Liturgi Adven GKJ

1. Tata Pangibadah
Minggu Advèn 1
Minggu, 30 November 2014
TANSAH JUMAGA
DUMUGI ING
DELAHAN
Katrangan:
Ltgs: Liturgos; Pmp: Pemimpin;
Prdt: Pradata; Lkt: Lèktor; Psw: Pasamuwan

2. 
PECAWISAN
Pamaosing Pawartos Pasamuwan

3. PASAMUWAN NYAWIJI
Ltgs Sih Rahmat lan tentrem rahayu tumraha mring kita, ingkang
sami ndhèrèk ing pangibadah punika
Psw SAKING GUSTI YÉSUS KRISTUS, TUK-ING PANGAJENG-AJENG LAN
SUKA RENA KITA
Ltgs Panjenenganipun punika Sang Mesih, ingkang kita antos-antos
rawuhipun.
Psw INGKANG BADHÉ JUMENENG MINANGKA RATU
Ltgs Katresnanipun nguwalaken kita saking jireting dosa
Psw LAN NDADOSAKEN KITA MINANGKA PÉRANGANING KULA WARGA
KRATONING ALLAH
Ltgs Kagem Panjenenganipun Kaluhuran lan Kaurmatan saha Pamuji.
Psw SAPUNIKA LAN ING SALAMI-LAMINIPUN

7. Votum Lan Salam
Pmp : Sumangga Pangibadah Minggu
Advèn ingkang kapisan ing wanci punika kita
sengker kanthi pengaken: Pitulungan kita
punika, pinangkanipun saking Yéhuwah Allah
ingkang nitahaken langit lan bumi.
Psw: 5 6̕| 5 6̕ | 5 4 | 3 . ||
A – MIN, A - MIN, A - MIN!
Pmp :“Sih rahmat lan tentrem rahayu saking Allah
Rama kita lan Gusti Yesus Kristus, wontena ing
para kula/sadhèrèk sadaya”.
Psw : LAN WONTEN ING SADHÈRÈK UGI !

8. Atur Pambuka (Pasamuwan Jumeneng)
Ltgs : Para Sadhèrèk, dinten punika kita lumebet
ing Minggu Advèn kapisan kanthi jejer: “Tansah Jumaga
Dumugi ing Delahan.” Lumantar Jejer punika, kita
kaèngetaken supados tansah jumaga dumugi ing
wekdalipun Gusti Yésus rawuh, kados Pangandikani-pun:
“Sing padha ngati-ati lan tansah padha melèka! Sabab
kowé ora padha sumurup ing wektu-né. 34Upamané kaya
wong lelungan, omahé ditinggal dipasrahaké marang para
baturé, kang siji-sijiné padha diwenehi kuwajiban dhéwé-dhéwé
sarta juru regol dikon melèk. (Mark.13:33).

9. Pasamuwan ngidungaken KPK BMGJ 210:1-3
KPK BMGJ 210:1-3 “RAWUHIPUN GUSTI “

10. Dhuh Gusti kados pundi
nggèn kula sung urmat
methukken klayan puji
mring ratuning jagad
mugi Gusti madhangi
lantaran Roh Suci
mrih nggèn kula ngabekti
mranani mring Gusti.

11. 2. Sing dhampar kang sejati
nggih kamulyan swargi,
Gusti tedhak ing donya
nunggil lan manungsa,
tumut nandhang sangsara
ngrembat kasisahan,
ngrukunken tiyang dosa
dhumateng Pangeran.

12. 3. Punapa kang njalari
dhuh Ratuning swarga,
Paduka rawuh mriki
karsa nandhang papa,
mung sih piwlas Paduka
dhumateng manungsa,
manggiha gesang mulya
nunggil lan Sang Rama.

13. Pangakening Dosa
Angger-anggering Katresnan saking Matéus 22:37-40.
7Paring wangsulané Gusti Yésus: “Sira tresnaa marang
Pangéran Allahira kalawan gumolonging atinira, lan
gumolonging nyawanira, sarta gumolonging budinira.
38Yaiku angger-angger kang gedhé lan luhur dhéwé.
39Déné angger-angger kang kapindho kang padha karo
iku, yaiku: Sira tresnaa ing sapepadhanira dikaya
marang awakira dhéwé. 40Kabeh isining Torèt lan kitabé
para nabi iku gumantung karo angger-angger loro
mau.”

14. KPK BMGJ 43: 1,2
“NYUWUN ÉNGGALING MANAH”

15. Gusti kula sèstu nalangsa,
awit asring mbaléla,
damel sekel galih Paduka,
kèlu ombyaking donya,
Rèfrèin:
Dhuh Gusti kawula nyuwun apura,
sinucèkken sing dosa
mugi manah kula kaénggalna,
mituhu Paduka.

16. Sèstu kula angraosaken
sisah déning momotan,
nging lamun Paduka
apunten manah kawula padhang,
Rèfrèin:
Dhuh Gusti kawula nyuwun apura,
sinucèkken sing dosa
mugi manah kula kaénggalna,
mituhu Paduka.

