18. Þjálfa nemendur í að glíma við rökleg viðfangsefni s.s. að raða og flokka hlutum og fyrirbærum ásamt því að sjá hluti út frá ólíkum sjónarhornum (Heimasíða námskeiðs, leikir sem kennsluaðferð, vor 2009).
19. Þeir leikir sem falla undir þann flokk sem kallast hugþroskaleikir eru m.a. leikir sem stuðla að samhæfingu skynjunar og hreyfingar. Með hugþroskaleikjum þjálfast skynjun barna, hlustun, örvun og rökhugsun ásamt því að þau þjálfast í að vinna með öðrum, fara eftir fyrirmælum og að taka tillit til annarra og vera sveigjanleg.<br /> Hér eru nokkrir hugþroskaleikir sem ég hef prófað og teknir eru úr hefti um Hugþroskaleiki:<br />Hreyfileikir: Ég prófaði leikinn „Að ganga á línu eða jafnvægislá“ Mótuð var lína á gólfinu með málningarlímbandi, síðan gengu krakkarnir yfir línuna fyrst bara venjulega, síðan hratt, aftur á bak, með lokuð augun, með hlut á höfðinu, með prik í annarri hendi, í báðum höndum. Þetta var mjög skemmtilegt og ótrúlegt hvað einfaldir hlutir geta verið erfiðir og miserfiðir fyrir einstaklinga.<br />Skoðunarleikir: Ég ákvað að fara í leikinn „Að skoða hugann“ ég bað krakkana að loka augunum og spurði þau út í sitt nánasta umhverfi sem þau þekktu svo vel. Spurningar eins og; hvernig veður er úti, hvað eru margir gluggar á stofunni, hvernig er hurðin á litin, hver situr við hliðin á ykkur....o.s.fr. Nemendurnir voru með lokuð augu allan tímann en opnuðu svo augun og skoðuðu þá hlutina sem þau héldu að þau vissu. Sumum fannst mjög erfitt að hafa augun lokuð og vildu opna þau eftir hverja spurningu. Síðan lét ég þau vera tvö og tvö og máttu spyrja hvort annað spurninga sem þau ættu að vita svarið við. Það kom okkur öllum á óvart að við héldum að við vissum en vorum samt ekki viss um svarið!!<br />Hlustunarleikir: Við fórum í leikinn „Hvað heyrir þú“ krakkarnir lokuðu augunum og ég spurði þau hvað þau heyrðu, ég skrifað öll svörin upp á töflu. Fyrst fengu þau að koma með allt sem þau heyrðu og ég skrifaði það upp á töflu, síðan fórum við að rannsaka í huganum hvort við heyrðum einhver önnur hljóð ef við hlustuðum sérstaklega eftir því eins og í fuglum eða innan skólans. Síðan spurði ég þau hvaða hljóð þau myndu heyra ef þau væru stödd á strönd, eða í fjallgöngu eða í stórborg. Um þetta skapaðist mjög skemmtileg umræða um hvernig hljóðin eru annarsstaðar en í okkar umhverfi.<br />Snertileikir: Við prófuðum að fara í röð og snú öll í sömu átt, síðan átti sá sem var aftastur að skrifa eitthvað tákn eða staf með fingrinum á bakið á næsta manni fyrir framan sem átti að láta táknið berast áfram, síðan átti sá sem var fremstur að skrifa táknið sem hann upplifði skrifað á bakið á sér liti út. Í flestum tilfellum hafði táknið breyst töluvert.<br />Rökþroskaleikir: <br />Ég sýndi þeim þessa mynd og við ræddum allt sem var á myndinni, sumir sáu meira og fljótt út úr myndinni meðan aðrir þurftu tíma til að sjá öll þessi dýr sem mynduðu andlit. Sumir sáu bara dýrin meðan aðrir sáu bara andlit (Ingvar Sigurgeirsson. 2005. Hugþroskaleikir).<br />8. þáttur: Námspil og flókin töfl<br />Ef ég reyni að skilgreina spil þá er það einhverskonar leikur sem er ætlaður einum eða fleiri leikmönnum þar sem leikmenn þurfa að taka meðvitaðar ákvarðanir í samræmi við þær reglur sem fylgja hverju spili fyrir sig, sem hefðu áhrif á velgengni viðkomandi í leiknum. Fyrst og fremst eru spil skilgreindir eftir þeim markmiðum sem leikmaður ætlar sér að ná og því næst þeim leikreglum sem leikmanni er ætlað að fylgja.<br />http://is.wikipedia.org/wiki/Spil<br />Mörg spil koma í huga minn þó svo að ég persónulega sé ekki mikið fyrir spil en það sem maður sér í kringum sig er auðvitað Monopoly, er það spil sem ég hef kosið í gegnum árin að spila. Ludo, Trivial Pursuit og Pictionary eru einnig vinsæl spil.Spil þjálfa marga þætti eins og minni, skilning til að hugsa með röklegum hætti fram í tímann, eflir þekkingu ásamt því eru spil ákveðin samskiptaþjálfun þar sem viðkomandi lærir að fara eftir ákveðnum reglum til að ná fram markmiðum sínum. Allir þurfa að læra að vinna og ekki síst að tapa, í spilum lærum við það. Ef við aðgreinum námsspil frá öðrum spilaleikjum þá má segja að námsspil eru ætluð til að afmarka þjálfun á ákveðnum færnistigum í ákveðnu námsefni, en á sama tíma á sér ákveðin þjálfun í þáttum eins og samskiptaþjálfun og fl. í þeim dúr.Að mínu mati mætti efla þátt námsspila í kennslu, börnin hafa mjög gaman af því að brjóta upp kennsluna og þetta er hressandi viðbót við námsefnið. Hins vegar er það mín reynsla, sem vonandi breytist eftir þátttöku mína í þessu námskeiði að erfitt hefur reynst að nálgast námsleiki og þeir eru of fáir eins og t.d. i stærðfræði og tungumálum.<br />Í þessum námsþætti valdi ég 2 námspil á leikjavefnum sem reyndar eru bæði í stærðfræði en koma að ólíkri þjálfun innan stærðfræðinnar. Ástæðan fyrir því að ég valdi stærðfræði er sú að ég hef í æfingakennslu í mínum heimaskóla kennt ákveðnum hóp í 5.bekk en þar eru nemendur hópaskiptir eftir getu. Minn hópur var 4.hópur og áttu flestir nemendur verulega erfitt með stærðfræðina, afleiðingin var sú að sjálfsmynd þeirra var afar slæm og þeim fannst ekkert leiðinlegra en að vera í stærðfræði. Mér fannst nauðsynlegt að nálgast þjálfun þeirra með tölur með öðrum hætti jafnhliða hinni hefðbundinni þjálfun, úr námsefninu. Það sem ég prófaði var „margföldunarbingó“ og svo fór ég í leik sem ég fann út sjálf, líklega byggður á einhverju sem ég hef heyrt en tilgangur leiksins var að fá krakkana til að vinna með tölur í huganum án þess að hafa þær á blaði og um leið að hafa gaman.<br />Margföldunar bingóið Leikjavefurinn, hafði ég í 2 þyngdarskrefum, fyrst tók ég fyrir eina og eina töflu. <br />Ég útbjó spjöld fyrir krakkana þar sem tölur úr töflunum komu fyrir t.d. í 2x töflunni voru tölurnar 2,4,6,10,14,20 í 3x töflunni voru 3,6,9,15,21 o.s.fr. Ég hafði blað með margföldunartöflunum fyrir framan mig d: 2x2= 3x2= o.s.fr.<br />Fyrstu töflurnar gengu vel en þegar við vorum komin upp í 5x margföldunartöfluna fór að koma stífla. Allar töflur yfir 5x gengu ekki því þau kunnu þær einfaldlega ekki og var þá bara um ágiskun að ræða og um leið ekkert nám. <br />Mín skoðun eftir að hafa prófað þetta er sú að það er nauðsynlegt að brjóta upp námsefnið eða nálgast það með öðrum hætti en því sem gert er í hverjum tíma. Einnig mætti svo auðveldlega nota margföldunarbingó sem kennsluaðferð þegar kenna á margföldunartöflurnar og einnit til að æfa þær. Það er svo miklu skemmtilegri leið en að marg endurtaka og þylja þær upp. Krökkunum fannst þetta líka mjög skemmtilegt og vildu ólm meira.<br />Hinn leikurinn sem ég prófaði útfærði ég úr öðrum leik og ég notaði hann í stærðfræði með sama hóp barna í 5.bekk hóp 4. Þessi hópur átti sem fyrr segir í erfiðleikum með stærðfræðina og með mjög lágt sjálfsmat í stærðfræði. Í hópnum voru bara 5 einstaklingar þannig að það var mjög auðvelt að vinna með þennan leik. Hugsunin var sú að þau myndu vinna með tölur í huganum og þar sem ég þekkti getu hvers og eins fékk hver dæmi við hæfi. Við sátum saman í hring og þau fengu hver sitt dæmi munnlega frá mér eins og til dæmis hvað er 20-3 eða hvað er 5x5 þau máttu hugsa þetta og reyna að finna lausn. Reglurnar voru þær að aldrei mátti hlægja að neinum né reka á eftir neinum. Ef viðkomandi mátti fannst dæmið of erfitt mátti hann biðja um hjálp frá hópnum eða velja sér einhvern sem vildi hjálpa eða segja pass. Ef viðkomandi bað um hjálp máttu þeir sem vissu svarið rétta upp hendi og þá gat sá sem átti að leysa þrautina valið sér aðstoðarmann.<br />Í fyrstu voru flestir feimnir, hræddir að gera mistök en svo urðu allir mjög spenntir og við skemmtum okkur mjög vel. Allir tóku þátt og allir fengu dæmi við sitt hæfi þannig að allir fóru út eftir þennan tíma ánægðir með að hafa getað fullt í stærðfræði.<br />Þessi hópur nemenda kunni ekki að rekja sig áfram í margföldunartöflunni út frá einhverri tölu sem þau vissu. Þetta var frábær leið til að tala um það og finna lausn hvernig hægt væri að rekja sig fram og aftur með því einu að kunna 2x2, 3x3, 4x4, 5x5 og svo framvegis. Að mínu mati skilaði þetta bæði fróðleik, skemmtun og óhefðbundinni nálgun af tölum og stærðfræði.<br /> <br />9.þáttur: Tölvuleikir<br />9.1 Kynning á eftirtöldum leikjum:<br />Ég kynnti mér 4 námstölvuleiki, sá fyrsti heitir Orðakistur Krillu: Orðakistur Krillu<br />Þetta er leikur sem ég gæti hugsað mér að nota í 1 og 2.bekk þar sem markmiðið væri að þjálfa lestur, lesskilning og íslensku almennt. Námsgildi þessa leiks er t.d. þjálfun í stafrófinu, þjálfun í að hugsa stafrófið og að lesa og að muna orð. Einnig er þjálfun í léttu rími, leikurinn er gagnvirkur og skemmtilegur og frábær fyrir bæði þá sem eru í basli með lestur og einnig þá sem lengra eru komnir þar sem hver og einn getur farið á sínum hraða og eftir sinni getu. Að mínu mati fær þessi leikur nemendurna til að hugsa eða nálgast námið með öðrum hætti sem er í raun eitt aðalsmerki námsleikja. <br />Næsti leikur sem ég skoðaði var Minnisleikur : Minnisleikur<br />Það er augljóst að þessi leikur þjálfar minnið þar sem krakkarnir þurfa að leggja á minnið