1. KIMIKA IKASTAROAREN AURKEZPENA
HELBURUAK
1. Saiakuntza (esperimentu) errazak antolatzea eta ikastetxeetan egoten diren
materialak bakarrik erabilita egitea.
2. Arrazoitzea saiakuntza bakoitza DBHko zer mailatarako izan litekeen egokia.
3. Gure inguruko egoera kaltegarriak (kutsadurari, energia xahutzeari… dagozkionak)
planteatzea, eta erakustea nola konpondu litezkeen laborategiko saiakuntzen
bitartez.
4. Saiakuntza deigarrien bitartez Zientzia ikasleei hurbiltzeko baliabideak eskaintzea
irakasleei.
5. Eguneroko bizitzako hainbat materialen eta produkturen erabilera eta ezaugarriak
aztertzea.
6. Ikasleen inguruarekin erlazionatuta dauden egoerak erabiltzea saiakuntzak eta
laborategiko lanak antolatzeko.
7. Gogoeta egitea: “Zer dimentsio hartu behar du Kimikak DBHn?”
8. Aztertzea zer-nolako zeregina bete dezaketen laborategiko saiakuntzek oinarrizko
gaitasunak garatzean.
EDUKIAK
1. Eguneroko bizitzarekin zerikusia duten zenbait lan praktiko xume:
- Kimika etxean
- Kimika eta beroa
- Kimika eta argia
- Kimika eta garapena
- Kimika eta polimeroak
- Kimika eta osasuna
2. Lan praktikoak: gaitasunak garatzeko estrategia metodologikoa.
3. Konpondu beharreko egoera kaltegarriak aurkeztu eta analizatu. Argi utzi zer erlazio
daukaten burutuko diren lan praktikoekin.
4. IKT tresnak erabili, lan praktikoak burutzeko eta arazo-egoerei aurre egiteko.
METODOLOGIA
80 saiakuntza burutuko dira, ikasleentzat errazak eta deigarriak. Ikasleen eguneroko
bizitzatik hurbil dauden arazo-egoerak aurkeztu eta Kimikaren oinarrizko printzipioak
azalduz aztertuko dira; horrez gain, ikastaroko parte-hartzaileek ematen dituzten
irakasgaien edukiekin erlazionatuko dira, eta eztabaidatuko da DBHko zer maila den
egokiena kasu bakoitzerako.