19.  Pasamuwan sami jawat asta kanthi ngucap:” Tentrem Rahayu, Gusti
mberkahi Panjenengan”

21. Dhuh Gusti kawula tresna
dhumateng Paduka,
kula masrahken manah,
badan kaliyan nyawa,
Paduka kang agung sih,
ingkang sampun menang,
saèstu kula tresna dhumateng Paduka
Rèfrèin:
kula pasrah badan nyawa
Gusti ingkang angasta pejah gesang,
kula pasrah badan nyawa
Gusti ingkang angasta pejah gesang.

22. Gusti ngrumiyini tresna
mring kula tyang dosa,
tan nggalih gung sangsara
pinenthang ngruwat dosa,
pramila kula ugi tresna dhateng Gusti,
wah tresna mring sesami
kanthi trusing ati
Rèfrèin:
kula pasrah badan nyawa
Gusti ingkang angasta pejah gesang,
kula pasrah badan nyawa
Gusti ingkang angasta pejah gesang.

23. PELADOSANING PANGANDIKA
Donga Èpiklèse( Pasamuwan lenggah)
Pmp : (ngunjukaken donga
peladosaning Pangandika)

24. Pamaosing Kitab Suci
Waosan Kapisan : Yesaya 64:1-9
Tanggapan: Masmur 80:1-7;17-19
(sesautan ganjil – ganep)
Waosan kaping kalih: 1 Korinta 1:3-9
Waosan Injil: Markus 13:24-37
Pmp : Makaten Injilipun Gusti Yésus Kristus.
Ingkang Rahayu inggih menika tiyang ingkang tansah
mirengaken Pangandikanipun Gusti, lan dipun gatosaken.
Maranatha.
PSw :
5 5 | 6 5 ̕ 1 1 | 2 1 ̕ 4 4 | 3 2 1 2 | 1 ||
MA RA NATHA, MARANATHA, MARANA THA!

25. Khotbah:
“Tansah Jumaga Dumugi ing
Delahan”

26. Wekdal Ening

27. Pengaken Pitados Rasuli
(pasamuwan Jumeneng)

28. Donga Syafaat
(kapungkasan Donga Rama Kawula)

29. PISUNGSUNG
PANGATAK
Prdt : Sumangga kita ngaturaken pisungsung sokur
kanthi ngèngeti Pangandikanipun Gusti: “13Awit anggonmu
dieboti iku ora supaya wong liya padha kaènthèngna,
nanging supaya dadia timbang. 14Mulané beciké saiki
kaluwihanmu kanggoa nyukupi kakuranganing liyan,
supaya kaluwihaning liyan mengko genti kanggo nyukupi
kekuranganmu, temahan banjur dadi satimbang. 15Kaya
kang katulisan: “Wong kang oleh akèh, ora turah lan
kang oleh sathithik ora kurang.”
(2 Kor. 8:13-15).

30. Pasamuwan Ngidungaken
KPK BMGJ 185: 1-
”PISUNGSUNG KONJUK MRING ALLAH”

31. 1. Konjuk mring Kang Maha agung
kawula sung pisungsung
cihnaning bingahing manah
wit berkahing Allah
sumengka wah sinengkera
lan temen rineksa
dadya srana munpangati mrih
kamulyaning Gusti.

32. 2. Konjuk Allah kang Maluhur
kawula saos sokur,
kebabaring raos urmat
wit tansah rinimat,
dalah gesang kula mugi
kagem déning Gusti,
dadya lantaraning berkah
tumraha mring tyang kathah

33. 3. Konjuk ing ngarsaning Allah
kawula sung panrimah,
tandha ajrih asih kula
wit gung sih rahmatnya,
mugi Gusti nggih karenan
temah binerkahan
dadya margi Kratoning Allah
binabar nèng bumi

34. Donga Pisungsung (Pasamuwan
Jumeneng)
(Kapimpin déning salah satunggaling
Pradata)

36. 1 Kanca agiyaka
muji Sang Pamarta
kang nilar kamulyan ing swarga
tedhaking donya dados bayi papa
Rèfrèin:
Payo sujud ngabekti,
payo sujud ngabekti
sung pisungsung panggunggung
mring Gusti.

37. 2 Kanca agiranga ngundhangken
Injilnya,
dé Allah netepi prasetya,
ngentas manungsa sing kwasaning
dosa.
Rèfrèin:
Payo sujud ngabekti, payo sujud
ngabekti
sung pisungsung panggunggung
mring Gusti.

38. PANGUTUSAN
Pmp Ngenerna manah panjenengan
dhateng Gusti
Psw KULA NGENERAKEN MANAH KAWULA
DHATENG GUSTI
Pmp Dadosa seksinipun Sang Kristus
Psw PUJI SOKUR KONJUK GUSTI
Pmp Pinujia Gusti
Psw SAMANGKÉ LAN ING SALAMI-LAMINIPUN