it is a lesson plan that teachers who are teaching Sepedi/ Northern Sotho. this is a way that a lesson should be planned most importantly when teaching African Language as most teachers find it difficult.
it is a lesson plan that teachers who are teaching Sepedi/ Northern Sotho. this is a way that a lesson should be planned most importantly when teaching African Language as most teachers find it difficult.
3. Thuto ya letšatši
• Thuto ya lehono e theilwe godimo ga maadingwa
le maitlhamelwa. Godimo ga diripa tše tša polelo
go tla lebelelwa ditlhaloso tša tšona le mehlala,
morago go tla latela farologano ya tšona.
4. Morago ga thuto ye o swanetše go
tseba:
Tlhaloso ya leadingwa le tlhaloso ya
leitlhamelwa.
Go fa mehlala ya maadingwa, le go fa mehlala ya
maitlhamelwa a segagešo.
Phapano magareng ga maadingwa le
maitlhamelwa.
Go tseba go ntšha mehlala ya diripa tše tša
polelo le ka gare ga mafoko.
5. Naa leadingwa ke eng?
• Maadingwa ke mantšu ao e sego a segagešo, re a adimile
dipolelong tše dingwe ra a šomiša e ke ke a segagešo,
lebaka ke gore a mangwe a mantšu ao, ga a gona
segagešong. Seo se šupa gore dilo tšeo rena bathobaso ga
re na tšona bjalo ka ge re šomiša dilo tšeo ra adima
mantšu go beng ba tšona. Kudu re adima mantšu go tšwa
polelong ya seisimane le ya seburu.
• Mehlala ya maadingwa:
• Seisimane:founo(phone) , khomphutha (computer).
Othomethiki (automatic)
• Seburu: sekolo (skool), sussie(sesi), roko(rok).
*Tlaleletša mehlala ye ya maadingwa ka ya gago.
6. Naa maitlhamelwa ke eng?
• Maitlhamelwa ke mantšu ao bagagešo ba
ithometšego ona, ka ge a sego ka Sesothong sa
Leboa. Ba ka itlhamela leina go ya ka mošomo
wa selo, go ya le ka modumo goba go ya le ka
sebopego sa sona.
• Mehlala : sellathekeng, sebaledi, sefatanaga,
senotšididi, morethaoitiriša, segatišamantšu le
seyalemoya.
*Efa mehlala yeo o e tsebago ya maitlhamelwa. Go
laetša kwešišo.
7. Tseba phapano:
• Maadingwa ke mantšu ao e sego a segagešo ra a sothofatša
gore a kwagale e ke ke a polelo ya rena fela go se bjalo. A latela
melawana ka moka ya polelo ya rena gore re kgone go a bitša,
le go a ngwala. Ge o adima selo o swanetše go se bušetša ke ka
fao ba gagešo ba tlilego le maina a bona gothwe ke
maitlhamelwa. Maitlhamelwa a fapana le maadingwa ka gore
ona ke mantšwana a segagešo thwii ga go moo a tšwago, re
itlhametše ona. Maitlhamelwa a ka šomišwa go efoga
tšhomišo kudu ya maadingwa polelong. Ge o re sebaledi ga o
fapane le yoo a rego khomphutha fela o mongwe o kgethile go
šomiša leadingwa mola o mongwe a kgethile go šomiša
leitlhamelwa ka moka mantšu a, a dumeletšwe go šomišwa
polelong. Basotho ba lebeletše mošomo wa khomphutha gore
ke go bala bjalo ba tla ka leina la sebaledi.
9. Kakaretšo ya thutwana ya lehono.
• Maadingwa ke mantšwana ao e sego a segagešo
fela ra a sothofatša, ra a šomiša e ke ke a Lesotho
sa Leboa, mola Maitlhamelwa e le mantšwana ao
re itlhametšego ona ka ge re be re sena ona ka
Sesothong sa Leboa, re efoga tšhamišo ya
maadingwa.
Thuto e tla felela mo.
Modimo a re thuše!!!!!