Оюутан залуус та нарт хэрэг болох үүднээс оруулаа

1. АШУҮИС-ийн Сувилахуйн сургуулийн Эх барихын 4-р дамжааны оюутан
Ц. Эрдэнэбилэг
2021 он

2. Христиан Герхард Леопольд
1846 оны 2-р сарын 24-нд Германы Саксоны
Мееран хотод төрсөн
1870 онд Лейпциг Их Сургуулийн анагаах
ухааны докторын зэрэг хамгаалж, 1877 оноос
1883 он хүртэл Лейпциг дэх Фрауэнклиникийн
эмнэлгийн эх барихын сургуулийг төгсч,
дараа нь Дрезден хотын Эмэгтэйчүүдийн
эмнэлэгийн захирлаар ажиллаж байжээ.
Леопольд нь Леопольдын арга гэдэг аргыг
нээсэн ба энэ нь умайн доторх ургийн
байрлалыг тодорхойлох сонгодог 4 арга юм.

3. Эх барихын үзлэгийг Леопольдын аргаар хийх
Зорилго
Ургийн байрлал, нуруулалт, янз, түрүүлсэн хэсэг, түрүүлсэн хэсгийн
тавилт, умайн ёроолын өндөр, ургийн түрүүлсэн хэсэг ба бага
аарцгийн орох амсар хоёрын хоорондох харьцааг тодорхойлох
Заалт
Жирэмсний 5 сартайгаас хойших хугацаанд энэхүү аргаар эх барихын
гадна талын үзлэг хийнэ.
Шинжилгээний аргын технологи
Жирэмсэн эмэгтэйг хатуу тэгш орон дээр дээш харуулж хэвтүүлнэ.
Хөлийг нь өвдгөөр хагас нугалсан байна.

5. Леопольдын 1-р арга
Үзлэг хийж байгаа эмч хоёр гарын
алга талаа ялимгүй хазайлган умайн
ёроолын хоёр талд тавьж хуруунуудаа
хооронд нь ойртуулах чиглэлээр
болгоомжтой дарах явцдаа умайн
ёроолын өндрийг барагцаалан
тодорхойлох ба тэнд ургийн ямар
хэсэг байгааг мэдэж болно. Толгой
бол хатуу, дугуй хэлбэртэй, Өгзөг бол
зөөлөн, хавтгай, мөч бол жижиг
бөөрөнхий зүйл мэдэгдэнэ.

6. Леопольдын 2-р арга
Ургийн нуруу ба хэвлий талыг тэмтэрсний үндсэн
дээр нуруулалт, байрлал, янз зэргийг тодорхойлно.
Ингэхийн тулд эмч 2 гарынхаа алга талыг умайн
ёроолоос хэвлийн 2 хажуу тал руу дагуулан явуулж
хүйсний төвшинд авчирч байрлуулна. Ихэвчлэн
баруун гарынхаа алга талаар хэвлийн хананы тал
уруу тулах чиглэлтэйгээр дарна. Энэ мөчид зүүн
гарынхаа хуруунуудын тэмтрэхлээр хэвлийн зүүн
талд ургийн ямар хэсэг байгааг тодорхойлно. Ийм
байдлаар зүүн гараараа дарж баруун гарынхаа
хуруугаар хэвлийн баруун талд ургийн ямар хэсэг
байгааг тодорхойлно. Нуруу тал тэгш гадаргуутай,
нум маягтай байхад гар хөл байгаа тал тэгш биш,
жижиг хэсэг тэмтрэгдэнэ. Ийнхүү нуруулалтыг
мэдсэний дараа ургийн байрлалыг тодорхойлно.

7. Леопольдын 3-р арга
Ургийн түрүүлсэн хэсэг бага аарцгийн орох
амсартай хэрхэн харьцаж буйг тодорхойлно.
Баруун гараа умдагны дээхнэ талд умайн
доод таславчны орчмоор байрлуулж эрхий
ба бусад хурууныхаа оролцоотойгоор
түрүүлсэн хэсгийг тэмтэрч, алга дотроо
өнхрүүлэх маягаар хөдөлгөөн хийнэ. Хэрэв
толгой байвал бөөрөнхий хатуу, өнхрөлтийн
шинж илэрнэ. Харин бөгс хэсэг бол
багтаамж томтой тэгш биш, зөөлөн,
өнхрөлтийн шинжгүй, аарцгийн амсарт
дөхөж ойртох тутам шувтангуу болно.

8. Леопольдын 4-р арга
Умайн түрүүлсэн хэсэг бага аарцгийн орох
амсарт хир зэрэг тавигдсаныг тодорхойлно.
Эмч эхийн хөл тал руу харж зогсоод хоёр
гарынхаа эрхий хуруунаас бусад хурууныхаа
үзүүрийг эхийн хэвлийн гадна талаас ургийн
түрүүлсэн хэсэг бага аарцгийн орох амсрын
хооронд нэн болгоомжтой байрлуулсны
эцэст түрүүлсэн хэсгийг ялимгүй дээшлүүлэх
хөдөлгөөн хийж тодруулна.