Beginners Guide to TikTok for Search - Rachel Pearson - We are Tilt __ Bright...
5
1. Ծեսը 5 տարեկանների խմբում
«Մխիթար Սեբաստացի» կրթահամալիրիում ուսուցումը
իրականացվում է նախագծերի միջոցով:
«Սեբաստացու օրեր, կրթահամալիրի տոն»
նախագծի շրջանակում, Արևմտյան դպրոց պարտեզի 5
տարեկանների հետ իրականացրել ենք «Հացթխիկ-լավաշթխիկի
ծես», «Թթուդրիկի ծես» նախագծերը:
Ծեսերի միջոցով սովորողները ծանոթանում են ազգային
մշակույթին: Սովորում են ազգային ավանդական պարեր,
ծիսական երգեր, խաղերգեր, խաղեր:
Այսպիսի նախագծերի շնորհիվ սովորողների մոտ զարգանում են՝
ճանաչողական, ստեղծագործական, համագործակցային,
դիտարկումներ անելու, բանավոր խոսքի կարողությունները:
2. Լավաշթխիկի ծեսի նախապատրաստական
աշխատանքները սկսում ենք ծեսից մեկ շաբաթ առաջ:
Սովորողների հետ խոսում ենք ցորենից՝ ալյուր,
ալյուրից՝ խմոր, խմորից՝ լավաշի ստացման ընթացքի
մասին: Դիտում ենք տեսաֆիլմեր: Երգում ենք հացթխիկի
երգեր:Ալյուրով նկարչություն ենք անում:
Միասին պատրաստում ենք խմոր, գնդում ենք,
այնուհետև վերցրեցնելով լավաշթխիկի համար
անհրաժեշտ բոլոր պարագաները, քայլքով շարժվում
դեպի Ագարակ՝ թոնրատուն: Ընթացքում երգում ենք
հացթխիկի երգերը: Ծեսին մասնակցում են նաև ծնողներ:
Թոնրատանը սովորողները գրտնակում-բացում են
խմորը, իսկ թխելուց հետո՝ վայելում ենք անուշահամ
լավաշը և հացը:
Տեսաֆիլմ՝ Լավաշթխիկ:
3. Թթուդրիկը ևս մեր կրթահամալիրյան ծեսերից է, այն իրականացնում ենք նոյեմբեր
ամսվա ընթացքում և մեծ ոգևորությամբ ենք պատրաստվում: Սովորողների հետ
զրուցում-քննարկում ենք, թե ի՞նչ բանջարեղեն է օգտագործվում թթու դնելիս:
Սովորողները հարցազրույցի միջոցով տեղեկություններ են հավաքում
բանջարեղենների օգտակար հատկությունների մասին, paint ծրագրով նկարում են
բանջարեղեն, հորինում են հանելուկներ և շուտասելուկներ, համեմատում և
չափումներ են կատարում: Այնուհետև մեծով-փոքրով թթու ենք դնում: Համտեսը
իրականացնում ենք հարիսայի ծեսին:
Տեսաֆիլմ՝ Թթուդրիկ
