1. Хүүхдээ багаас нь санхүүгийн мэдлэгтэй болго.
Хүүхдэд бэлэг өгөх явдал нь түүний хүмүүжилд хүчтэй нөлөөлдөг. Зарим эцэг эхчүүд хүүхэддээ
аль болох ойр ойрхон бэлэг өгч, ер нь хүссэн нэхсэн бүхнийг нь гүйцэлдүүлж байдаг. Гэтэл ийм байдал
хүүхдийн хүмүүжилд ямар нэг сайн нөлөө огт үзүүлдэггүй ажээ. Хүүхдийг ойр, ойрхон бэлгээр дарах
юм уу, зугаа цэнгэлд умбуулах тусам түүний баяр баясал үгүй болж байдаг. Хүүхдийг сард нэг удаа
тоглоомын газарт аваачихад энэ нь түүний хувьд үлгэр амилах мэт баяр хөөр төрүүлдэг байна. Гэтэл яг
ажилд явж байгаа юм шиг ойр , ойрхон явах юм бол сэтгэлийн ямар нэг таашаал огт авдаггүй. Ер нь
хүүхдийн хүссэн бүрийг тэр дор нь авч өгөх нь ямар ч баяр хөөх төрүүлдэггүй ажээ. Хүүхдийн хүслийг
биелүүлэх хэрэгтэй. Гэхдээ хэлсэн дор нь биш . Ер нь хүүхдийн нас хичнээн бага байсан ч аливаа бүхний
төлөө төлбөр хийдэг бөгөөд ямар ч хүн хязгааргүй төлбөрийн чадвартай биш гэдгийг энгийн үгээр
ойлгуулж байвал сайн.
Зарим эцэг эхчүүд хүүхдэд онц сайн сурсны төлөө мөнгөөр шагнадаг нь бүдүүлэг алдаа юм. Хүүхдэд
гэр бүлийн санхүүг авч явахад хүн бүрийн хүчин зүтгэл хэрэгтэй хэмээн ойлгуул. Гэхдээ ингэлээ гээд
хүүхэд ажил хийх ѐсгүй гэдгийг бас тайлбарлана. Зүгээр л хүүхэд хямгатай байх тусам гэр бүлийн санхүү
сайжирна гэдгийг ойлгуулаарай. Мөнгө хураадаг гахай зэрэг нь хүүхдийн санхүүгийн төлөвшил,
амьдралын ухаан суух зэрэгт сайн нөлөөтэй байдаг. Хэрэв хүүхэдтэйгээ хамт дэлгүүр явах юм бол цөөн ч
гэсэн хамаагүй төгрөгийг түүнд тусад нь өгч хүссэн зүйлээ авахыг зөвшөөр. Хэрэв хүүхэд тань , таньд
ямар нэг юм авч өгөх юм бол татгалзаж огт болохгүй бөгөөд талархаад авах хэрэгтэй.
Нүүрний арьсыг хэрхэн хамгаалах вэ?
Нүүрний арьсыг зөв угаах нь арьсыг гүн цэвэрлэн, булчинг чангаруулж, чийрэгжүүлснээр
бодисын солилцоог сайжруулдаг мөн ямар ч нөхцөлд , ямар ч төрлийн арьстай байсан нүүрээ хүйтэн
усаар савандаж угаахгүй байхыг зөвлөж байна. Нүүрээ байнга хатуулаг ихтэй хүйтэн усаар савандаж
угаах нь арьсыг тослоггүй болгож хуурайшуулдаг. Ялангуяа гадаа цаг агаар хүйтэн, салхитай байх үед
ийнхүү угааж гарах нь хор нөлөөтэй. Хэвийн арьстай бол та өглөө халуун бүлээн усаар хөнгөхөн
шавшиж, дараа нь цэв хүйтэн усаар шавш. Тослог арьстай хүмүүст өдөрт нэг удаа ялангуяа орой нүүрээ
савантай бүлээн усаар угаахыг зөвлөж байна. Харин тослог арьсыг арчлахдаа тусгайлан өвсний хандтай
усыг хэсэглэн хөлдөөж, бэлтгэсэн мөсөөр арчих нхь зүйтэй. Гэхдээ энэ онцгой арчилгаа нь унжиж,
хавагнасан арьсанд илүү тохиромжтой. Харин хуурай арьстай хүмүүс 7 хоногт 1 удаа ингэж угаахад
гэмгүй. Бүлээн сүүнд зүсэм цагаан талх дүрж дэвтээгээд дээр нь буцалгасан, тасалгааны хэмтэй ижил
бүлээн ус нэмээд угаах жор нь бүх төрлийн арьстай хүмүүст тохирно. Угааж цэвэрлэсэн нүүрэнд багахан
хэмжээний сүүн шингэн , тослог багатай тос түрхээд шингэтэл нь арчилгүй байлгах нь тустай. Хэвийн
болон хуурай арьстай хүмүүс өдөрт хэд хэдэн удаа нүүрээ усаар норгож тос нимгэн түрхэх нь арьсанд
тэжээл өгч, залуужуулан, чангаруулж, хуурайшиж сулархаас сэргийлдэг байна. Өглөө нүүрэндээ энгэсэг
тавихдаа тослог багатай тос түрх, нүүрээ угаасны дараа шавшдаг тослог сүүн шингэн маш тохиромжтой.
Тосыг арьсны шугамын дагуу духнаас чамархай, хамрын угалзнаас чамархай, амны өнцгөөс чихний
дэлбэн, эрүүнээс чихний гэдэс хүртэл чиглэлтэйгээр түрхдэг. Нунтаг энгэсэг нь таны нүүрний өө сэвийг
дарна. Түүнчлэн гоо сайхныг тодотгоод зогсохгүй цаг агаарын элдэв үйлчлэлээс нүүрний арьсыг
хамгаалах давхарга болж өгдөг. Энгэсгийг өдөрт хэд хэдэн удаа дээр дээрээс нь давхарлан түрхэх нь
арьсыг хуурайшуулж эсвэл арьсны нүх сүвийг бөглөдөг. Компактны буюу шахмал энгэсэг нь илүү нимгэн
түрхэгдэж, тогтвортой бат бөх давхарга үүсгэдэг. Ийм учраас эмэгтэйчүүд шахмал энгэсгийг илүүд үздэг.
Орой бүр нүүрнийхээ арьсыг сүүн шингэн шингээсэн хөвөнгөөр сайтар цэвэрлэж, дараа нь ус, цийдэм,
тараг, өргөст хэмхийн шүүс зэргээр шавшаад дахин угаа. Гоо сайхны бүтээгдэхүүнээ хэдийгээр үйлчилгээ
нь сулраагүй байсан ч хэсэг хугацааны дараа сольж байх нь зүйтэй. Учир нь 1-2 сарын дараа
бүтээгдэхүүн таны арьсанд дасал болж идэвхитэй элементүүд нь анхных шигээ ашиг тусаа өгч чадахаа
больдог.
Зөвлөгөө бичсэн арга зүйч Ц. Чанцалдулам