2. Ikasleei teknika honen adibide bat aurkezten diegu. Gero,
bikoteka, klasean ataza batekin lan egitean gertatu zaien gatazka
egoera bat ekarri behar dute gogora, hari buruzko gidoi txiki bat
prestatu, eta talde handian aurkeztu behar dute.
Ikaslea: Hona hemen eskatu didazun praktika.
Irakaslea: Sentitzen dut, baina ezin dizut onartu, barikuan
amaitu zen-eta epea.
Ikaslea: Baina barikuan ezin izan nintzen klasera etorri.
Irakaslea: 15a izan zen aurkezteko azken eguna, barikuan.
Ikaslea: Baina hiru egun baino ez dira pasatu! Jakin banu, ez
nuen ezer egingo… Izorratzea da kontua…
Irakaslea: Barikua izan zen azken eguna… zuontzat guztiontzat.
Ikaslea: Berdin dio hiru egun pasatu badira ere… Lana ondo
eginda egotea da gakoa.
Irakaslea: Sentitzen dut. Joan den barikua izan zen azken
eguna….
“DISKO AKASTUNA” TEKNIKAREN
ADIBIDE PRAKTIKO BAT
3. Ikasleei teknika honen adibide bat aurkezten diegu. Gero, bikoteka,
klasean ataza batekin lan egitean gertatu zaien gatazka egoera bat ekarri
behar dute gogora, hari buruzko gidoi txiki bat prestatu, eta talde handian
aurkeztu behar dute.
X ikaskidea: “Berandu zabiltza… Betiko moduan.” (gaitzespen gisa)
Ni: “Mina dut… Arnasa hartuko dut.”
1. “Hodeitegia” moduko erantzuna:
“Arrazoi duzu: berandu irten naiz LH Dualeko enpresatik. Irakasleak azaldu
berri digun atazaren praktika oso interesgarria da, ezta?”
(Horrela jokatuta, indargabetu egiten dut gaitzespena eta erasoa
desbideratzen)
2. “Kontraerasoa” moduko erantzuna:
“Ba…, zu ere lehengo egunean berandu ailegatu zinen. Zergatik ez zarete
hasi ni barik?…” (Erantzun honek gatazka piztu dezake)
“HODEITEGIA” TEKNIKAREN
ADIBIDE PRAKTIKO BAT
4. Ikasleei teknika honen adibide bat aurkezten diegu. Gero,
bikoteka, klasean ataza batekin lan egitean gertatu zaien gatazka
egoera bat ekarri behar dute gogora, hari buruzko gidoi txiki bat
prestatu, eta talde handian aurkeztu behar dute.
Egoera: Ikaskide batek zurekin nahi du landu atazaren atal bat,
institututik kanpo…, baina bakarrik egin nahiago duzu zuk.
SANDWICHaren hiru geruzak:
1. Mezu positiboa: “Eskertzen dizut proposatzea, atsegin dut
nirekin ikasi nahi duzula entzutea, ikaskide bikaina zarela uste
dut…” (Ez dut ematen ezezko zuzena: mezu positiboek leundu egiten
dute benetako mezua)
2. Ezezkoa edo desadostasuna: “Baina kontua da neure gelan
bakarrik hobeto kontzentratzen naizela.” (Ezezkoa eman diot)
3. Mezu positiboa: “Ziur nago beste norbait aurkituko duzula.
Galdetu diozu X-i?...” (Mezu positiboa emateaz gain, irtenbide bat
bilatzen laguntzen diot)
“SANDWICHA” TEKNIKAREN
ADIBIDE PRAKTIKO BAT
6. Komunikazio egoera batean entzun behar baduzu…
1. Solaskideak hitz egiten duen bitartean, ibiltzen zara
erantzuna prestatzen?
2. Joera duzu solaskideak esango duena igartzen ibiltzeko?
3. Eteten duzu solaskidearen txanda zure ikuspegia argitzeko
edo azaltzeko?
4. Elkarrizketa batean, eteten dituzu solaskidearen esaldiak
zuk zeuk amaitzeko?
5. Solaskideek hitz egiten duten bitartean, entzuteari utzi, eta
zure burutazioetan murgiltzen zara, zintzilik dituzun
gaietan?
6. Gai edo hitz jakin batzuen aurrean, oldartu egiten zara?
Hiru baiezko baino gehiago izan badira…: zuk zeuk atera
ondorioak.
ENTZUTEARI BURUZKO GALDETEGIA
