1. «Հայաստանում կա մի գրող, որի բառերը երգում են կոմիտասյան հանգով և փայլատակում Սարյանի կտավների բոլոր գույներով: Դա Ակսել Բակունցն է: Նա մեր արձակի ամենատաղանդավոր ներկայացուցիչն է»: Ավետիք Իսահակյան
2. Հայ արձակագիր, կինոդրամատուրգ , թարգմանիչ եւ հասարակական գործիչ Ակսել Ստեփանի Բակունցը ծնվել է 1899 թ հունիսի 13- ին` Գորիսում` գյուղացու ընտանիքում: Նախ կրթվել է գյուղի ծխական դպրոցում, հետո շարունակել է ուսանել Էջմիածնի Գեւորգյան ճեմարանում (1910թ ): 1918-23 թթ սովորել է Խարկովի գյուղատնտեսական ինստիտուտում: Վերադառնալով հայրենիք` որպես գյուղատնտես աշխատանքի է անցել Զանգեզուրի շրջանում: 1912 թ-ից Բակունցը որպես մանկավարժ աշխատել է Լոր գյուղի դպրոցում ` զուգահեռ հոդվածներ է գրել թերթերում եւ ամսագրերում:
3. Հետո իրեն լրիվ նվիրել է գրականությանը` պատկերելով հայ ժողովրդի տառապալից անցյալն ու լավի ակնկալիքով ներկայացրել Է ապագան: “Մարտակոչ” եւ “Խորհրդային Հայաստան”թերթերում են լույս տեսել Բակունցի առաջին գործերը` “Խոնարհ աղջիկ”, “Գավառական նամականին”, “Մեր գյուղերում”, “Նանակներ գյուղից”: 1920 -ականներին լույս են տեսել “Միրհավը”,”Սաբու”, “ՙԱլպիական մանուշակ” պատմվածքները: Ավելի ուշ գրել է “Լառ Մարգարը”, “Նամակ ռուսաց թագավորին”, “Մթնաձոր” աշխատանքները: Նրա գրչին է պատկանում “Խաչատուր Աբովյան” վեպը, որից ցավոք մեզ միայն փշրանքներ են հասել: Բակունցը նաեւ թարգմանչական աշխատանք է կատարել` Գոգլի “Տարաս Բուլբան”, Վարդան այգեկցու “Աղվեսի գիրքը” (այն արեւմտահայերենից արեւելահայերեն է թարգմանել): Նա նաեւ սցենարներ է գրել ֆիլմերի համար: Հայտնի աշխատանքներից է “Զանգեզուր” ֆիլմը:
4. 1930 -ականներին Ակսել Բակունցին մեղադրում են հակահեղափոխական եւ հակախորհրդային գործունեություն ծավալելու մեջ եւ շատ հայ մտավորականների հետ 1937 թ օգոստոսի 9 -ին նրան նույնպես ձերբակալում են` բանտարկելով 11 ամսվա ազատազրկման: Նրան սարսափելի պայմաններում են պահում եւ ենթարկում կտտանքների: Հայ պոետը դառնում է Ստալինյան հասարակարգի հերթական զոհը: Ընդամեն 25 ր տեւած դատական նիստի արդյունքում նրան գնադակահարության են դատապարտում:
