Conto sobre o magosto

1. O magosto
MonDaporta OS NENOS DA RATA LUÍSA

2. Xa andan a rir os ourizos nos castiñeiros do souto.
Xa están a chegar os días de gozarmos dos magostos.

3. Os nenos de Luisa quedaron cos amigos
para iren facer o primeiro, o domingo, á beira do río.

4. Foron apañar as castañas pero aínda hai poucas no chan,

5. para xuntaren o resto tiveron que as varear.

6. Abren os ourizos cos pés para zafar das espiñas
e van gardando as que sacan nunhas bulsas que traían.

7. Buscaron un sitio aberto, arrodeárono de pedras,
e botaron no medio os garabullos para facer a fogueira.

8. Mentras asan as castañas hai tempo para andar de troula

9. e xogar a todos os xogos que nestas datas se xogan.

10. Coa noite xa metida e o magosto rematado
volven para as súas casas deixando o lume apagado.

11. E no camiño de volta non teñen présa ningunha
aínda seguen cos enredos. No ceo xa brilla a lúa.

12. Cando chegaron á casa, cheirando a fume e enfurruxados,
Luisa mandounos ir dereitños para o baño.

13. Como xa o agardaban tampouco lles pareceu mal
ter que pasar pola ducha antes de írense deitar.

14. Luísa, Roxelio
e máis os ratiños
agardan que vos
gusten estes seus
contiños.
Abur!