa « Fivoriana
Masin’Andriamanitra isan-

14. taona » - na « Andro
Masin’Andriamanitra isan-
taona », dia ireto avy : ny
Paska, ny Mofo Tsy Misy
Masirasira, ny Pentekosta, ny
Fitsofana Trompetra, ny Andro
Fanavotana, ny Tabernakely,
ary ny Fara-Fivoriana (antsoina
hoe koa Andro Fahavalo
amin’ny Tabernakely).
Fotoan’ireo Fivoriana
Masina tsirairay isan-
taona
« Ny amin'ny fotoam-
pivavahana voatendrin'i
Jehovah, izay hantsoinareo ho
fivoriana masina, dia izao no
izy: » (Lev 23:2)
« Henemana no hanaovana
raharaha; fa ny andro fahafito
dia tena andro fitsaharana, dia
fivoriana masina; aza manao
raharaha akory ianareo, fa
Sabata ho an'i Jehovah eny
amin'izay fonenanareo rehetra
izany. » (Lev 23:3)

15. « Izao no fotoam-pivavahana
voatendrin'i Jehovah, dia
fivoriana masina hantsoinareo
amin'ny fotoany avy: » (Lev
23:2, 4, 37)
 Paska : andro Faha 14
Nisana, rehefa hariva.
 Mofo Tsy Misy
Masirasira : andro Faha 15
hatramin’ny faha 21 Nisana.
Misy andro fitsaharana roa:
faha 15 sy faha 21 Nisana.
 Pentekosta: andro Faha
50 isaina manomboka ny
ampitson’ny Sabata ao
anatin’ny herinandron’ny
Paska.
 Fitsofana trompetra:
andro Voalohan’ny volana
faha 7.
 Andro Fanavotana:
andro Faha 10 amin’ny
volana faha 7.
 Tabernakely: andro Faha
15 hatramin’ny faha 21
amin’ny volana faha 7.
Fivoriana masina amin’ny
andro faha 15.
 Fara-fivoriana: andro
Faha 22 amin’ny volana faha
7.

16. Tsindriho ny sary raha te handalina be be kokoa ny hevi-
panahin’ireo Andro Firavoravoana voatendrin’i Jehovah.