1. Tata Ibadah Natal
KELUARGA PURBA
Selasa, 27 Desember 2022
Thema :
KINIERSADAN JABU IBAS KRISTUS
(1 Korinti 12 : 12 – 14 )
Sub Thema :
Arah Ketubuhen Tuhan Jesus Kristus Mpelimbarui Jabu Reh
Paguhna Ibas Kristus.
A. PERSIKAPEN
1. Kata Pengalo-ngalo (MC) :
B.KEBAKTIAN (perp. Tedis)
1. Votum : Kebaktian Natal Keluarga Purba enda
ibenaken ibas gelar Dibata Bapa
sierkeleng ate man doni enda, ibas gelar
AnakNa Yesus Kristus simpeteruk baNa
jadi seri ras manusia, ras ibas gelar Kesah
si Badia simereken keriahen si tuhu-tuhu
seh rasa lalap.
Salam : Perkuah ate ras dame ibas Dibata Bapa ras
ibas Tuhan Yesus Kristus nari, ibas
kerembaken Kesah si Badia ras kam (kita)
kerina gelah. Amin.
Perp : Amin.. Amin... Amin
2. Introitus : Kam me kerina kula Kristus janah sekalak-
sekalak kam ringringNa (1 Korinti 12:27)
3. Rende KEE No. 114:1- 3
1. Sendah jumpa kita wari raya e,
Peringeten tubuh Tuhan Yesus e
Nusur ndahi kita manusia e, keriahen kap e
Reff : Ermulia me Tuhanta, e sipuji me gelarNa
Perdamen ib’re Dibata Tuhan Yesus kap e
2. Mari kita ku kuta Betlehem e
Muji nembah man Tuhanta Yesus e
E tinenges Tuhan si perkuah e, Dibata Bapa e
Reff. :......
3. Sembah kami man bandi si tubuh e
Kam si maa dame ku pertibi e
Bengket min ku tendi ukur kami e
DameNdu o, Jesus
Reff : ……..
5. Berita Kerna Natal Perp.Kundul
Lit : Sebab enggo ipetangkas Dibata lias ateNa
man kerina manusia. Liat atena e ngajari kita
2. nadingken kegeluhen si la ngena atena ras
sura doni, gelah nggeluh kita ngkuasai dirinta,
bujur dingen si sembah Dibata alu kegeluhenta
i doni enda. Genduari kita paksa nimai Wari
kemalemen ate si iarapken kita e me kerehen
sinalsal Dibatanta si Mbelin ras si Engkelini kita
Jesus Kristus. Enggo iendeskenNa diriNa guna
kita, lako nebusi kita i bas kerina si jahat nari,
jenari ibahanNa kita jadi sikerajangenNa, jadi
bangsa si bersih, si mesikel erbahan mehuli.
(Titus 2:11-14)
6. Rende KEE 263:1-2
1. Adi kuidah ampar bintang terang
ras sora lenggur guntar ku begi,
O Tuhanku ije ukurku mamang,
ngidah b’linna k’rina tinepaNdu,
Reff..: Maka pusuhku e pehaga Kam, mbelin me
Kam, o Tuhanku
Maka pusuhku e pehaga Kam, O Tuhanku
mehaga Kam.
2. O Tuhanku di k’rina ku ukurken,
perkuah ‘teNdu nebusi aku,
Tuhan me kap man bangku nggo ib’reken,
alu dareh Yesus si Badia.
Reff. : .....
7. Kinilangasupen manusia makeken kata Dibata
Lit : Dibata tetap nuduhken keleng ateNa man
manusia tetap ipasu pasuNa pendahin ras
kesehaten seisi jabundu.
Perp. : Megati lenga bo igejap kami pemasu-masuNdu
e Tuhan, emaka rusur kami lupa ngataken
bujur man baNdu.
Lit : Ula kam ngikutken sura-sura dagingndu.
Persadan ibas jabundu ndauh ergan asangken
erta-erta doni enda.
Bapa : Selaku bapa lenga bo kudalanken tanggung
jawabku alu payo sebab lenga
kubabaijabungku kubas dalan Tuhan.
Nuduhken dalan ngenca aku tapi aku pe lenga
jadi usihen I tengah jabu
Nande: Selaku nande aku pe lenga bo payo, sebab
megati denga nge gegehku, kebeluhenku ku
ban ibas ngaturken jabu
Anak : Selaku anak, kami pe megati labo megiken
orangtua janah kurang ngergai kelatihenna
... KEE 211:1,4 “I lebe-lebe Yesus”
1. I lebe-lebe Yesus,
ku ‘ndesken k’rina geluhku
Ras isi pusuh ukurku. I lebe-lebe Yesus
4. I lebe-lebe Yesus, teridah k’rina salahku
Ialemina dosangku, I lebe-lebe Yesus
8. Berita Pengalemi Dosa (Perp. Tedis)
Lit. : Nehenlah uga kelengna ate Bapa ma banta!
Bage belinna KekelengenNa man banta seh
maka kita igelari anak-anak Dibata. Janah
labo gelar saja, tapi tuhu-tuhu me kita anak-
anak Dibata. Enda me sabapna maka doni si
jahat enda la nandai kita: sabap doni la nandai
Dibata. O kam si kukelengi, kita enda
genduari anak-anak Dibata, tapi kuga kita
pagi, lenga ipetangkas man banta. Tapi sieteh
maka kenca pagi reh Kristus, bali me kita ras
3. Ia, sabap siidah me Ia bagi si tuhu-tuhuna.
(1Yohanes 3:1-2)
9. Rende : 135 : 1 – 3 (Nagani Lilin) Perp. Tedis
Kata Dibata ibas kita nagani lilin natal : Matius 5:15
Labo isagani kalak lampu kenca bage itutupina alu
tumba; tapi itamakenna ku datas nahe pertendangen,
gelah terang iakap kalak kerina si lit i bas rumah e.
