1. 20 DE NOVEMBRO DÍA DOS DEREITOS DA INFANCIA

2. A Convención sobre os Dereitos dos nenos e as nenas é un tratado internacional feito por moitísimos países, que acordaron respectar a mesma lei dos dereitos da infancia. Na Convención recóllense todas as obrigacións que os Estados están dispostos a asumir polos nenos e as nenas. Asinouse o 20 de novembro de 1989. España ratificou a Convención o 30 de novembro de 1990 e entrou en vigor o 5 de xaneiro de 1991. Desde entón o Estado Español está comprometido a defender, respectar e divulgar os dereitos de nenas e nenos

3. O neno goza de todos os dereitos sen excepción algunha nin distinción ou discriminación por motivos de raza, cor, sexo, idioma, relixión, opinións políticas ou doutra índole, orixe nacional ou social, posición económica, nacemento ou outra condición, xa sexa do propio neno ou da súa familia. SOMOS IGUAIS EN DEREITOS

4. O neno ten dereito desde o seu nacemento a un nome e a unha nacionalidade O neno será inscrito inmediatamente despois do seu nacemento e terá dereito desde que nace a un nome, a adquirir unha nacionalidade e, na medida do posible, a coñecer aos seus pais e a ser coidado por eles. TEMOS DEREITO A UN NOME E A UNHA NACIONALIDADE

5. O neno debe gozar dos beneficios da seguridade social. Terá dereito a crecer e desenvolverse en boa saúde; con este fin deberán proporcionarse, tanto a el como á súa nai, coidados especiais, mesmo atención prenatal. O neno terá dereito a gozar de alimentación, vivenda, recreo e servizos médicos adecuados. TEMOS DEREITO Á SAÚDE

6. O neno, para o pleno e armonioso desenvolvemento da súa personalidade, necesita amor e comprensión. Sempre que sexa posible, deberá crecer ao amparo e baixo a responsabilidade dos seus pais e en todo caso, nun ambiente de afecto e de seguridade moral e material; salvo circunstancias excepcionais, non deberá separarse ao neno de pouca idade da súa nai. A sociedade e autoridades públicas terán a obrigación de coidar especialmente aos nenos sen familia ou que carezan de medios adecuados de subsistencia. Para o mantemento dos fillos de familias numerosas convén conceder subsidios estatais ou doutra índole. TEMOS DEREITO A UNHA FAMILIA

7. O neno ten dereito a recibir educación que será gratuíta e obrigatoria polo menos nas etapas elementais. Daráselle unha educación que favoreza a súa cultura xeral e permítalle, en condicións de igualdade de oportunidades, desenvolver as súas aptitudes e o seu xuízo individual, o seu sentido de responsabilidade moral e social, chegar a ser un membro útil da sociedade. O interese superior do neno debe ser o principio reitor de quen teñen a responsabilidade da súa educación e orientación; dita responsabilidade incumbe en primeiro termo, aos seus pais. O neno debe gozar plenamente de xogos e recreacións, os cales deberán estar orientados cara aos fins perseguidos pola educación; a sociedade e as autoridades públicas esforzaranse por promover o goce deste dereito TEMOS DEREITO Á EDUCACIÓN

8. Os Estados recoñecen o dereito do neno ao descanso, ao xogo e ás actividades recreativas propias da súa idade e a participar libremente na vida cultural e nas artes. Os Estados respectarán e promoverán o dereito do neno a participar plenamente na vida cultural e artística e propiciarán oportunidades apropiadas, en condicións de igualdade, de participar na vida cultural, artística, recreativa e de esparcemento. TEMOS DEREITO A XOGAR

9. Mentres respectes aos demais, tes dereito a dicir todo o que pensas, sentes e soñas, así como a que te escoiten aínda que non compartan os teus puntos de vista. É importante falar sobre o que pensamos para que os demais nos coñezan e comentar as razóns que temos para crer e opinar dunha maneira determinada. En calquera decisión que te afecte, tes dereito a que te escoiten e a que se tome en conta a túa opinión, isto non quere dicir que sempre se deba facer o que ti crees que é mellor, nin que o que digas valla máis que o que din os adultos, pero a túa opinión debe ser parte importante na decisión que se tome. E sempre, sempre se che ten que informar de forma clara e comprensible do que está a pasar: antes, durante e despois. TEMOS DEREITO A PARTICIPAR

10. O neno, física ou mentalmente impedido ou que sufra algún impedimento social, debe recibir o tratamento, a educación e o coidado especiais que require o seu caso particular. TEMOS DEREITO A DESENROLAR AS NOSAS CAPACIDADES

11. É pensar nos demais co mesmo interese co que pensas en ti mesmo e tratar de facer o posible por mellorar a vida dos demais, igual que os demais che apoian para mellorar a túa. Pódense facer moitas cousas para ser solidarios que non dependen do diñeiro: os abrazos, as risas, escoitar, son tan necesarios como unha barra de pan. Ser solidarios empeza por ser boa xente cos que te rodean. Solidariedade é tamén apoiar a nenos e nenas que vivan noutros lugares para que os seus dereitos se cumpran. Estes nenos e nenas son apoiados por moita xente do seu país que saben moi ben que facer. O que pasa é que lles faltan recursos, medios, que desde outros países pódeselles facer chegar. SER SOLIDARIOS E SOLIDARIAS

12. CANDO CHE PASE ALGO GRAVE PIDE AXUDA A UN ADULTO. É bo que fales cos demais para que te axuden. Ás persoas que viven contigo, gústalles coñecer as túas alegrías, as túas opinións, as túas experiencias e tamén necesitan que lles contes o que opinas, por que estás serio ou raro e saber que facer para axudarte. É importante que aprendas a dicir as cousas que sentes. Moitas veces a solución aos teus problemas está en contalos. Contando as cousas, ás pantasmas de saba branca que habitan na nosa cabeza, pónselles cara e nome e así é máis fácil dicirlles que se vaian. Ás veces ocórrenche cousas que non contas porque pensas que os demais non te van a entender e que van pensar que é unha bobada. Nada do que che pasa é unha bobada si para ti é importante. · Pide que te escoiten.

13. Traballo conmemorativo BIBLIOSOÑOS BIBLIOTECA DO CEIP ANTONIO PEDROSA LATAS CELEIRO-VIVEIRO (LUGO) http://pedrosalatas.blogspot.com/