hvar formið var og á sama tíma finna eins form. Þessi leikur er í 2 þyngdarstigum. Að mínu mati er ekkert raunverulegt námsgildi í þessum leik þ.e.a.s. ég get ekki séð hvernig hann ætti að passa með almennu námsefni. Hins vegar þroskar hann hugarþroska og rökhugsun og auðvitað er það hluti af námi og nauðsynlegt í framgangi náms. <br />Því næst fór ég í Ferhyrningar: Ferhyrningarnir<br />Þessi leikur er frekar einhæfur og í raun erfiður, viðkomandi nemandi þarf að hafa áhuga á krossgátum eða einhverju slíku til að hafa gaman af þessum leik. Mér finnst vanta líf í leikinn og fjölbreytni, hins vegar þjálfar hann klárlega rökhugsun og hugarreikning ásamt því að hugsa um tölur án þess beint að vera að setja upp dæmi á blaði og um leið hefur hann öðlast námsgildi þó svo að mér hafi fundist hann leiðinlegur og óspennandi.<br />Ég reyndi við leikinn Þrír í röð en fékk hann ekki til að virka þannig að ég fór í Stafaleik Bínu: Stafaleikir Bínu<br />Hér er leikur sem hefur mikið námsgildi þar sem hann þjálfar beinlínis allt ferlið allt frá því að þjálfa kunnáttu á stöfunum, yfir í lesa, læra og muna smáorð, yfir í að tengja smáorð og að lokum að lesa. Að mínu mati er námsgildi þessa leiks mikið, þjálfun í ferlinu að læra að lesa með mjög svo skemmtilegum hætti. Leikurinn kallar á athygli, bæði með röddinni sem talar við krakkana og einnig með líflegum litum. Hann er einfaldur og auðveldur í notkun og er klárlega leikur sem gaman væri að nota með í kennslu.<br />Ef ég ætti að leggja mat á hver þessara leikja er bestur vel ég báða lestra leikjanna, Stafaleikur Bínu fyrir börnin sem eru komin skemur í lestir og Orðakistur Krillu fyrir þau börn sem eru komin lengra. Þessir leikir eru báðir gagnvirkir, lifandi og skemmtilegir um leið og þeir hafa raunverulegt námsgildi.<br />9.2 Forritið Álfur: <br />Álfur<br />Ég skoðaði forritið Álfur, mín skoðun er að þetta forrit er kennsluforrit og um leið auðvitað ákveðin leikur því sem betur fer má nám vera skemmtilegt. Forritið er að mínu mati fyrir börn á aldrinum 3-6 ára og þjálfar; hlustun, lesskilning, íslensku, tölustafi og grunn í stærðfræði, grunn í íslenskukennslu, tölvukunnáttu og notkun á gagnvirku efni ásamt því að þjálfa almenna lífsleikni þá meina ég það er komið inn á umferðarfræðslu og gagnrýnin hugsun er efld. Mikil áhersla er lögð á að efla samhygð sem kemur í veg fyrir einelti, að vera jákvæður og góður við aðra ásamt því að skilja að við erum ekki öll eins.<br />Skemmtilegt fræðslu forrit þar sem tekið er á helstu þáttum sem verða á vegi barna á þessum aldri. <br />9.3 Dæmi um íslensk vefsetur:<br />Ég er ein af þeim sem hef aldrei farið í tölvuleik sjálfri mér til ánægju en ég hef notað þá í kennslu og börn hafa mjög gaman af því að fá fjölbreytni í kennsluna og leikir og námsleikir eru snilldarbragð til að gera kennsluna og námið skemmtilegra.Ég skoðaði ýmsar síður svo leikjanet.is og verð að viðurkenna að ég fann ekkert þar inni sem mér fannst áhugavert til kennslu. Sonur minn er mér ekki sammála honum finnst margt spennandi þarna inni en þá sem almennir leikir. Mér finnst þessi síða ruglingsleg og óaðgengileg og kemur áhugaleysi á tölvuleikjum sterkt þarna inn.Hins vegar fór ég inn á vef námsgagnastofnunar http://namsgagnastofnun.is/ bæði inn á krakkasíðurnar og unglingasíðurnar. Þar er margt spennandi sem ég gæti hugsað mér að nota í kennslu. En hvað heimurinn væri yndislegur ef það væru ca. 5 tölvur í hverri stofu;-)Hins vegar á krakkasíðunum fannst mér áhugaverður gagnvirki stafsetningarvefurinn þar sem krakkar geta þjálfað þessa þætti s.s. i og y, n og nn og svo framvegis. Flestum krökkum finnst leiðinlegt að skrifa stafsetningarstíl en með þessum hætti er þetta nám og þessi þjálfun gerð skemmtileg.Síðan skoðaði ég nokkra síður á unglingavefnum og þar sem ég er í enskuvali og að mínu mati eru allt of fáir leikir í tungumálakennslu. Þessi vefur þjálfar nemendur í að stafa orð á ensku og er auðvitað gagnvirkur. Þarna koma orð á skjáinn og nemandinn á að fylla í eyðurnar þannig að orðið sé rétt, ýtir síðan á quot;
nextquot;
