1. INFORMACIÓN AOS MEDIOS
ECONOMÍA E INDUSTRIA PROMOVE A COOPERACIÓN EMPRESARIAL E A
TRANSFERENCIA DE COÑECEMENTO ENTRE GALICIA E ISRAEL
• No marco dunha xornada organizada polo Igape que se desenvolverá o próximo
14 de abril en Santiago de Compostela
• O encontro incluirá presentacións xerais sobre este país e paneis sectoriais
especializados sobre tecnoloxías limpas, as TIC, a biotecnoloxía e a tecnoloxía
agrícola
• Os empresarios galegos participantes poderán concertar entrevistas
individuais cos relatores e expertos israelís.
Santiago, 3 abril de 2009.- Facilitar a cooperación, as alianzas empresariais e a
transferencia de coñecemento entre Galicia e Israel é o obxectivo que se propón a
Consellería de Economía e Industria mediante a organización, a través do Instituto Galego
de Promoción Económica (Igape), dun encontro bilateral que se desenvolverá o próximo día
14 de abril en Santiago de Compostela, no Hotel Porta do Camiño.
Participarán nesta xornada, que comezará cunha presentación xeral sobre Israel, entidades
e empresas israelís que destacan polo seu alto nivel tecnolóxico e de innovación. Na
presentación institucional intervirán o presidente da Cámara de Comercio España-Israel, Gil
Gidron, e a agregada comercial da Embaixada de Israel en España, Ifat Alon.
Durante o encontro desenvolveranse catro paneis simultáneos arredor das seguintes
materias: tecnoloxías limpas, incluíndo enerxías renovables, tecnoloxía da auga e control
medioambiental; tecnoloxías da informacións e das comunicacións (TIC); tecnoloxía
agrícola; e biotecnoloxía.
Mediante estes paneis sectoriais preténdese crear espazos interactivos a través de
audiencias especificas con potencial de colaboración e intercambio empresarial. Con ese fin,
o Igape ofrecerá ás empresas interesadas que o soliciten previamente, no momento da
inscrición, a correspondente cita para poder celebrar, durante a sesión de tarde, entrevistas
individuais cos relatores e expertos participantes. As inscricións deben realizarse a través
da web do Igape (www.xornadas.igape.es).
Mercados Dutty Free
Por outra banda, e co obxecto de favorecer a internacionalización das empresas galegas, a
Consellería de Economía e Industria organiza, tamén a través do Igape, unha xornada
informativa sobre os mercados Dutty Free mundiais, que moven un volume de negocio de
máis de 38.000 millóns de dólares cada ano. Esta xornada desenvolverase o próximo día 8
de abril en Santiago, no novo Centro Social Caixanova.
O obxectivo deste encontro impulsado polo departamento que dirixe Javier Guerra é achegar
aos empresarios galegos que apostan pola internacionalización dos seus produtos esta
forma de facer negocios, e facelo mediante a intervención de expertos neste tipo de
mercados exentos de impostos.
Gabinete de Comunicación da Consellería de Economía e Industria
San Caetano, s/n - 15704 Santiago de Compostela
Tel.: 981-545549/46 - Fax: 981-544948
Correo-e: cei.comunicacion@xunta.es
2. INFORMACIÓN AOS MEDIOS
A xornada desenvolverá durante a mañá un programa que inclúe relatorios de expertos
como Carlos Gallego, sobre a evolución dos mercados dutty free; como Luis García de Blas,
sobre principais mercados e canles de venda dutty free; ou como Jesús Langa Canseco,
sobre as claves dos mercados dutty free para os fabricantes. Pola tarde, os empresarios
interesados que concertaron previamente as correspondentes citas, poderán manter
entrevistas bilateriais cos relatores.
A existencia de mercados dutty free a nivel internacional representa un nicho de mercado en
constante expansión durante os últimos anos. Aínda que se identifica maioritarimante con
tendas en aeroportos, comprende ademais outros lugares cun volume de vendas de grande
entidade dentro do total das ventas en dutty free. Son exemplos deste mercado puntos de
venda como os de a bordo dos propios avións, ferrys, cruceiros, terminais marítimas, tendas
dutty free existentes nas fronteiras dalgúns países ou en determinadas zonas onde os
productos se venden total ou parcialmente libres de impostos.
SAÚDOS, GABINETE DE COMUNICACIÓN DA XUNTA DE GALICIA
Gabinete de Comunicación da Consellería de Economía e Industria
San Caetano, s/n - 15704 Santiago de Compostela
Tel.: 981-545549/46 - Fax: 981-544948
Correo-e: cei.comunicacion@xunta.es