1. PROGRAMA RADIOFÓNICO HIDROMUXÍA (21/3/2014)
CONMEMORACIÓNS DO MES DE MARZO
SINTONÍA (15 segundos)
Ola, bo día !!!. Para todos vós, o programa radiofónico HidroMuxía.
Controlando o son está o meu compañeiro Samuel Vázquez e, ao micro, a
que vos fala, Noelia Touriñán.
SINTONÍA (15 segundos)
Destacamos a estupenda interpretación da sintonía do programa que fan os
nosos compañeiros de 1º da ESO: Adriana, Alberto, Darío, Martín, Raúl e
Rodrigo.
SINTONÍA (15 segundos)
Hoxe estamos con todos vós para conmemorar tres datas importantísimas
para o noso planeta: o 21 de marzo Día Mundial Forestal ou Día da
Árbore, o 22 de marzo Día Mundial da Auga e, finalmente o 23 de
marzo Día Meteorolóxico Mundial.
SINTONÍA (15 segundos)
O Día da Árbore conmemórase na maioría dos países do mundo co fin de
concienciar as persoas sobre a importancia de protexer as árbores e os
bosques. É fundamental que todos coñezamos os problemas máis
importantes que están a suceder nos bosques e montes como son a tala
masiva de árbores e os incendios.
Pensa un momento na importancia das árbores: na utilización da súa
madeira, na liberación de osíxeno á atmosfera e a eliminación do CO2,
como hábitat de moitos animais e na produción de alimentos e papel.
¡¡Todos podemos e debemos facer o que estea na nosa man para protexer e
coidar os montes!!.
2. PROGRAMA RADIOFÓNICO HIDROMUXÍA (21/3/2014)
SINTONÍA (15 segundos)
Mañá día 22 de marzo conmemórase o Día Mundial da Auga. A auga é un
ben imprescindible para a vida, todos necesitamos auga potable cada día.
Aínda que en Galicia de momento temos auga suficiente, é necesario que
fagamos un uso responsable e que poñamos os medios ao noso alcance
para non contaminala. ¡¡Coidemos cada pinga!!.
SINTONÍA (15 segundos)
Finalmente, o 23 de marzo celébrase o Día Meteorolóxico Mundial, o
obxectivo fundamental da conmemoración é concienciar sobre a influenza
e as consecuencias das actividades humanas no clima e no tempo.
Este ano o lema deste día é: “Comprometendo á mocidade co tempo e o
clima”. É importante que os máis novos empecemos a pensar no cambio
climático que estamos provocando nós mesmos como consecuencia da gran
contaminación que producimos. A metade dos desastres poden evitarse
coidando un pouco mellor o noso mundo.
Se queredes aprender máis sobre estas consecuencias e sobre como todos
podemos contribuír a frealas, entón ¡¡escoita o noso próximo programa
radiofónico!!, tratará sobre o cambio climático.
SINTONÍA (10 segundos)
E aquí, en HidroMuxía, coidamos o medio ambiente día a día.
Despedimos esta emisión coa canción “AGUA”que interpretan varios autores.