Cuento recurso educativo para o DÍA DA PAZ 2014 CEIP BARRIÉ DE LA MAZA BIBLIOTECA ESCOLAR CONTADORA DE SOÑOS-BIBLIORRATO XALLEIRO

2. Hai moito, moito tempo, nun país moi afastado, onde ía moito frío e sempre nevaba, existiu
un precioso reino onde vivía unha fermosa princesa.

3. A princesa Paz sempre levaba un vestido branco e unha longa capa da mesma cor. O seu
traballo consistía en facer felices a todos os habitantes do reino.

4. Cando naceu, a raíña das fadas concedeulle o desexo da Paz para que todos, no reino,
vivisen contentos e felices.

5. Nese país sempre había PAZ, ninguén se pelexaba, compartían, axudábase e xogaban xuntos.
Se aparecía calquera problema, chegaba a princesa, falaba con todos e solucionábase. Alí non
había espadas, nin pistolas, nin xogaban a xogos violentos nos que se podían facer dano e
chorar.

6. Cada día a Princesa da Paz poñíase a súa capa e o seu longo vestido branco e ía pasear á
Praza Maior. Alí comezaban a Asamblea da Paz, que era o momento do día máis importante
para todos xa que, dialogaban e falaban das cousas bonitas que lle pasaran ao longo do día.

7. Non moi lonxe de alí, no reino veciño, vivía a máis maléfica, terrorífica e fea das bruxas. A
malvada bruxa chamábase VIOLENCIA e cando lanzaba os seus feitizos e conxuros todos os
que estaban preto dela comezaban a discutir, a enfadarse e a dicirse cousas feas.

8. Un día, a bruxa Violencia decidiu viaxar ao país da Princesa Paz, así que fixo unhas cantas apócemas
malvadas, colleu a súa vasoira e foise voando. Cando chegou ao País da Princesa viuno todo tan bonito
e agradable que case lle dá un patatús. A Princesa Paz recibiuna con palabras bonitas, foi amable e
doce...

9. ...pero a bruxa Violencia enfadouse tanto que, montada na súa vasoira, foi lanzando os seus
feitizos por toda a praza e as persoas que alí estaban comezaron a enfadarse, a discutir,
pelexarse... estaban a loitar, pegábanse, berrábanse...

10. A Princesa Paz ao ver todo isto foise poñendo máis e máis triste así que a bruxa Violencia
lle lanzou un dos seus poderosos feitizos e enmeigouna.

11. PATATÍN, PATATÁN!! Nunha pomba convértote eu! Dixo a bruxa Violencia.

12. Dende ese preciso momento a Princesa quedou convertida nunha branca pomba e viaxa
por todo o mundo repartindo a paz, intentando que todos vivamos en harmonía, sexamos
felices e non nos pelexemos máis para, así, poder romper o feitizo e volver transformarse
outra vez en princesa e vivir feliz coa súa mamá e o seu papá no castelo do país da PAZ .

13. Así que xa o sabes, se ves unha pomba voar recorda portarte ben porque á princesa da paz
debes axudar.