2. Nakasanayan na nating lahat ang
paggamit ng straw kapag tayo ay iinom ng
softdrinks o kung ano pa mang inumin ang
nais nating gamitan nito. Napakasarap
naman kasi uminom gamit ang straw hindi
ba? Dahil kapag naka-straw tayo ang iba
sinasabi pa, “wow sosyal naka-straw pa!”
kahit ang iniinom ay tubig lang. Ang straw
ay gawa sa plastic kaya kung ihahambing
ito sa tao, kapag nasabihan kang “para kang
straw!”, dalawa ang ibig sabihin nito.
Maaaring ang nais iparating sa’yo ng taong
nagsabi noon ay inihahambing ka sa
pagiging plastic at sipsip.
3. Sa modernong panahon naman natin
ngayon, may naimbento na rin na straw na kahit
anong klaseng tubig kahit marumi ay maiinom mo
na gamit ang bagong teknolohiyang straw na ito.
Nasasala nito ang maruruming elemento sa
maruming tubig upang maaaring mainom ng mga
tao. Tinatawag itong “Life Straw Personal Water
Filter”.
6. Abalang abala ang lahat sa pagdidisenyo
at paglilinis ng silid aralan. Dahil nagdeklara
ang prinsipal ng Bagong Bato Elementary
School na magkakaroon ng kumpetisyon sa
lahat ng seksyon sa ikalima hanggang ikaanim
na baitang. Na kung saan kailangan nilang
panatilihing malinis at pagandahin ang kanilang
silid aralan sa loob ng isang linggo. Dahil may
mga bibisitang panauhin pagkalipas ng isang
linggo na magmumula pa sa Maynila kung
kaya’t kailangan nila itong paghandaan.
7. “Lahat tayo ay magtutulungan na panatilihing malinis ang
ating silid aralan, mga anak.” sabi ni Bb. Seiko, adviser ng grade VI-1.
“Ma’am! Magdadala po ako ng trashcan bukas para hindi na po kami
lalabas sa tuwing kami’y magtatapon.” sambit ni Traw. “Ako naman po
ay magdadala ng ilang basahan dahil magkakaubusan po tayo ng
basahan, sigurado iyan.” pagsambit naman ni Jan-Jan. natuwa ang
guro nila dahil may ilan siyang estudyante na may kusang-loob.
Napapansin na ni Bb. Seiko ang laging unang pagpipresenta ni Traw
sa tuwing may gagwin sila para sa klase o di kaya minsan ay
nagbibigay pa ito ng kung anu-anong pagkain sa kanya. Sina Jan-Jan
at Traw ang laging nangunguna sa kanilang klase, ang dalawang ito ay
laging nagpapaligsahan sa pagiging top 1. Ngayon ay nasa ika-anim na
baitang na sila at masyadong mahigpit ang kumpitensya nila
pagdating sa grado nila. Sa kabila ng lahat ay nanatili ang pagiging
matalik nilang pagkakaibigan. Nabiyayaan ng angking katalinuhan at
kagandahan si Traw kung kaya’t marami siyang naging kaibigan at
taga-hanga.
8. “Okay. Class dismissed! Mag-iingat kayo
pauwi ha. Maiiwan ang mga cleaners.”
sabi ni Bb. Seiko. Agad siyang nilapitan ni
Traw at binigyan siya ng biskwit, “Ma’am
para sa’yo po. para hindi po kayo
nagugutom sa byahe pauwi.” sabay
ngumiti ito. “Maraming salamat Traw!
Napaka-buti mo talagang bata ka.” sagot
ni Bb. Seiko. Tumulong maglinis si Traaw
kahit na hindi siya cleaners nung araw na
iyon. “Lahat gagawin ko para maging
valedictorian ako sa graduation day
namin.” bulong ni Traw sa sarili.
