1. VOZ NATURA
Os nenos de Celeiro
querémosvos contar
todo o que no noso entorno
estamos a mellorar.
Coidando o medio ambiente
dende o ano 86
coa axuda dos mestres
que queremos lembrar.
Ángeles, Jesús, Antonio
con Mari e Rita tamén
todos no cole estamos
con Voz Natura, que ben!
Con Voz Natura, todos os nenos,
Con voz Natura, todos os “profes”,
Con Voz Natura, a ANPA tamén,
Coidamos todos o cole!
Limpamos, sementamos
e colleitamos no noso horto
e como novidade
temos un invernadoiro.
As árbores nos rodean
xogando no recreo,
tamén as apadriñamos
e algúns poemas lles lemos.
Mirando os vermes de seda
buscando cágados e ras,
paseando pola charca
mira canto aprenderás!
Gústanos a reciclaxe
de tinta, pilas ou cartón,
tamén limpar as praias
o Pedrosa Latas é o mellor.
Todos no cole estamos
con Voz Natura, que ben!
Con Voz Natura, todos os nenos,
Con voz Natura, todos os profes,
Con Voz Natura, a ANPA tamén,
Coidamos todos o cole!