og fær nýtt og nýtt orð.Ég fann frábæra vefsíðu fyrir unglinga sem heitir http://ritfaerni.nams.is/ þarna eru unglingar og í raun ekki bara unglingar heldur hver sem er sem er að læra að færa í orð minni og stærri ritgerðir og ritverk. Á vefsíðunni hafa nemendurnir val um hvernig er best að byrja, setja upp, fá hugmyndir og margt, margt fleira sem þeir þurfa til að geta búið til spennandi og áhugaverða ritsmíð!!Þetta er slóð sem flestir kennarar ættu að muna og hafa við höndina þegar þeir vilja aðstoða nemendur sínar við að vera skapandi í vinnu sinni.<br />9.4 Dæmi um erlend vefsetur:<br />Ég skoðaði nokkrar erlendar vefsíður þar sem gagnvirkt kennsluefni er í boði. Ég endaði alltaf aftur í fyrstu síðuna sem ég skoðaði en það er vefsíða á vegum Jefferson County School, online basic skills games: Online Basic Skill GamesMikið vildi ég að íslenski skólar hefðu fjármagn t.a. vinna svona stóra og virka kennsluvefi fyrir sína nemendur og aðra. En þarna er að finna gagnvirkt námsefni í Language Arts, Math, Science, Social Studies ásamt Interactive sites. Í hverjum lið eru endalausir möguleikar ef ég tek sem dæmi Language Arts; þá eru undirflokkar Letter fun sem þjálfar ritfærni, þarna eru endalausar mismunandi æfingar bæði hvað færni varðar og einnig geta krakkarnir valið æfingar sem koma sem næst þeirra áhugamálum. Þá næst geta þau valið quot;
working with wordsquot;
sem er einskonar æfingar með orð, aftur á bak og áfram. quot;
Grammarquot;
sem er auðvitað málfræði og æfing í að stafa ensk orð. Í hverjum flokki eru margir, margir undirflokkar, endalaus uppspretta að gagnvirkum skemmtilegum æfingum og þrautum.Hver flokkur hefur svipaða uppbyggða gagnvirkar æfingar þannig ef smellt er á t.d. quot;
mathquot;
eru undirflokkarnir eins uppbyggðir og í quot;
language artsquot;
.Þetta er heill heimur út af fyrir sig af skemmtun í námi, ég mæli með að við sem kennaranemar nýtum okkur slíka námsvefi í kennslu í framtíðinni.<br />10. þáttur: Sönghreyfileikir<br />Söng og hreyfileikir eru þekkt fyrirbæri út um allan heim, það virðist vera ákveðin þörf mannsins að tjá sig með söng, dansi, með því að slá takt og ýmiskonar hreyfingum. Sönghreyfileikir efla samhæfingu líkama, huga og tjáningu, söng, samskipti við aðra og um leið ákveðna þolinmæði. <br />Ég ákvað að prófa að syngja nafnaleikinn sem ég sá á upptökunum hjá Elfu, ég var með börn í 5.bekk enn og aftur og við fórum í hring og ég útskýrði fyrir þeim að við ætluðum að byrja leikinn með því að hver og einn færi inn í hringinn og segði t.d. ég heiti Berglind og gerði eitthvað tákn fyrir nafnið sitt og bekkurinn svaraði Berglind, Berglind jejeje, ég reyndi að líkja eftir þeim söng sem Elfa var með á myndbandinu þar sem mér fannst það auðvelt og gott að hafa svona taktfastan „rytma“ til að láta leikinn ganga. Þannig gekk þetta allan hringinn, því næst klöppuðum við taktfast og endurtókum hringinn. Þar næst tókum við 4 en þeir áttu bara að gera táknin og allur bekkurinn gerði táknin með þeim og klappið hélt áfram. Þegar allur hringurinn var búinn settum við tónlist á og byrjuðum frá upphafi bara 1 í einu með táknin sín, síðan gerðum við 4 og 4 í einu. Þetta var svolítið ruglingslegt í byrjun hjá okkur en svo náðum við tökum á þessu. Í lokin höfðum við enga tónlist heldur klöppuðum við taktfast og stöppuðum með einum fæti og sungum nöfnin okkar og gerðum merkin. Það var mikið hlegið!!. Þessi leikur reyndi á samhæfingu og einbeitingu ásamt hreyfingu og söng. Félagslegt gildi þessa leiks var að vera ekki feiminn, allir geta þetta og enginn er hallærisleg, við erum að gera þetta saman.<br />Næsti leikur sem ég prófaði var einfaldari en það var ávaxtaleikurinn, markmið þessa leiks var að kenna mismunandi tegundir af hringjum við leiki. Fyrst stóðum við í appelsínu og það kom mér á óvart að það tók smá tíma til að gera hringinn að appelsínu. Þar næst sagði ég pera og krakkarnir mótuðu peru úr hringnum, við prófuðum banana, sítrónu, rúsínu og aftur appelsínu. Ég held að við öll séum færari í að mynda hring eftir þetta.<br />Ég hlakkaði til að prófa næsta leik þar sem hann heillaði mig þegar ég horfði á hann á upptökunni, en það er klapphringur og hljóðhringur. Í þessum leik er áhersla á einbeitingu, samhæfingu og hlustun.<br />Við settumst í hring á stól lokuðum augunum og ég var stjórnandinn. Ég útskýrði fyrir krökkunum hvernig leikurinn gekk fyrir sig, að ég mundi „gefa“ barninu sem var mér á hægri hönd hljóð með því að halla mér að því og snerta öxlina lítillega með minni öxl. Hljóðið gekk hringinn og þegar það koma að mér aftur breytti ég hljóðinu, því næst hækkaði ég hljóðið og lækkaði. Það myndaðist einhverskonar kurr í bekknum meðan hljóðin voru að berast á milli og hækka og lækka. Krakkarnir máttu ekki breyta né hækka eða lækka fyrr en það var búið að gefa þeim nýtt hljóð þá máttu þau gera það hljóð sem þeim var gefið. <br />Því næst stóðum við upp og sungum setninguna úllen dúllen doff á sama tíma og við klöppuðum í takt eins og hjartsláttur er. Eins og áður byrjaði ég á því að gefa klappið og viðkomandi átti að gefa næsta klappið og við öll áttum að syngja úllen dúllen doff. Þetta var smá erfitt og það kom stundum truflun í hjartasláttinn okkar en allir voru mjög einbeittir og fókuseraðir að gera þetta og geta þetta. Síðan kenndi ég þeim að ef einhver klappaði tvisvar sinnum átti klappið að fara til baka, öfugan hring. Þetta tók smá á en við vorum orðin frekar klár í restina. Allir voru sammála um að þetta hefði verið skemmtilega erfitt og tekið smá á en mjög gaman (Heimasíða námskeiðs. Vormisseri 2009Hlj<br />).