Cerita dalam bahasa Banjar

1. MAULAH GAGUDUH BATILANJANG
Haji Ibus himung banar ba isi manantu babini nang bungas bujur haja urang kampung tapi
manantu sidin nang ngintu bias banar ba masak dan taat lawan mintuha .Apa nang di suruh
di gawinya .Haji Ibus lawas dah handak mamakan guduh .Balalu ai sidin manukar pisang
pinurun sanyak lima sikat ,maka pisang nang di tukar naitu ganal-ganal .Pukuknya kalu di
sanga puas tu pang mamakanya .Ganal riga.
“Luh ! luh ! Aku handak banar mamakan guguduh ulahan ikam ,ma ulag gaguduh
batilanjang luh-lah ,’’ujar haji Ibus.
“Inggih ,bah ae ! ujar Aluh manyahuti .Bagagas Aluh ka dapur .Nyalakan kompor ,tanggar
rinjing ,tumpah minyak lamak ka rinjing ,kupas pisang ,ambil galapung dan sebagainya
.Rahatan asyik bagawi ma ulah guguduh hamper kalupaan awan pasan mintuha yaitu
maulah guguduh batilanjang .Lalu ae si Aluh mahancap mamacul baju, mamacul tapih
,mamacul biha ,mamacul cawat .Kalihatan awak ,semunyaan manampurak putih .
“Sir , sir ! “Tadangar bunyi pisang ta nyalam ka dalam rinjimg nang panas .Baunya
mandangur masukl ka hidung haji Ibus nang rahatan duduk di ruang tamu sambil
membaca surat kabar. Karena kada tahan lagi ma-arit liur ,lalu ae sidin ka dapur handak
mamakan gugudu nang panas ulahan minantu .Sasampai di dapur ,takajut haji Ibus malihat
lalakun minantu,’’Astaga ,napa ikam hajat Luh jadi batilanjang ,’’ujar haji Ibus batakun .
“Pian kalu bah ,nang manyuruh ,
“Sahut si Aluh .
“Ikam salah paham Luh-ai maksudku bukan ikam yang batilanjang ,tapi guguduhnya ,’’ujar
haji Ibus kirip-kirip mata malihat awak minantu putih mulus .
“Maksud abah ?” ujar Aluh kada managarti
“Maulah guguduh batilanjang tu artinya maulah guguduh kada bagalapung ,pisang wara
nang di sanga ,’’ujar haji Ibus ,manjalasakan.

2. “uh . . . “lalu si Aluh mahancap ma-ambil luran mamuruk cawat ,baju ,biha ,lawan tapih
sahingga tatutup sudah barang-barang antiknya .Amun lambat ma nutup kalu-kalu
mintuhanya tahilap ,di rumah .Nang lainya tulakan ka panagantinan.
Karya,Fahrurraji Asmuni