1. 1
Njeriu dhe ligji i ndryshimeve
Njeriu në jetën e tij ndryshon çdo ditë. Ne vërejmë se njeriu i
nënshtrohet ligjeve për të cilat nuk di asgjë. Kur është i zgjuar ka ligj,
ndërsa kur të jetë duke fjetur ka ligj tjetër, për të cilën gjendje (ligj) nuk
dimë asgjë.
Për këtë arsye, kur të flenë njeriu, ëndërron gjëra të cilat nuk i
nënshtrohen mendjes dhe logjikës. Sheh ëndërr:
- ose duke folur me njerëz të cilët kanë shkuar në botën tjetër
shumë kohë më herët;
- ose bie prej një kodre të lartë dhe nuk i ndodh asnjë e keqe;
- ose shkon në fund të botës dhe kthehet për disa sekonda;
- ose sheh por sytë i ka të mbyllur;
- ose ecë ndërsa këmbët i ka në shtrat dhe nuk i lëvizin;
- ose flet ndërsa gjuha e tij nuk lëvizë;
- ose sheh duke u ndëshkuar, ose sheh duke u kënaqur, etj..
E gjithë kjo ndodh për një çast të vetëm. Kalimi i gjumit prej ligjit
të gjumit në ligjin e zgjimit ndoshta ndodhë për më pak se një sekondë.
Kjo na bën që të kuptojmë se për Zotin e Lartmadhëruar ta beje qe njeriu
te kaloj prej një ligji në një ligj krejtësisht tjetër, është proces i lehtë.
Nëse e lexojmë Kur’anin, shohim se Zoti i Lartmadhëruar thotë:
“Allahu ua merr shpirtrat atyre që u ka ardhur çasti i vdekjes dhe
atyre që nuk kanë vdekur, por që janë në gjumë. Pastaj Ai ndal
shpirtin e atij që i është caktuar vdekja, ndërsa të tjerëve ua lë deri
në afatin e caktuar. Nuk ka dyshim se në këto (dukuri) ka shenja dhe
argumente për njerëzit që mendojnë.” (Ez-Zumer : 42)
Kalimi i njeriut prej zgjimit në gjumë, i përngjanë kalimit të tij prej
jetës në vdekje. Dallimi është se, kur të zgjohet i fjeturi, me zgjim i
kthehet shpirti, ndërsa kur të vdes, nuk i kthehet më shpirti deri në ditëne
gjykimit.
I dërguari i Allahut s.a.v.s. thotë: “Pasha atë te i cili është shpirti
im, ju do të vdisni sikurse kur të bini me fjet dhe do të ringjalleni
sikurse kur të zgjoheni, dhe për vepër të mirë do të shpërbleheni me të
mirë ndërsa për veprën e keqe do të ndëshkoheni me të keqe dhe do të
jeni në xhenet përgjithmonë ose në xhehenem përgjithmonë.”

2. 2
Ai i cili vdes, në momentin e ringjalljes sheh gjëra të cilat nuk i
sheh në momentin e zgjimit. I sheh melaqet dhe gjërat të cilat deri në atë
moment kanë qenë sekrete për të dhe e kupton përfundimin e tij se a do
të jetë në xhenet apo në xhehenem.?
Ky është kalim prej një ligji në një ligj tjetër. Ky proces realizohet
pa e ditur asnjë njeri mënyrën e ndryshimit prej një gjendje në një
gjendje tjetër. Të gjitha këto janë ligje të panjohura për ne, përkundër
faktit se ndodhin mbi ne dhe ndikojnë dhe lënë gjurmë në ne.
Nëse e shikojmë në përgjithësi kozmosin, e shohim se rrotullohet
ashtu që është në dobi për ne, por ne nuk e dimë se si sillet. Shembull:
Ujin e shiut e pi çdo gjë në tokë. Uji është bazë e jetës, kjo vërtetohet në
thënien e Zotit të Lartmadhëruar:
“Dhe Ne kemi bërë ngauji, çdo gjë që është gjallë.” (El-Enbijaë : 30)
Njeriu ka jetuar me shekuj dhe nuk ka ditur asgjë për ujin e edhe
sot nuk e di se si mbushet deti prej liqeneve, pastaj se si avullohet uji në
qiell, pastaj se si zbret shiu. Edhe pse në të kaluarën njeriu nuk e ka ditur
se si zbret shiu, a mos ka qenë pengesë shfrytëzimi i tij për ujitje, për
pije, etj..? Jo! Bile edhe sot, sa i përket shfrytëzimit, nuk ka dallim prej
atij i cili e di se si zbret shiu dhe atij i cili nuk e di se si zbret shiu. Një
pjesë e vogël e dinë, kurse shumica nuk e dinë, por që të gjithë e
shfrytëzojnë ujine shiut. Njësoj është edhe me çështjene diellit, ajrit dhe
tokës. I di apo nuk i di sekretet e tyre, ti i shfrytëzon ato.
Shkencëtarët kanë shpenzuar shumë kohë në hulumtimin e
sekreteve të gjithësisë dhe Zoti i Lartmadhëruar ka dashur që të zbulojnë
shumë sekrete të saj.
Me këto zbulime shkencore Allahu ia ka shtuar edhe dijen njeriut
se: Allahu ka vendosur rregulla dhe ligje në tokë.
Mësimi i atyre ligjeve, ia lehtëson njeriut jetën edhe më shumë
sepse me lehtësi arrin rezultate të cilat më herët i ka arritur me mund,
lodhje dhe vështirësi. Dihet se në të kaluarën njeriu është dashur të shkoj
te burimi të pi ujë, kurse tash ai e ka sjell ujin në dhomë të shtëpisë, tash
vetëm me një prekje në kuzhinë e sheh ujin para vetes. Me këtë kanë
shënuar arritje në shfrytëzim, por nuk kanë arritur diçka në të
shfrytëzuarën.