<br />11. þáttur: Gátur, þrautir og heilabrjótar <br />Gátur er fyrirbæri sem aldrei hafa höfðað til mín, líklega vegna þess að ég hef ekki kynnst þeim almennilega fyrr en í þessu námsefni, áður fyrr taldi ég gátur og þrautir vera flokkast frekar undir brandara en heilabrjóta og það er það sem mér finnst svo óvænt og skemmtilegt eftir að hafa lesið mig til í þessum námsþætti. Að velta fyrir sér hlutum sérstaklega þegar ekki er endilega bara eitt svar rétt er mjög áhugavert því það krefst þess að maður velti fyrir sér mörgum hliðum, skoðunum og geri sér grein fyrir að það eru oft margar leiðir að sama viðfangsefninu og oft eru mörg svör við spurningum. <br />Persónulega höfða myndagátur til mín og eru myndagátur Gunnars Halldórssonar heillandi viðfangsefni. Það kom mér á óvart hversu stór heimur gátur og þrautir eru. Mismunandi tegundir af þrautum örfar mismunandi hugsun og viðbrögð. Nýjasta gátuæðið sem hefur farið eins og eldur í sinu um heiminn er talnaþrautin Sudoka, ungir sem aldnir verða gagnteknir af þessari þraut. Þrautir eru oft flokkaðar í ákveðna flokka eftir efni t.d. myndagátur, rúmfræðiþrautir, töfl og spil, sagnagátur, rökleitargátur og raðþrautir.<br />Ég skoðaði þessa flokka og eins og áður segir áttu myndagáturnar best við mig. Ég reyndi við nokkrar rúmfræðiþrautir, mér fannst þær mis skemmtilegar og sumar átti ég erfitt með að skilja, það er líklega vegna þess hversu lítil stærðfræði kona ég er. <br />Einföld spil og töfl er eitthvað sem maður hefur alist upp með, Hex hef ég reyndar aldrei kynnst fyrr en Scrabble, Trivial Pursuit, Scrabble og Milla eru spil sem ég kannast við. <br />Sagnagátur eru gátur sem höfða til mín, líklega af því að hún er ekki svo ólík leikrænni tjáningu sem ég tel að maður geti nýtt vel til að ná til barna. <br />Eldspýtnaþrautir kannast maður vel úr frá bernsku en það kom mér á óvart hversu margar vefsíður eru um þessa þraut og hversu margar mismunandi þrautir eru til. Einföldu þrautirnar eru oftast skemmtilegar því þá getur maður þróað með sér tækni til að ná betri árangri. Líklega er þetta eins og með venjuleg spil, æfingin skapar meistarann.Inn á eru margar skemmtilegar eldspýtnaþrautir til að glíma við: Matchstick Puzzles - fun for all ages<br />Rökleitargátur hafa það að markmiði að efla rökhugsun, einbeitingu og eftirtekt ásamt því að efla verulega frjóa hugsun og ímyndunaraflið. Leikjavefurinn á þessari slóð er gott dæmi um rökleitargátu. Ég tel að þessi nálgun að leysa gátu sem nefnd er í kennslubréfinu; hugsa - ræða – miðla, sé frábær leið til að ná þeim markmiðum að velta fyrir sér röklegur samhengi og finna sameiginlega lausn. Það að vinna með öðrum í því að finna lausn á gátum og þrautum sem og öðrum málefnum skilar oftast betri árangri en þegar einstaklingar eru látnir leysa þær í einrúmi, því betur sjá augu en auga og um leið læra nemendurnir að því að miðla og sjá fleiri nálganir, hliðar og lausnir af sama verkefninu.<br />Raðþrautir eru þrautir sem þekki ekki mikið og höfða í raun ekki til mín, í fljótu bragði finnst mér þetta vera álíka þrautir og notaðar eru í stærðfræði fyrir yngstu börnin, að raða brotum til að mynda form. Leikjavefurinn hér er linkur að kínverskri raðþraut sem er á Leikjavefnum en Hexa er önnur raðþraut sem hefur verið vinsæl (Heimasíða námskeiðs. Vormisseri 2009).<br />12. þáttur: Orðaleikir<br />Öll orð byrja á sama staf er leikur sem mér finnst spennandi að nota því hann rótar upp í huganum hugmyndum og orðum á sama tíma og hann eflir rökhugsun. Það eina sem þarf er línustrikað blað eða jafnvel taflan í skólanum. Hægt er að skipta í misstóra hópa og gera hann enn meira spennandi með því að taka tímann. Flokkun orða og hugtaka gerir leikinn yfirgrips meiri og í raun geta krakkarnir fundir sjálf þá flokkun sem þau hafa áhuga á sem alltaf gerir námið meira spennandi, að hafa eitthvað um valið að segja.