9. Kinabukasan, abala uli sila sa pagdisenyo ng kanilang silid-aralan. Paikot-ikot si
Traw sa kaniyang silid at lahat ng kamag-aral niya ay inaagawan niya ng gawain. Marami
na ang naiinis dahil sinusumbatan niya ang mga kamag-aral kapag nakikita niyang wala
silang ginagawa at isinusumbong niya ito sa kanilang guro.
KKRRRIIIIIIIIINNNNNGGGGGGGGG!!! Tumunog ang bell, breaktime na!
Lumabas na si Bb. Seiko at nagtungo na sa Faculty room. Ang grupo na kilalang bully sa
kanilang klase na sina KC, Niño, Renz, Al at Trisha ay agad tumungo sa kinauupuan nina
Traw at Jan-Jan. “Hoy Traw! Kala mo ba hindi naming pansin ang matagal mo nang
pagpapakitang gilas kay ma’am! Lahat kami ay gusto mo malamangan lagi! Sipsip ka
talaga!” galit na pagsabi ni Trisha kay Traw. “Wala naman akong ginagawang masama ha?
Sinasabihan ko nga kayo na tumulong dahil kumpetisyon itong ginagawa natin.”
mahinahong sagot ni Traw. “Nagtitimpi lang kami sa’yo dati ka pa ganyan, grade 6 na tayo
hindi ka pa rin nagbago!” bulyaw ni Niño. Sumingit si Jan-Jan sa bangayan ng mga ito,
“Kayo nga wala kayong ginawa kundi mambatas dito sa klase natin lalo na kila Ehm at She
na alam ninyong walang laban sa inyo! Mga naiinggit lang kayo kaya kayo ganyan! Hindi
ko hahayaan sigaw-sigawan ninyo itong bestfriend ko!”. Nang biglang dumating si Bb.
Seiko ay nagsitahimik ang lahat.
10. “Uwian na sa wakas! Traw punta tayo sa
parke mamaya at tayo ay maglaro doon” masayang
wika ni Jan-Jan. “Oo ba! Namiss ko ang paglalaro
natin sa parke. Sandali lang hintayin mo ako,
maglilinis lang ako sandali” sabi ni Traw. “Sige sa labas
muna ako” sagot naman ni Jan-Jan at tumungo siya sa
may pasilyo. Lumipas ang ilang minuto, nahuling
lumabas sina Bb. Seiko at Traw. Habang naglalakad sa
pasilyo ay huminto sila sandali. “Traw, mataas ang
mga grado ninyo ni Jan-Jan. Nakatutuwa iyon, ngunit
kanina ay nakita ko ang pagsigaw niya sa mga kamag-
aral ninyo”, sabi ni Bb. Seiko. Nakangising sumagot si
Traw, “Hindi ko nga po alam kung bakit bigla siya
nakipagsigawan kanina kila KC ma’am eh” “Akala ko
pa naman katulad mo siya na hindi nakikipag-away,
medyo na-disappoint ako sa kaibigan mo” malungkot
na sambit ni Bb. Seiko. Nagpaalam na ito na mauuna
na siyang maglakad at pupunta pa siya sa Faculty
room.
11. Nakita ni Traw si Jan-Jan na nasa gate na. Tahimik si Jan-Jan habang
naglalakad sila patungo sa parke. Nakaupo sila sa may bench sa gitna ng
dalawang malaking puno. Panay ang kuwento ni Traw kay Jan-Jan ngunit
kataka-takang hindi ito kumikibo. “May problema ka ba friend?”
nagtatakang tanong ni Traw kay Jan-Jan. Naiiyak na hinarap ni Jan-Jan si
Traw, “Narinig ko ang usapan ninyo ni Ma’am Seiko kanina, naroon ako sa
gilid ng pader sa may pasilyo at hindi ninyo siguro ako napansin. Bagit
ganyan ka Traw? Alam mo ang totoong nangyari, bakit hindi mo man lang
ako nagawang ipantanggol? Masyado kang sipsip kay Ma’am! Matagal ko
nang pansin iyon pero hindi ko lang isinasambulat sa iyo dahil baka
masaktan ka. Pero ngayon, galit talaga ako sa iyo Traw! Hindi ka tunay na
kaibigan!” Natahimik si Traw. Tumayo na si Jan-Jan, dahan-dahan itong
naglakad palayo habang umiiyak. Tinamaan si Traw sa sinabi ng kanyang
bestfriend.
