1. LARRIALDI ZENTRUA: Eskola + Suhiltzaile parkea
DIAGNOSTIKOA
-Azken urteotan gizakia bere bizia arriskuan jartzen duten
aktibitateei buruz kontzienteagoa dela esan daiteke. Halere arrisku
hauek ez dira sekula desagertuko, hainbat naturaren esku daudelako
(suteak, uholdeak, haizeteak...) eta beste batzuk gizartearen
garapenaren (edo gizakiaren gabezien) esku daudelako (istripuak,
suteak, terrorismoa...). Horregatik, oso komenigarria da hauen
eraginei aurre egiteko profesional ahalik eta formatuenak edukitzea.
Duela denbora batetik honantz, euskal suhiltzaileek beraien
prestakuntzarako larrialdi eskola bateratu baten beharra adierazi
dute, gaur egun praktika desberdinak egiteko kanpora eta toki
aldenduetara joan behar direlarik.
Hau dela eta, interesgarria iruditzen zaigu Euskal Herri mailako
larrialdi eskola hori SACEM-en gauzatzea.
-Gipuzkoako suhiltzaile parkeen ekipamenduak azterturik datu
aipagarri bat ikus daiteke: bakar batek ere ez dauka praktikak
gauzatzeko dorrerik ezta honen inguruko maniobra patiorik ere.
Gabezi hau konpontzeko SACEM-en maniobra hauek entrenatzeko leku
egoki bat proiektatuko da, Gipuzkoa osoari eta Nafarroa iparraldea
zerbitzatuko dituenak. Honela, simulazioak errealitatetik hurbilago
egingo dira, baita etxetik hurbilago ere.
-Gipuzkoako suhiltzaile parkeen bataz-besteko adina 15 urtez
gorakoa da. Denbora honetan gizartea asko aldatu da, baita bere
baliabideak ere. Honela, suhiltzaile parke hauek zaharkitu samar
geratzen ari dira gutxika. Horregatik, beharrezkoa izango da eraikin
hauen modernizazioa edo berrien agerpena.
ZERGATIK SACEM-EN?
-Honelako ezaugarriak dauzkan eraikin batek behar dituen
azpiegituren existentzia: A-8 autopistaren hurbiltasuna, N-1-era
inkorporazio oso azkarra, A-15-arekin erlazio hurbila, ur eta
elektrizitate instalazio egokiak.
-Villabonaren herri-gunetik aldendua egoteak ez du herria galaraziko
zarata, trafiko eta suarekin.
-Oria bailararen sarreran kokatzen da, aipatutako errepideen bidez
bailaran zehar errez ibili daitekeelarik edo kostaldeko bideetara
errez helduz, baita Nafarroara nahiko azkar iritsiz.
-Honelako zentro bat gauzatzeko beharrezko espazioak dauzka.
-Ibaiaren presentzia garrantzitsua da, bertatik praktiketarako eta
benetako aktuazioetarako beharrezko ura lortu daitekeelako.

2. FUNTZIONAMENDUA
Eraikinak bi eratara funtzionatuko du: bata suhiltzaile parke
klasikoa izango da eta bestea eskola izango da. Suhiltzaile parkeak
emergentzietan parte hartuko du, horretarako beharrezkoak diren
giza baliabide eta baliabide mekanikoekin. Eskolak jada suhiltzaileak
direnei formazio espezializatua eskainiko die hurrengo eremuetan:
urpeko salbamendua, tuneletako aktuazioak, kotxeen
desgartzelamenduak, eraikin desberdinetan nola aritu, suteak
(arruntak zein bereziak), talde lana, formazio mental edo
psikologikoa eta azkeneko baliabide modernoenen ezagutza
(suhiltzaileen birziklapena). Hauek kurtso desberdinen barruan
antolatuko dira, partaideak (Euskal Herri osokoak) kurtsoak irauten
duen bitartean zentroan bizitzeko aukera izango duelarik.
PROGRAMA
-LARRIALDI ESKOLA
-Klase teorikoak jasotzeko gelak
-Klase praktikoak egiteko gelak
-Tailerrak
-Biltegiak
-Aldagelak
-Logelak
-Sukaldea
-Jangela
-SUHILTZAILE PARKEA
-Logelak
-Sukaldea
-Jangela
-Gimnasioa
-Aldagelak
-Takilak/Biltegia
-Batzar gela
-Aisialdi eremua
-Garajea
-Mekanika gunea
-Biltegia
-MANIOBRA PATIOA
-Praktika dorrea (eskalada paretarekin)
-Kamioia ibiltzeko gunea
-HARRERA
-Bulegoak