1. Euskal kantugintza ezagutzen
PROZEDURA:
Kenzazpi taldea guztion artean ezagutuko dugu. Horretarako, lehenengo galderak
irakurriko ditugu eta horiei erantzuna eman behar diegula aipatuko zaie ikasleei.
Beraz, paragrafoak ikasleen artean banatuko ditugu. Bakoitzak dagokiona irakurri eta ahoz
azalduko die ikaskideei. Honela, besteek informazioa eskuratu ahal dute eta aurretik
aipatu diren galderei erantzuna eman.
Gero, ILARGIA abestia ezagutu eta hutsuneak bete ariketa egin. Eta gero, karaokea ipini
eta abestuko dute.
2. Euskal kantugintza ezagutzen
Jon Mikel Arronategik eta Eñaut Elorrietak sortu zuten Ken Zazpi, 1996ko udazkenean, Gernika-
Lumon (Bizkaia). Biak herriko beste bi talde ezagunetan aritzen ziren orduan: Jon Mikel Exkixuko
baxu jotzaile, eta Eñaut Lugarriko abeslari. Gor diskoetxearen Aurtengo gorakada bildumaren lehen
aleak eman zuen Ken Zazpiren berri 1997an, "Bi eta bat" abestiaren bidez. Baina 2000. urtera arte
ez zioten taldeari behar bezalako arreta eskaini. Orduan gainontzeko taldekideak batu ziren -Igor
Artzanegi (baxua), Beñat Serna (gitarra), Iñaki Zabaleta (teklatuak) eta Jon Fresko (bateria)- eta
lehenengo maketa grabatu zuten Muxikan (Bizkaia), Iñaki Uoho Platero y Tú taldeko gitarristaren
estudioan eta Jose Alberto Batizen (Akelarre, Tapia eta Leturia Band, Fito & Fitipaldis...)
laguntzarekin.
Estreinako lana 2001ean kaleratu zuten, Atzo da bihar (Gor), eta arrakasta itzela izan zen. Guztira
20.000 ale baino gehiago saldu ziren, eta taldea Euskal Herrian oso ezaguna egin zen. "Zenbat min"
abestiak ate asko ireki zizkion, baita Lugarri taldearen "Ezer ez da betiko" abestiaren birmoldaketak
ere. Gainera, beste bi bertsio dakartza diskoak, Pennywise ("Larrun") eta Muse ("Irri bat")
taldeenak. Bi urte eman zuten lan hura zuzenean aurkezten, eta 2003ko apirilean Bidean (Gor)
argitaratu zuten. Aurrekoa baino soinu gogorragoa du, rockzaleagoa, baina Ken Zazpiren musikaren
esentzia den melodia albo batera utzi gabe. Esan daiteke aurrerapausoa izan zela bigarren diskoa,
taldea bere potentzialean sinesten hasi zen eta kontzertu asko eskaini zituen, "nahi adina",
taldekideen hitzetan. Gor diskoetxearen arabera, disko hartatik 18.000 ale saldu ziren.
2005ean zuzeneko disko akustiko bat grabatu zuten Andoaingo Garate estudioan, publikoaren
hurbiltasuna sentituz. Gelditu denbora (Gor, 2005) diskoak Ken Zazpiren soinua moldatzeko balio
izan zuen, eta beste mota bateko apainketak lantzeko: «Guretzako erronka berri bat izan da. Aurreko
bi diskoekin nolabaiteko soinu propioa finkatu genuen eta akustiko izate honek erosotasuna aparte
utzi eta motibazioa berpiztu digu zentzu guztietan. Beste tinbre batzuk bilatu ditugu,
perkusioarekin, mandolinarekin... Agian, aurreko diskoko "Ilargia" eta "Haizea" kantuekin esploratu
genuen bide hori azken muturreraino eraman dugu». Disko horri esker Katalan Herrietan oso
ezagunak egin ziren, eta horregatik bi kantu katalanez grabatu zituen Eñaut Elorrietak, "La lluna"
("Ilargia") eta "Poema dels oprimits" ("Zapalduen olerkia"), hango merkaturako espresuki egindako
berrargitalpen batean. Disko hark marka guztiak apurtu zituen Euskal Herrian eta agertoki berrietara
heldu zen taldea, ohikoak zituen herrietako plaza eta aretoetan aritzeaz gain Arriaga, Gaiarre eta
Principal antzokietan eta Kursaalen jo baitzuen.
Kantu denak Ken Zazpik sortu, ekoitzi eta moldatzen ditu. Hitzak Jon Mikel eta Eñautek egiten
dituzte eta Joseba Sarrionandia idazlearen kolaborazioak ere izan dituzte. Musika estilo aldetik
rocka eta power-popa jorratzen dute, eta hitzei dagokienez, konpromiso hitzak dira, beraiekiko eta
beren inguruarekiko konpromisoa, eguneroko kezkak eta egoerak eta sentimendu sakonak
deskribatuz.