<br />Annar orðaleikur er alltaf vinsæll, sérstaklega á ákveðnum aldri en það er að lesa aftur á bak. Þessi leikur er bæði auðveldur og skemmtilegur. <br />Ég leitaði á netinu eftir leitarorðinu orðaleikir það kom á óvart hversu mikið framboð var að síðum sem buðu upp á orðaleiki má þar nefna Leikjanet.is og auðvitað vefinn okkar Leikjavefur-Leikjabankinn, ásamt ógrynni af erlendum síðum með orðaleikjum. Ef leitað var eftir leitarorðunum Word games komu upp 51.200 leitarniðurstöður og 202.000 leitarniðurstöður ef leitað var eftir orðinu World play, þannig að það er augljóst að nánast óendanlegir möguleikar eru á spennandi efni með orðaleiki.<br />Framlag til Leikjavefjarins-Leikjabankans<br />Leikur 1:<br />Hluti af púsluspili:<br />Markmið:Hrista saman bekk í upphafi árs, að kynnast hvort öðru,<br />samvinna, hópefling, að gera upphaf skólaárs eða annar skemmtilegt.<br />Gögn:Börnin í bekknum, myndir t.d. af dagatali eða úr námsefni...einhver skemmtileg mynd. Til að gera leikinn erfiðari má taka mynd eins og af hópi af Dalmatinu hundum.<br />Tegund:Innileikur, má útfæra sem útileik t.d. með því að gera úrdrátt af ákveðnu svæði sem mynd sem verður sett í púsluspil og þau eiga þá bæði að koma myndinni saman ásamt því að finna staðinn.<br />Athugasemd:Þessi leikur krefst undirbúnings og er frábær að nota í upphafi kennsluárs eða annar, t.d. á fyrsta skóladegi eða á fyrsta degi eftir jólafrí.<br />Hópaskipting:Hægt er að nota þennan leik til að skipta nemendum í hópa t.d. þegar þemaverkefni er unnið eða við aðra vinnu þar sem skipta þarf nemendum í hópa.<br />Undirbúningur:Kennari þarf að finna mátulega erfiða myndir og klippa þær niður í mátulega lítil púsl. Hægt er að gera auðveldan leik þ.s. pússlin eru jafn mörg og nemendurnir eða erfiðari þ.s. hver nemandi fær 2-3 púsl. Einnig er hægt að hafa 3-4 myndir í gangi í einu og bekkurinn verður að finna út hversu margar myndirnar eru.<br />Fjöldi:Nemendurnir í bekknum, eða í útvíkkun leikarins (sjá hér að neðan) allir nemendur í ákveðnum árgangi skólans.<br />Aldur:Fer eftir þyngdarstigi púslmyndarinnar, í raun allir árgangar grunnskólans.<br />Leiklýsing: Kennari verður að vera búinn að undirbúa nokkur erfiðleikastig þessa leiks. Einnig fer erfiðleikastig eftir aldri hvers barns. Til að byrja hefur kennarinn bara eina mynd þar sem bekkurinn fær bara eina mynd og hver nemandi fær eitt púsl, þetta ætt við t.d. um 1.bekk. En ef nemendurnir eru t.d. í 5.bekk væri gott fyrir kennarann að hafa 3-4 myndir, blanda þeim saman í dós þannig að þær verði ein stór mynd. Síðan þarf kennarinn að dreifa ákveðnum fjölda púsla fyrir hvern nemenda og þau þurfa að finna út hversu margar myndirnar eru. Segjum sem svo að myndirnar séu fjórar þá labba krakkarnir um stofuna og skoða púslin sem hin börnin hafa, oftast er einhver leiðtogi sem tekur að sér að finna út og flokka eða skipta bekknum í hópa þegar það er komið á hreint hversu myndirnar eru margar. Ef myndirnar eru 4 fyrir bekk tekur það smá tíma fyrir nemendurna að finna út úr því með því að skoða allar myndirnar sem þau hafa. Síðan skiptist bekkurinn niður í 4 hópa eftir myndum og hver hópur reynir að koma myndinni saman. Erfiðleikastigin geta verið mismunandi þar sem ekki eru allir eins í hverjum bekk, allt frá einfaldri mynd með sólarlagi eða af skólabyggingunni yfir í hópmynd af Dalmaníu hundum.<br />Kennari getur auðveldlega notað þennan leik til að koma á hópaskiptingu fyrir ákveðin verkefni. Með þessari aðferð fara krakkarnir hressir og glaðir af stað í verkefnið og í raun hafa nemendurnir mótað sína hópa sjálfir með leiknum, þannig að allir eru glaðir í upphafi verkefnis.<br />Athugasemd:Þessi leikur tekur tíma og þarf að gera ráð fyrir honum í upphafi leiks. Ef þessi leikur er notaður á miðju námsári væri hægt að taka samfélagsfræði eða lífsleiknitíma í hann.<br />Heimild:http://www.education-world.com/a_lesson/lesson/lesson169.shtml<br />Piecing the Puzzle<br />Útvíkkun leikjarins: <br />Umsjónarkennarar hvers árgangs geta tekið sig saman með þennan leik, þannig að hver bekkur hefur ákveðna mynd (gott er að hver bekkur hafi ákveðið þema), síðan eru pússlin sett í stóra dós og hrist vel í. Hver bekkur fær svo ákveðið mörg púsl (bland í poka), eftir erfiðleika stigi og aldri. Síðan fara bekkirnir á milli stofa til hinna bekkjanna og leita að sinni bekkjarmynda púslum. Þegar hver bekkur er búin að finna öll sín púsl þarf hver bekkur að raða sínu púsli saman. Þetta getur verið mjög góður leikur til að koma á góðum anda í hverjum árgang, á milli bekkja. Til að efla samvinnu og samkennd.