1. Sportmi yoki kutubxona?
Ko’pgina ilm dargohlarida ta’lim-tarbiya bilan birgalikda sportga ham katta e’tibor
berishadi. Bu to’g’rimi yoki notog’ri? Universitet yoki kollej talabasi ilm, hunar o’rganib turgan
bir paytda sport turlariga qatnashish o’rniga kutubxonaga borib o’qib o’rgansa bo’lmasmikan?
Axir sport turlari ya’ni tennis, boks, suzish va boshqalar bilan shug’ullanish ham vaqt, ham
mablag’ talab qiladi. Bunga hammaning ham qurbi yetmasligi mumkin. Lekin kutubxona bu
talabalar uchun doim ochiq va ilm-ziyoga to’la makon, shunday emasmi?
Ammo ota-bobolarimizda shunday naql bor: “Sog’ tanda – sog’lom aql”. Har bir inson
ta’lim olar ekan, u ikkinchi tomondan jismoniy kuchga ham ega bo’lishi kerak. Shuning uchun
ham har bir ilm dargohi talabasining mukammal ilmga va yetuk kadr bo’lib yetishishi uchun bir
qancha sport turlarini tashkil etib qo’ygan. Ko’pgina izlanishlardan so’ng aqliy kuchga ega bo’lish
uchun jismoniy kuchga ham ega bo’lish kerakligi isbotlangan.
Qarama-qarshi tomondan aytib o’tganimizdek, sport bilan shug’ullanish talabaga
mablag’ talab qilgan bir paytda, moliyaviy tomondan ham doim chegaralab qo’yadi. Ko’pgina
kishilar talaba birinchi navbatda, kutubxonaga borib ilm o’rganib, kitob sotib olib yoki turli
xildagi tayyorlov kurslariga borib ilm o’rganishni afzal deb bilishadi. Shundan keyin ham
mablag’lari ortib qolsa sport bilan shug’ullanishlari kerak deb hisoblashadi. To’g’ri, sport turi
bilan uyda ham shug’ullansa bo’ladi. Masalan, yugurish, shashka va shaxmat yoki ertalabki
badan-tarbiya ham anchagina insonni jismoniy tarafdan chiniqtiradi. Sizningchachi?
Aslonova Nafisa Muxammadovna