12. Biglang may malakas na hangin ang umihip sa parke.
“TSK! TSK! TSK! Iyan na lang ang hinihintay kong gawin mo Traw!
Matagal na kitang sinusubaybayan dahil hindi tama ang mga
ginagawa mo. Dahil sa pagiging sipsip mo mapanatili lang ang
grado mo at atensyon ng lahat, pati matalik mong kaibigan ay
nagawa mong pagtaksilan!” sabi ng isang diwata na gumagapang
palabas sa balong malalim sa gitna ng parke. Nakita at narinig nila
Traw at Jan-Jan ang sinabi ng diwata. Silang dalawa ay namutla sa
nakita at hindi na sila nakapagsalita.
“Kailangan kang maparusahan! Ikaw lang ang kauna-
unahang bata na todo kung sumipsip at magpasikat sa lahat para
lang sa iyong sarili! Masyado kang makasarili Traw!” galit na wika
ng diwata. Biglang may lumitaw na liwanag na nagmula kay Traw
na nagtagal ng sampung segundo. Maya-maya lang ay naglaho si
Traw kasabay ng diwata na nagmula sa balong malalim, kumalma
na ang paligid. Namutla si Jan-Jan sa nangyari. Tumungo siya sa
bench kung saan sila umupo ni Traw kanina lang. May nakita
siyang isang maliit na bagay at pinulot niya ito. Hindi niya napigilan
at bigla na siyang humagulgol. Ito ang kaibigan niya! Hindi niya
matanggap ang nangyari kung kaya’t dinala niya ito kahit saan man
siya magpunta.
13. Kahit sa kanilang silid ay tinititigan lamang niya ang bagay na
nag-iwan ng alaala ng kanyang matalik na kaibigan. Kapag tinatanong
siya ng mga kamag-aral kung ano ito hindi siya sumasagot. Lagi na
siyang tahimik at madalas tulala simula noon. Isang linggo na rin ang
lumipas, nanalo sa kumpitesyon ang kanilang klase. Isang
araw, inilagay ni Jan-Jan ang bagay na ito sa baon niyang tubig.
Idinampi niya ang labi dito sapagkat hinahanap hanap na niya ang
kaniyang kaibigan. Sa gitna ng klase, biglang umiyak si Jan-Jan.
Habang humihikbi, nasipsip niya ang tubig gamit ang bagay na iyon.
Nilapitan siya ng guro at nagtanong, “Anong problema Jan-Jan? Bakit
ka umiiyak? Nasaan na nga pala si Traw isang linggo na siyang
lumiban sa klase natin?” “Si Traw…… si Traw po Ma’am..” humihikbing
tugon ni Jan-Jan. Hindi na niya maitago ang nararamdaman kung
kaya’t sinabi na niya sa buong klase ang nangyari. Nalungkot ang
lahat sa pagkawala ni Traw. Paminsan minsa’y hinihiram ng ibang
kamag-aral ang bagay na iyon kay Jan-Jan at nagamit din nila sa
paghigop ng tubig.
14. Si Traw. Nang lumaon ay tinawag
nilang “straw” ang bagay na iyon.
Na minsa’y nagbigay ng mabuting
aral at masamang karanasan sa
buhay.
15. Kaya sa panahon
ngayon, marami na ang
kumakalat na “straw” hindi
ba? Maaaring ang mga ito rin
ay ang mga taong
naparusahan ng mahiwagang
diwata na nagmula sa balong
malalim.
