1. Kur dielli të lind nga perëndimi
Siç kemi thënë edhe më herët, ka dallim në mes të besimit në të vërtetën dhe
diturisë se si do të ndodhë ajo e vërtet.
Pejgamberi s.a.v.s. na ka lajmëruar se para ditës së gjykimit, dielli do të lind nga
perëndimi. Kjo na dëshmon të vërtetën dhe realitetin se, Zoti i Lartmdhëruar është i
Vetmi i cili e ndryshon atë që nuk mund të ndryshohet dhe se nuk ka asgjë në gjithësi që
është statike dhe të përgjithmonshme dhe se çdo gjë që e shohim se është statike, i vjen
koha dhe Zoti i Lartmadhëruar e ndryshon si të dëshirojë.
Për të qenë më afër mendjeve tona, nëse dëshirojmë të sjellim një shembull, Zoti
është shembull sjellësi më i mirë. Të shohim pak sistemin diellor në të cilin jetojmë, po
tjetër çka kemi?! Toka sillet rreth diellit, toka rrotullohet në vetvete, hëna sillet rreth
tokës. Në Kur’anin fisnik Zoti i Lartmadhëruar thotë:
“Dhe dielli qarkullon për në vendmbërritjen e vet. Ky është përcaktim i të
Fuqishmit, të Diturit.” (Jasinë : 38)
Zoti i Lartmadhëruar ka dashur që të na e tregoj mënyrën e lëvizjes së diellit. Zoti i
Lartmadhëruar e ka përdor termin “qarkullon” në mënyrë që të na e bëj me dije se dielli
lëviz me shpejtësi të madhe, sepse qarkullimi është më i shpejtë se të ecurit.
Vendmbërritja e diellit është një vend të cilin e di vetëm Allahu i Lartmadhëruar.
Përderisa dielli qarkullon për në vendmbërritjen e destinuar të tij, atëherë duhet të
dimë se çdo veprim, e ka kundërveprimin në masë të njëjtë, dhe e kthen sendin në drejtim
të kundërt të veprimit. Ne këtë mundemi pak a shumë ta parafytyrojmë dhe ta marrim
vetëm si shembull, sepse absolutisht nuk ka aspak lidhje me mënyrën e vërtetë të
ndodhisë. Pra, ne theksojmë vetëm atë se, mund të jetë e mundur që vendmbërritja e
diellit të jetë caku i fundit i qarkullimit të një drejtimi të caktuar, e që pastaj të kthehet në
drejtim të kundërt të qarkullimit të forcës së saj dhe atëherë të lind nga perëndimi.
Shembull: Nëse i bie topit me forcë në mur, topi kthehet me të njëjtën forcë në drejtim të
kundërt. Nëse sistemi diellor shkon deri te vendmbërritja e tij, atëherë do të vjen dita, kur
do të përfundoj udhëtimi i tij dhe kthehet në drejtim të kundërt. Zoti i Lartmadhëruar
thotë:
“Dielli qarkullon për në vendmbërritjen e vet.”(Jasinë : 38)
Kjo do të thotë se vendmbërritja e vet për tek e cila është koncentruar, është vendi ku do
të ndalet.
Ndalja e tij në vendmbërritjen e vet, bën që të kthehet në drejtimin e saj të kundërt.
Dhe, nëse është duke lindur nga lindja, atëherë do të vjen (lind) nga perëndimi.
Ky është vetëm një ilustrim i përafruar, sepse asnjë prej të gjithë neve nuk mund të thotë
fjalën e fundit, bile as nuk mund supozojmë se si do të ndodhë, por është vetëm një
pasqyrim me synim përafrimi të ndodhisë, që mendja e njeriut ta mendoj mundësinë e
lindjes së diellit nga perëndimi i saj.

2. Sa i përket kësaj shenje të madhe, nuk duhet të na ik nga mendja një e vërtetë e
rëndësishme që është e ndërlidhur me të, e ajo është se: Kur të lind dielli nga perëndimi,
më nuk pranohet pendimi. Muhamedi s.a.v.s. në hadith të respektuar thotë:
“Vërtetë, Allahu e zgjat dorën e Tij natën, që t’ia pranoj pendimin, keqbërësit të ditës
dhe e zgjat dorën e Tij ditën, që T’ia pranoj pendimin. keqbërësit të natës,
derisa të lind dielli nga perëndimi i saj.”
Kështu pra, lindja e diellit nga perëndimi është prej shenjave të mëdha, të cilat do të
ndodhin prej Allahut. Dhe kur të ndodhë, më pendimi nuk pranohet.