1. A enerxía mareomotriz ( información del popplet)
A enerxía mareomotriz é aquela enerxía que aproveita o ascenso e descenso da auga do mar
producido pola acción gravitatoria do sol e a lúa para xerar electricidade de forma limpa. Trátase,
polo tanto, dunha fonte de enerxía renovable e inesgotable que utiliza a enerxía das mareas
producida nos nosos océanos.
Unha central mareomotriz baséase no almacenamento de auga nun encoro formado ao construír un
dique cunhas comportas que permiten a entrada de auga ou caudal para a xeración eléctrica. O
sistema é sinxelo e segue o mesmo principio que os antigos muíños de mareas: cando a marea sobe,
ábrense as comportas e déixase pasar a auga ata que chega ao seu máximo nivel. A continuación,
péchase o dique para retela e espérase a que o mar vaia baixando ao outro lado, o que produce un
gran desnivel. Esta altura é aproveitada para facer pasar a auga polas turbinas e xerar electricidade.
Segundo o Instituto para a Diversificación e Aforro da Enerxía (IDAE), só naqueles puntos da costa
nos que o mar alto e a baixa difiren máis de cinco metros de altura é rendible instalar unha central
destas características.
A instalación mareomotriz máis importante do mundo atopase en Francia: a central da Rance,
inaugurada en 1966. Esta planta produce ao ano 600 millóns de quilovatio-hora (kWh), abondo para
cubrir o 45% do consumo eléctrico de toda a Bretaña francesa. E todo grazas ao gran potencial que
ofrece a enerxía dos océanos. Esta central é unha proba patente de como as mareas poden prover
unha base de xeración de enerxía que desprace aos combustibles fósiles e ás tecnoloxías
contaminantes que danan o medio. A clave reside agora en desenvolver tecnoloxías de xeración de
mareas con pouco impacto na natureza e con menores custos de capital e produción.
Desventaxas da enerxía mareomotriz.
A pesar de contar con moitas vantaxes, a enerxía mareomotora tamén presenta algúns
inconvenientes, derivados na súa maior parte do impacto ambiental das infraestruturas necesarias
para a súa explotación. Vexamos a continuación as principais desvantaxes da enerxía mareomotora.
Grazas ás mareas podemos obter enerxía gratuíta e inesgotable.
Ademais, este tipo de enerxía, non posúe efectos contaminantes sobre o noso medio xa que non
emite gases de efecto invernadoiro.O sistema máis empregado para obter enerxía mareomotora é o
de "Presa de marea", non obstante presenta unha serie de desvantaxes que nos pode formular
dúbidas sobre as súas grandes oportunidades como enerxía renovable.
1. Unha das principais desvantaxes é que necesita de grandes investimentos iniciais e se tardan
varios anos en construír todas as instalacións. A día de hoxe, a relación entre o custo de obter a
enerxía e os rendementos que se obteñen é moi elevado.
2. Por outro lado, xera un impacto visual e estrutural sobre a paisaxe costeira. Para a construción
dunha presa de marea, é necesaria a construción dun dique nun esteiro que modifica o estado
natural da localización na que se encontre.
3. Ademais, hai que ter en conta que a amplitude das mareas non é a mesma en todas as costas do
mundo, por exemplo, no Mediterráneo a marea é moi baixa, duns 20-40 cm. En cambio, no océano
Atlántico, as mareas poden alcanzar máis de 10 metros. Polo tanto, a enerxía mareomotora só é
viable en zonas moi concretas do planeta.
Trátase dunha enerxía tan respectuosa co medio xa que produce un efecto negativo na flora e fauna
mariñas, transformando o seu hábitat natural ao ocupar artificialmente unha zona na que antes non
había nada.
Unha alternativa que está a empezar a expandirse é utilizar un xerador de corrente de marea, debido
aos custos máis baixos e a un menor impacto ecolóxico en comparación coas presas de marea.