To the man I love. :-)

1. ni: Jehan Farah Andales Sanchez
Ang pag-ibig ay sadyang napakaganda
Lalo nang ikaw at ako ay magkasama.
Tayo’y may layunin at diwang maganda
Upang magkaroon ng buhay na masagana.
Sa dinami-rami ng tao sa mundo,
Bakit ikaw pa ang nakatagpo?
Puso ko’y tuluyang binihag mo
Kaya ako ngayo’y nagmahal ng totoo.
Ang yaman sa mundo ay walang halaga,
Basta’t ikaw ay aking kasama.
Ako’y tapat sa’yo, Oh aking sinta
At hindi na kita ipagpapalit pa.
Sadyang napakabait ng Maykapal,
Ibinigay N’ya ang tangi kong dasal.
Ikaw na nagpapaibig sa akin ng matagal
At sa iyo lamang ako magpapakasal.

2. Hatid mo’y saya’t tuwa
Sa aking diwa’t kaluluwa.
Sana ay ikaw na nga
Ang makasama ko hanggang sa aking pagtanda.
Sadyang kay sarap isipin,
Sa buhay ko’y kusa kang dumating.
Tanging ikaw lang ang iibigin
Dahil ikaw ang isinisigaw nitong damdamin.
Ikaw ay parang mundo
Dahil pinapaikot mo ang buhay ko.
Kahit hindi ka man perpekto,
Pero isa ka sa dahilan kung bakit ako kumpleto.
Sa puso’t isipan ko’y ika’y nag-iisa,
Tanging ikaw lamang at wala ng iba.
Araw’t gabi’y palagi kang naaalala
Dahil ikaw ay mahal kong talaga.