1. Giuseppe Arcimboldo
Naceu en Milán en 1527, onde tamén morreu en
1593. Foi un pintor italiano coñecido sobre todo polas súas
representacións do rostro humano a partir de flores,
froitas, plantas, animais ou obxectos, isto é, pintaba
representacións destes obxectos no lenzo, colocados de
tal maneira que todo o conxunto tiña unha semellanza
recoñecible co suxeito retratado.
Traballou como deseñador de vidreiras, e tamén
pintando frescos na catedral de Monza. Tamén cartóns
para tapices de tema relixioso.
Foi pintor da corte dos Habsburgo, e retratista de corte de
Maximiliano II en Praga. Tamén foi decorador da corte e deseñador de
traxes.
Tamén en Praga traballou para Rodolfo II, e considérase deseñador
de aparatos hidráulicos milagrosos e de instrumentos musicais fantásticos.
A súa obra convencional, consistente en pinturas tradicionais do
xénero relixioso caeu no esquecemento. Non ocorre o mesmo cos seus
“caprichos” cadros nos que as naturezas mortas, os conxuntos de flores,
froitas, mariscos ou peixes crean figuras simbólicas. Estes retratos de
cabezas humanas feitas de verduras, froitas e raíces, foron moi admirados
polos seus contemporáneos e aínda hoxe suscitan fascinación.
Obras destacadas :
Series das Estacións (láminas grandes)
Series dos Elementos (láminas pequenas)
Retrato del emperador Rodolfo II (lámina pequena)
15. Giuseppe Archimboldo
PROPOSTA DE ACTIVIDADES
Tratamos de conxugar dous aspectos:
• Por unha parte aproveitar a especial sensibilidade desenvolvida no noso alumnado no presente
curso cara as creacións pictóricas, despois do estudo da pintura galega nos trimestres
anteriores.
• A través desta sensibilidade procurar levala ao campo da alimentación, promovendo actitudes de
consumo de alimentos saudables, especialmente verduras e froitas.
Invitamos ao alumnado a coñecer (observar, buscar, atopar) froitas e verduras , algunhas
estrañas para eles, pouco amigos do seu consumo, espertar a súa curiosidade, invitar a probalas, e
fomentar tamén a súa creatividade a partir de elementos vexetais.
Aproximamos ao coñecemento da obra de Giussepe Arcimboldo, coas láminas que temos.
As actividades propostas están referidas ás láminas das estacións e cada profesor/a adaptaraas
ao nivel no que imparta clase. Faranse de forma grupal, co profesor, para o que se dará un horario
para baixar a observalas á entrada do colexio.
A proposta é a seguinte:
1. As láminas titúlanse “Primavera” “Verán” “Outono” e “Inverno”. Observando os seus
elementos poñédelle vós os títulos que lle correspondan.
2. Busca nelas estes elementos:
Pexego Calabacín Ameixas Alcachofa
limón Cardo Millo Allo
Ceboliñas Cereixas Berenxena Repolo
Amorodos Espinacas Pirixel Castañas
Granada Cabaza Peras Cogomelos
Abelás Uvas Trigo Marmelo
Figos Cenoria Nabos Amoras
3.- Buscade vós outros elementos alimenticios