1. Berngi e, nggo kepe, Yesus reh ku doni e
Nusur lah ngangkut dosanta me kin
Jadi kap musil lah sangap pagin
Asa si tek Tuhan e } 2x
2. Anak e, bujur pe, singena me aku e
KiniulinNdu tadingken Kam kap
Bengket ku doni lah t'rang si gelap
Aku daramenNdu e } 2x
3. Berngi e, nggo kepe, Tuhan reh ku doni e.
Padan Dibata teridah tetap.
KinikelengenNa banta me kap
Tuhan sipuji gelah } 2x
10. Renungan Natal : (Perp. Kundul)
11. Pengakun Kiniteken : (Perp. Tedis)
12. Persembahen Pengataken Bujur (Perp. Kundul)
Lit :Genduari ibereken kesempaten man banta guna
ersikap guna nehken persembahen pengataken
bujurta man Dibata. Kata Dibata 2 Korinti 8:9 i
etehndu uga liasna Tuhanta Jesus Kristus aminna
bayak gia Ia tapi guna kiniulinndu, ipemusilna baNa
gelah arah kemusilenNa e jadi bayak kam.
13. Rende KEE No. 123:1-3
1. Ketuahen me, riah ukur me,
Ketubuhen ni Yesus e
Sangap me jelma, reh me Tuhanta
Mari surak, aleplah: Haleluya
2. Ketuahen me, riah ukur me
Ketubuhen ni Yesus e
Malem me ateta, ‘rdame ras Dibata
ari surak, aleplah: Haleluya
3. Ketuahen me, riah ukur me
Ketubuhen ni Yesus e
Yesus Penawarta, tubuh man gunanta
Mari surak, aleplah: Haleluya
c. Ertoto Persembahen & Syafaat
14. Responsoria : Tekad Nggeluh Erkiniteken (Perp.Tedis)
Lit : Meriahlah akapndu katawari pe erkiteken
persadanndu ras Tuhan. Sekali nari kukataken.
Meriahlah! Janah ersadalah arihndu i tengah jabu
guna ngaloken kerehen Yesus
Perp. : O, Tuhan, uga ningkami ermeriah ukur adi
kepiceten ras keguluten reh nderpa kami,
krisis ekonomi ras lingkungen hidup lanai
tersilahi kami. Idumpangna kami Tuhan, kai
arus ibahan kami?
Mamre : Ulih kami encari menam la bias nutupi keperlun
geluh, biaya anak sekolah, ndahi kerja-kerja ras
dahin si deban perlu dana si mbue. Lenga denga
penakit pe mawen-mawen reh ku tengah jabu
kami. Ku ja denga kami Tuhan?
Moria : Ngaturken jabu e pe kami nggo kelsehen,
megati wari natal e pe lanai akap kami meriah
perban mbuesa perayan natal si erbahanca
mbue ka uang keluar.
Anak2 : Melala ka pe reh godan man kami o Tuhan.
Mbue serangen doni man kami, mulai ibas
gaya hidup, model baju ras buk seh ku godan
4. narkoba ras perbahanen anak si nguda si
encedai kami. Tuhan sampati kami!
Lit : Erlajarlah arah Jusuf Ras Maria, ngasup ia
ngaloken Yesus I tengah-tengah jabuna amin gia
mberat perbeben siniadapina tapi guna ndahiken
singena ate Dibata tetap ia paguh ras setia guna
ngaloken Yesus itengah-tengah jabuna.
Perp. : Bere dage Kesah-Ndu ringan ras kami O Tuhan,
gelah kami pe bagi Paulus ermeriah ukur
erkiteken ersada ras Kam, gia kuga sekali jadi
bas geluh enda. Jadilah peraten-Ndu man
kami maka jore ukur ras geluh kami. Amin.
15. Rende KEE No. 115 :1, 3
1. Keriahen simbelinna, Sikuberitaken e
Enggo tubuh si permakan Eme Tuhan Yesus e
Pujilah min Dibatanta Ras dame dame dame man banta
Dibatanta si erkuah ate, Man kita jelma e
2. Tuhan Yesus persadanta, Em isuruh Bapa e
Si nasapken k’rina dosa, Ibas Golgota kepe
Pujilah min Dibatanta Ras dame dame dame man banta
Dibatanta si erkuah ate, Man kita jelma e
16. Pertoton Tuhan
17. Pemasu-masun
P. : Ipasu-pasi janah ikawali Dibata kam (kita) siang
ayo Dibata ersinalsal ibabonu (nta) janah
melias ateNangenehen kam (kita). Itatap
Dibata ku kam (kita) janah malem atendu (ta)
ibahanNa. Amin.
J : Amin... Amin... Amin
C. Acara Umum : (Iaturken Panitia)
PANITIA NATAL KELUARGA PURBA
Mengucapkan :
Selamat Wari Natal, 25-26
Desember 2022
&
Selamat Tahun Baru, 01
Januari 2023
Salam Sehat - Mejuah-juah
Dibata Simasu-masu Kita Kerina