1. CERET programa
Industri-prozesuak Automatizatzea: Obabako CERET proiektua
Obabako CERET proiektua duela 20 urte baino gehiago jaio zen, industri-
ekipoak elkarrekin konektatzeko beharrizanei erantzuteko, zentzu
orokorrean eta industri-automatizazioaren arloan.
Proiektuaren ideia komunikazio-sare estandarrekin lan egitea da,
plantako ekipo heterogeneoen artean informazioa elkarbanatzeko eta
horrela modu koordinatuan lan egin dezaten. Prozesuaren datuak
komunikazio piramidean bertikalki bidali behar dira (makinetako alor-
busetatik, izan ere hauetan kontrol-tresneria adimenduna konekta
daiteke). Proiektua abiatu zenetik irizpide horiek betetzen dituen busa
AS-i (Actual Sensor interface) busa zela pentsatu zen. Gainera, gaur
egun instrumentazio ekipoak elkarrekin konektatzeko aplikazioak
integratu ahal dira makinen segurtasun araudiek ekarritako
betekizunekin. Kontzeptu horri Segurtasun Integratua deitzen zaio.
Alor-busak garatu egin dira CERET proiektu honen abiotik eta hasieran
Profibusa zena (bere bertsioak barne) garatzen joan da, estandar
berriak agertu araziz. Estandar berri horiek gure proiektuan gehitzen joan
gara. Esaterako Profineten aldaera berriak gehitu ditugu. Profineten
aldaera horiek, bertsio desberdinetan, soluzio berriagoak eta
azkarragoak (ia denbora errealean) eskaini dituzte automatismoen
arloan. Motor-eragingailuak, bai asinkronoak eta bai serbomotorrak,
esponentzialki hobetu dira Sinamics abiadura-aldatzaileak agertu
zirenetik. Sinamics abiadura-aldatzaileak, hardware filosofia berriari esker
eta konexio-txartel berriei esker, garrantzizko elementu aktibo bilakatu
dira plantako komunikazio busetan.
Plantako busetatik dabilen informazio guztia zelula mailako prozesuak
kontrolatzen dituzten beste kudeaketa-elementu berriekin partekatu
behar da. Kudeaketa-elementu hauei ordenagailuak gehitu zaizkie
2. kontrolatzeko eta gainbegiratzeko. Datu guzti horiek partekatzeko
proiektuan gehitu ditugun komunikazio estandarrak Ethernet eta OPC
(Object for Process Control) estandarrak dira. Enpresa ertain eta
handietan indartu da gainbegiratze- eta kontrol-programen erabilera.
Programa horiek OPC bezero gisa dabiltza eta OPC zerbitzari batekin
konektatzen dira. CERET proiektu honetan WinCC gainbegiratze- eta
kontrol-programa erabili dugu. WinCCk, bere 7. bertsioan aukera
ematen du 64 biteko sistema eragile profesional berriekin lan egiteko.
Batzuetan langileak lanerako mugimendu askatasuna behar du.
Horretarako, konexio harigabeak ere erabili ditugu industri-
automatizazioko zereginak egiteko.