1. Гоо сайхан ба темперамент<br />Та нүүр гараа маш сайхан арчилж гадна үзэмж төрхөө анхаардаг боловч ямарч үр дүн алга уу? Тэгвэл та өөрийн зан авирыг тооцож үзэхгүй байгаа юм биш биз?<br />Сангвиник эмэгтэйЭнэ бүсгүйчүүд дундаж өндөртэй, өргөн мөр, нилээд булчинлаг, улаан ягаавтар хацартай. Сангвиникийн цусны эргэлт эрчимтэй, учраас эдүүдэд тэжээл сайн очдог. Арьсны гадна давхраа гадны өчүүхэн бага үйлчлэлд цочирч үрэвсэж, улайдаг. Түүнээс гадна цус их эрчимтэй гүйдэг учраас байнга халууцаж байдаг Энэ бүлгийн эмэгтэйчүүд арьсаа сайн арчлах ёстой. <br />Арьсаа маш сайн хамгаал, ялангуяа нүүр улайх, усгүйжихээс сэргийл. Мөн наранд хэт шарж болохгүй. Сайн тал гэвэл ийм арьс удаан хөгширдөг, үрчлээ орой үүсдэг. Сангвиник эмэгтэйн зан авир огцом, хувирамтгай, идэвхтэй.Тэд аливаа үйл явдлыг сэтгэл догдлон тун мэдрэмжтэй хүлээж авдаг, бодож тунгааж цэгнэдэггүй.Тэд мэдрэмжээрээ амьдардаг. Шинэ гоо сайхны бүтээгдэхүүн шохоорхдог ч сонирхол нь дороо буурдаг. Курс эмчилгэ тэвчээртэй хийлгэж дуусгаж чаддаггүй. <br />Флегматик эмэгтэйТэд махлаг, том хөх, богино хүзүү, цилиндр хэлбэрийн биетэй. Тэдний бодисын солилцоо удаандуу явагддаг. Энэ нь тэжээлийн бодисууд муу шингэдэг.Улмаар таргалж бие организм хаягдлаар дүүрдэг. Флегматикчууд байнга даарч байдаг, дандаа өөрийгөө ороож хучдаг. Тэдний арьс нь цонхигор, хүйтэн, чийг дааварладаг. Энэ нь артерийн цусны эргэлт хангалгүй байдгаас болдог. Арьс цочромтгой учраас хамгаалалтын давхраа үүсгэх арчилгаа, эмчилгээ хийх ёстой.Гоо сайхны салонд арьсны эдүүдийг тэжээх, нүүрний ба бүх биеийн эдүүдийг чангаруулах талаар эмчилгээ хийлгээрэй. Флегматик эмэгтэй хичээнгүй, ул суурьтай, нямбай. Тэднийг идэвхгүй залхуу гэж буруутгаж болох ч үнэхээр тайван тогтуун улс. <br />Меланхолик эмэгтэйМеланхолик эмэгтэйчүүд туранхайвтар, гоолиг бэлхүүс, жижиг, цээж нарийн хавчиг, нүүр гурвалжиндуу уруулын өнцөг доошоо жаахан унжсан байдаг. Эмзэг турьхан биетэй тэдний арьс тунгалаг, хуурайших хандлагатай. Мэдрэлийн систем нь маш эрчимтэй ажиллагаатай. Арьс нь эрт суларч үрчийх хандлагатай. Тэд бага хэрнээ олон иддэг, жимс ногоонд дуртай харин сахар, крахмал, өөх тосонд дурладаггүй. Тэд шинэ юм болгоныг сонирхдог. Хамгийн гол нь өмнөө зорилго тавибал бүх эмчилгээ, гоо заслын арга ажиллагааг нэг бүрчлэн биелүүлдэг. <br />Холерик эмэгтэйТэд гоо сайхан бие галбиртай, гоолиг нуруу, тэгш мөр, бумбагар хөх гээд арьс нь хэвийн, шаравтар, хувийн онцлогоос хамаараад хуурай эсвэл тослог байдаг.Зарим нь тосны булчирхай маш идэвхтэй учраас батга гарах нь элбэг. Иймээс гоо заслын аргуудын тусламжтай тосны булчирхайн үйл ажиллагааг зохицуулж, арьсаа чийгшүүлж, эрүүлжүүлж, цэвэрлэж байх шаардлагатай. Стресст орсон үед элэгний ажиллагаа хямарч, арьстай холбоотой элдэв асуудлууд үүсэх магадлалтай. Ийм учраас нүүрс багасга. Түүнээс гадна кофе, архи, хурц, халуун ногоотой хоол идэхээс зайлсхий, тамхиа хаях хэрэгтэй. Холерик эмэгтэйчүүд өмнөө зорилго тавьж түүндээ хүрэх арга зам олох явдал маш чухал. <br />