<br />Ég fékk að prófa þennan leik á 5.bekkingum sem hafa orðið mín tilraunabörn undanfarnar vikur og hafa þau haft gaman af. Bekkurinn samanstóð af 22 börnum og hafði ég tekið 4 myndir sem voru af mismunandi hlutum, ein myndin var af dagatali, ein úr námsefni, ein úr myndasögu og ein myndin var loftmynd af skólanum og skólalóðinni sem þau þekktu orðið nokkuð vel. Ég reyndi að hafa þykkt myndanna svipaða og klippti hverja mynd í mislítil púsl. Þar sem allir í bekknum þekktust og þekktu mig fór ég strax í frekar erfiða útfærslu, ef ég hefði verið að koma í bekkinn í fyrsta sinn eða verið að byrja námsár hefði ég valið auðveldari leið. Ég útskýrði leikreglurnar fyrir þeim; að þau fengju hvert um sig ákveðið mörg púsl og að þau þyrftu síðan að finna út hversu margar myndir væru í gangi, flokka þær og púsla. Ég ákvað að segja þeim að þau þegar þau væru búin að finna og flokka tegundir myndanna yrðu þau að tala sig saman um að allar myndirnar væru fundnar og ég myndi gefa þeim merki þar sem hver hópur (um hverja mynd) færi síðan í kapp að púsla myndinni sinni saman. Sá hópur sem fyrst myndi klára átti að hlaupa til mín og velja myndina sem var heil mynd af þeirra púsli, fara með hana að sínum stað þ.s. þau höfðu púslað og setjast og síðan koll af kolli.<br />Það var mikil spenna og galsi, hópurinn varð eins og maurar um alla stofuna og mikil samstaða var í hópnum um að finna út fjölda myndanna, og hvað tilheyrði hverju. Að fylgjast með krökkunum mínum sem ég þekki orðið vel og sjá hvernig sumir tóku að sér leiðtogahlutverkið, aðrir voru eins og rannsakendur yfir smásjá, enn aðrir eins og handlangarar til að verkið myndi ganga upp. <br />Í lokin varð orðin svo mikil spenna að klára og vinna að það heyrðist um alla hæðina hrópin og köllin í krökkunum. Ég mundi eindregið mæla með þessum leik til að skipta bekk í hópa fyrir ákveðið verkefni því útkoman úr þessum leik var sú að þau skiptu sér sjálf í hópa, alveg átakalaust og allir voru glaðir.<br />Ég mæli með þessum leik, hann er alveg frábær og ég sé í huga mér margar útfærslur á honum.<br />Leikur 2:<br />Krakkamikado:<br />Markmið:Hópefling, að fara eftir reglum, hreyfing og samvinna með það að markmiði að hafa gaman, saman. <br />Gögn/efni:Börnin í bekknum<br />Tegund:Inni og útileikur<br />Athugasemd:Mikilvægt er að hafa nægt pláss og að engir hlutir eins og borð og stólar séu nálægt til að koma í veg að börnin hljóti ekki skaða af þegar þau láta sig falla á gólfið.<br />Fjöldi:12-100<br />Aldur:9-100 ára<br />Heimild:http://www.sjovide.dk/showpage.php?ide=38665<br />Leiklýsing:<br />Krakkamikado virkar í raun mjög svipað og venjulegt mikado. <br />Fyrst eru valdir 4 krakkar til að vera stjórnendur. Þau láta krakkarnir haldast í hendur og mynda röð. Fyrsta barnið stendur hreyfir sig ekki en næsta barn sem heldur í höndina á því barni snýr baki í barnið sem stendur kyrr, næsta barn vefur sér svo með bakið utan um þann næsta og svo koll að kolli þannig að úr verði þéttur hringur. Mikilvægt er að hringurinn sé frekar þéttur. Núna sleppa allir höndunum og láta sig falla niður og um hvort annað. Ef einhver liggur fyrir utan hópinn á hann að færa sig þannig að hann liggi að einhverju leiti ofan á hópnum eða einhverjum í hópnum. <br />Allir eiga að liggja alveg hreyfingalausir á gólfinu, núna eiga þessir 4 einstaklingar sem eru stjórnendur að losa hópinn í sundur með því að taka eitt barn í einu. Stjórnendurnir þurfa að vinna saman og færa hvert barn saman og barnið má ekki hreyfa sig. Þeir þurfa að tala saman um hvern eigi að losa fyrst og hvernig eigi að gera það.<br />Ég prófaði þennan leik á nemendum mínum í 5.bekk í lok tímans, við fórum í sal skólans til að vera viss um öryggi barnanna, ég hefði farið út með þau ef veðrið hefði verið betra. Þetta er frábær vorleikur!! Það var fyrst smá feimni yfir nálægðinni sem þau upplifðu af hvort öðru og ég tel að það sé í raun frábær þjálfun að leyfa einhverjum að koma inn fyrir þetta „svæði“ sem við öll eigum og það er frábært að gera það í leik. En þegar við gerðum þetta í annað sinn varð hópurinn ekkert feiminn lengur og beið spenntur í hláturskasti yfir því hvernig fjórmenningunum reið af að losa hópinn. Allir höfðu mjög gaman af og vildu ólm fara aftur og aftur í leikinn. Ég mæli með þessum leik t.d. eftir langan og erfiða vinnudag.