3. Euskal kantugintza ezagutzen
Taldekideak
• Eñaut Elorrieta: ahotsa eta gitarra
• Igor Artzanegi: baxua eta ahotsa
• Beñat Serna: gitarra
• Iñaki Zabaleta: teklatua
• Jon Fresko: bateria
• Jon Mikel Arronategi: ahotsa eta gitarra
• Ruben Caballero: gitarra elektrikoa
Diskoak
• Atzo da bihar (GOR Diskak, 2001)
• Bidean (GOR Diskak, 2003)
• Gelditu denbora (akustikoa, GOR Diskak, 2005)
• Argiak (Oihuka, 2007)
• Zazpi urte zuzenean (Argiak diskak, 2009)
• Ortzemugak begietan (Elkar argiak, 2010)
• Ken zazpi & Euskadiko Orkestra Sinfonikoa (Elkar argiak, 2014)
• Phoenicoperus (Elkar, 2015)
4. Euskal kantugintza ezagutzen
Ezagutu dezagun KENZAZPI taldea
Nongoak dira?
Noiz sortu zen taldea?
Zein urtetan kaleratu zuten lehen diskoa
eta zein da lan horren izenburua?
2005. urtean diska berria kaleratu zuten. Nola du izena eta
nolakoa da?
Nork sortzen ditu abestiak eta zein musika mota egiten
dute? Zein idazleren lanak erabiltzen dituzte?
Zein antzokitan eskaini dituzke kontzertu akustikoak?
Gustatzen zaizue Kenzazpi taldea? Zein kantu dituzue
ezagunak?
5. Euskal kantugintza ezagutzen
Guk proposatzen dizuguna ikasi nahi baduzu, arretaz entzun eta
bete itzazu hutsuneak bost esaldi hauek erabiliz.
✎
ILARGIA
Esaiozu euriari berriz ez jauzteko,
esan bakardadeari gaur ez etortzeko.
(1)_______________________________
eta itotzen nauena,
ametsak sortu zizkidana, galtzen dituena.
Zuretzat
(2)_______________________________
eta zu itsu zaude bere argia ikusteko,
irribarrez, gero minez,
(3)_______________________________
nire sua itzali da,
(4)_______________________________
ez zara!!
(5)_______________________________
une baten sinesteko ez garen guztia.
Zuretzat
(2)_______________________________
eta zu itsu zaude bere argia ikusteko,
irribarrez, gero minez,
(3)_______________________________
nire sua itzali da,
(4)_______________________________
, ez zara!!
KEN ZAZPI Taldearen "BIDEAN" diskotik hartua. 2003. urtea
Iturria:http://www.ikasbil.eus/c/document_library/get_file?uuid=4b57a4d9-0b02-40ba-a4cd-
4ec02bcceffc&groupId=10138 (sekuentzia didaktikoa moldatua)
a)eragin didazu negarra
b)esan sentitzen dudana ez dela egia
c)ilargia lapurtuko nuke gauero
d)eusten nauen soka zara
e)ez zara gaueko izar bakarra
6. Euskal kantugintza ezagutzen
ILARGIA (https://www.youtube.com/watch?
v=8qRlxHJH_GQ)
Esaiozu euriari
berriz ez jauzteko,
esan bakardadeari
gaur ez etortzeko.
Na,na,na,na....
eusten nauen soka zara
eta itotzen nauena,
ametsak sortu zizkidana,
galtzen dituena.
Na,na,na,nana,na....
zuretzat ilargia lapurtuko nuke gauero,
eta zu itsu zaude bere argia ikusteko,
irribarrez, gero minez, eragin didazu negarra,
nire sua itzali da,
ez zara gaueko izar bakarra, ez zara!! (bis)
Na,na,nananananana
Esan sentitzen dudana ez dela egia,
une baten sinesteko ez garen guztia.
Zuretzat ilargia lapurtuko nuke gauero,
eta zu itsu zaude bere argia ikusteko,
irribarrez, gero minez, eragin didazu negarra,
nire sua itzali da,
ez zara gaueko izar bakarra, ez zara!! (bis)
7. Euskal kantugintza ezagutzen
ILARGIA (https://www.youtube.com/watch?
v=8qRlxHJH_GQ)
Esaiozu euriari
berriz ez jauzteko,
esan bakardadeari
gaur ez etortzeko.
Na,na,na,na....
eusten nauen soka zara
eta itotzen nauena,
ametsak sortu zizkidana,
galtzen dituena.
Na,na,na,nana,na....
zuretzat ilargia lapurtuko nuke gauero,
eta zu itsu zaude bere argia ikusteko,
irribarrez, gero minez, eragin didazu negarra,
nire sua itzali da,
ez zara gaueko izar bakarra, ez zara!! (bis)
Na,na,nananananana
Esan sentitzen dudana ez dela egia,
une baten sinesteko ez garen guztia.
Zuretzat ilargia lapurtuko nuke gauero,
eta zu itsu zaude bere argia ikusteko,
irribarrez, gero minez, eragin didazu negarra,
nire sua itzali da,
ez zara gaueko izar bakarra, ez zara!! (bis)