Carta da biblioteca de benvida ás familias do alumnado do IES Salvaterra de Miño

1. A BIBLIOTECA do Instituto tamén para vós…
CURSO 2020-21
Carta de benvida ás familias
NOVA SITUACIÓN COVID-19
Queridas familias:
Este curso todo é novo tamén para nós. A pesar diso queremos darvos a benvida ao novo curso e a nosa
biblioteca. Empezamos con ganas de traballar e superar as circunstancias adversas coa vosa axuda.
As situación derivada da pandemia polo virus SARS-CoV-2 obríganos a tomar unha serie de medidas de
seguridade para garantir a saúde de todos. Pero o curso comeza e a educación é un dereito de todos polo
que temos que seguir traballando.
Na medida do posible a biblioteca debe continuar aberta e funcionando. Animámosvos a todos a seguir
fomentando a lectura e a facer uso dos múltiples recursos que temos dispoñibles... tamén a través das redes,
onde centraremos os nosos esforzos este curso.
MATERIAL E SERVIZOS QUE VOS PODEN INTERESAR:
A biblioteca conta con miles de libros ou materiais entre os que poderedes atopar:
 Bestsellers actuais, novelas clásicas (literatura galega, española e universal), lecturas xuvenís e para
adultos...
 Libros sobre a adolescencia e os seus problemas, libros de consulta sobre diversos temas: ocio, animais,
filosofía, cociña, biografías, ...
 Informática: formación e xogos.
 Vídeos: películas, documentais, música clásica e actual...
 Na sala tamén contamos con conexión á internet, revistas, xogos, dicionarios...

2. Na situación actual, poden ser de gran axuda outros Servizos como:
 Consulta dos nosos fondos na OPAC
 Información variada e recursos en rede dispoñibles no noso blog
 Lectores dixitais ou e-books, (Os menores de idade necesitan un permiso asinado por un adulto).
 Acceso á plataforma Bega-Elbe-2 co préstamo de balde de lecturas en internet. Estará dispoñible para o
alumnado ao que lle explicaremos o funcionamento.
CARNÉS DE USUARIOS PARA AS FAMILIAS
SOLICITADE o voso carné de lector/a, cubrindo e enviando a solicitude dispoñible no Blog da biblioteca,
tamén podedes solicitala por escrito enviándoa polos vosos fillos ou fillas.
ACTIVIDADES PARA TODOS
Manteremos todas as actividades posibles, cos cambios necesarios para garantir a seguridade das persoas
usuarias.
Continuaremos ca Hora de ler, os Clubs de lectura, os axudantes de biblioteca, a celebración de efemérides,
proxección de vídeos e curtas, actividades musicais, ...
Outras en cambio anularanse como as mochilas viaxeiras ou a Feira do Troco. A súa función de dar a coñecer
nas familias os distintos tipos de fondos e recursos, manterase a través do blog ou mediante outras variantes.
Para as familias empezara a funcionar o servizo de préstamo rápido cunha proposta de dez títulos sobre a
adolescencia que as familias poden solicitar no blogue para que o equipo de biblioteca o envíe a través do alumnado.

3. ESTAREMOS Á VOSA DISPOSICIÓN:
A biblioteca estará aberta en todos os tempos de lecer. Na páxina do centro e no blog da biblioteca estará
dispoñible o horario.
Tamén se poderá contactar co equipo a través do blog ou mediante o correo electrónico da biblioteca
(ies.salvabiblio@gmail.com).
EN INTERNET: No blog da biblioteca: http://iessalvabiblio.wordpress.com/
Tamén estamos en Instagran: salvalingua007
COLABORADE CON NÓS
1. Animando aos vosos fillos e fillas a usar e respectar os recursos da biblioteca.
2. Facendo o carné da biblioteca e empregando os seus recursos.
3. Aportando ideas ou propostas para afrontar a situación actual.
Recordando que: SE VÓS LEDES, ELES LEN !!
MOITAS GRAZAS E MOITO ÁNIMO
O Equipo da biblioteca
Na biblioteca hai unha caixa de suxestións para achegar ideas de compra,
propostas…
Tamén no apartado de suxestións do blog...