<br />Lokaorð<br />Þegar ég byrjaði í grunnskólakennara námi var ég ekki viss um að ég myndi nokkurn tímann vinna við það sem ég var að mennta mig í, ég taldi þetta nám vera mjög góða háskóla menntun sem ég mundi alltaf búa að. Hins vegar eftir þau 2 ár sem ég hef verið í náminu og sérstaklega eftir að hafa kennt, hef ég kolfallið fyrir þessu starfi. Að starfa með börnum sem öll eru ólík með ólíkar þarfir, skoðanir, langanir og væntingar og geta lagt eitthvað að mörkum með metnaði og áhuga eru algjör forréttindi. Ég hef fundið brennandi þörf fyrir að læra og bæta við mig öllu því sem gerir skólann og námið aðgengilegra, skemmtilegra og áhugaverðara. Börn með sérstakar þarfir þ.m.t. börn sem eru ekki alveg að passa inn í „normið“ í skólakerfinu eiga sérstakan stað í hjarta mínu. Ég hef fundi að auðveldara er að nálgast þessi börn og hjálpa þeim ef maður er nógu tilbúin til að nota margbreytilegar kennsluaðferðir því þeim mun fleiri kennsluaðferðir sem við notum þeim mun meiri líkur eru að sem flest börn nái árangri í námi. Sérstaklega tel ég að kennsluaðferðir þar sem leikir, leikræn tjáning og leiklist, séu leiðir sem nái sérstaklega vel til barna.<br />Í þessari námsmöppu hef ég farið yfir þá þætti sem tengjast námskeiðinu „Leikir sem kennsluaðferð“, þetta námskeið hefur verið sérstaklega skemmtilegt og fræðandi. Það er ekki spurning í mínum huga að ég á eftir að nýta mér þessa kennsluaðferð mikið í framtíðinni. <br />Það er nauðsynlegt að muna um ókomna framtíð, að við megum aldrei gleyma leiknum í lífinu því í honum felst svo mikil gleði, orka, jákvæð samskipti við það fólk sem við umgöngumst. Við verðum aldrei og gömul fyrir leiki.<br />Berglind Hilmarsdóttir<br />Heimildaskrá:<br />David Kennard, Stuart Brown and The Institute for Play (1). 2000. The Promise of Play: Episode 1: The Mother of Invention. http://www.directcinema.com/dcl/title.php?id=188&start=P (sótt 22.01.2009).<br />David Kennard, Stuart Brown and The Institute for Play (2). 2000. The Promise of Play: Episode 3: The Heart of the Matter. http://www.directcinema.com/dcl/title.php?id=195&start=P (sótt 22.01.2009).<br />Fox, Jill Englebright. 2007. Back-to-Basics: Play in Early Childhood. http://www.earlychildhoodnews.com/earlychildhood/article_view.aspx?ArticleID=240 (sótt 20.01.2009).<br />Helgi Grímsson. (án árs).Hópeflisleikir. Heftir, tekið af heimasíðu námskeiðsins leikir sem kennsluaðferð. http://starfsfolk.khi.is/ingvar/Leikjavefurinn/Helgi_Grimsson_Hopeflileikir.doc (sótt 22.02.2009).<br />Heimasíða námskeiðs. Vormisseri 2009. Webct. Leikir sem kennsluaðferð.<br />Ingvar Sigurgeirsson. Án árs. Leikjavefurinn<br />leikjabankinn. Leikjavefurinn - um vefinn<br />Ingvar Sigurgeirsson. 2005. Hugþroskaleikir – leikir sem örva hugsun. Ljósritað sem handrit. Kennaraháskóli Íslands.<br />Leikjavefurinn. 2007. http: //www.leikjavefurinn.is<br />http://leikjavefurinn.is/index.php?f=leikir&n=9<br />http://leikjavefurinn.is/index.php?f=leikir&n=269<br />http://leikjavefurinn.is/index.php?f=leikir&n=278<br />http://leikjavefurinn.is/index.php?f=leikir&n=1<br />http://leikjavefurinn.is/index.php?f=leikir&n=137<br />http://leikjavefurinn.is/index.php?f=leikir&n=2<br />http://leikjavefurinn.is/index.php?f=leikir&n=6<br />http://leikjavefurinn.is/index.php?f=leikir&n=25<br />http://leikjavefurinn.is/index.php?f=leikir&n=26<br />http://leikjavefurinn.is/index.php?f=leikir&n=40<br />http://leikjavefurinn.is/index.php?f=leikir&n=7<br />http://leikjavefurinn.is/index.php?f=leikir&n=119<br />http://leikjavefurinn.is/index.php?f=leikir&n=127<br />http://leikjavefurinn.is/index.php?f=leikir&n=80<br />http://leikjavefurinn.is/index.php?f=leikir&n=99<br />http://leikjavefurinn.is/index.php?f=leikir&n=95<br />sjovide.dk. 2001 (sótt 21.apríl 2009.) Menneskemikado - Lege - skattejagt - selskabslege - aktiviteter - ideer - opskrifter - fester - drinks - mad - sjovide.dk<br />Wardle. Francis. 2008. PLAY AS CURRICULUM<br />Excelligence Learning Corporation.<br />Síður sem vitnað er til í námsmöppunni:<br />http://www.education-world.com<br />http://www.funbrain.com<br />http://EduGames.com<br />http://adulted.about.com/od/icebraker/qt/magicwand.htm<br />http://adulted.about.com/qt/timemachine.htm<br />http://www.alysion.org/string.htm<br />http://en.wikipedia.org/wiki/string_figures<br />http://frontier.net<br />http://is.wikipedia.org/wiki.spil<br />http://www.nam.is/krilla/index.htm<br />http://www.nam.is/eining/minnisleikur.htm<br />http://www.nam.is/bina/index.htm<br />http://www.nam.is/alfur/index.htm<br />http://www.leikjanet.is<br />http://namsgagnastofnun.is/unglingasidur/<br />http://namsgagnastofnun.is/krakkasidur/<br />http://ritfaerni.nams.is<br />http://classroom.je-schools.net/basic/<br />http://www.learning-tree.org.uk/stickpuzzles/stick_puzzles<br />http://www.education-world.com/a/lesson/lesson/lesson169.shtml<br />