Comunicado da CGT Correos A Coruña sobre as opinións difamatorias no CTA de Labacolla.
1. Historia dunha difamación
á CGT no CTA de Labacolla
Fai uns días dúas persoas de este sindicato tiveron unha xuntanza
co director do CTA para tratar de temas relacionados coas botas,
cos permisos no Nadal ou coa contratación. Tamén falamos arredor
do que, entendemos, como un clima laboral a mellorar. A xuntanza
transcorreu cun grande respecto mutuo, aínda coas diferenzas
previsíbeis. En ningún momento desa xuntanza se puxeron derriba
da mesa nomes de ningunha persoa, nin se entraron a valorar
cuestión persoais.
Logo de rematar a xuntanza a única información transmitida por
Cgt, por medio da canle do whatsapp, foi a seguinte:
“Compis do CTA: hoxe mantivemos unha xuntanza dunha hora con
Moncho, o xefe dese centro. Entre os temas tratados a
contratación, as botas, os permisos no nadal, o cobro do plus de
eleccións e a tensión e o clima laboral nese centro. Proximamente
máis información.”
Sen embargo a sorpresa deste sindicato foi maiúscula cando, unhas
horas máis tarde aparece publicada nunha páxina web a seguinte
información:
Desde CGT entendemos que este comunicado é malicioso,
tendencioso e calumniador e pon en boca da nosa organización
cousas nunca afirmadas pretendendo dous obxectivos: danar a
imaxe de CGT e tamén danar a imaxe de persoas que traballan nese
centro polos intereses ou obxectivos que sexan.
O noso sindicato iniciou inmediatamente as acción necesarias para
aclarar este turbio asunto. Para isto dirixímonos a esa páxina
esixíndolle o nome da persoa que utiliza impunemente as nosas
siglas para os seus obxectivos difamatorios. Na segunda advertencia
de dirixirnos ao xulgado esta páxina publicou a seguinte aclaración,
que desde o noso punto de vista é, a todas luces, insuficiente.
Descoñecemos quen xestiona este perfil nin a que intereses serve
(desde logo non aos de Cgt e basta con ver que as entradas con
información nosa son practicamente inexistentes). Descoñecemos
tamén os intereses das persoas que se agochan, covardemente,
detrás dun perfil privado para calumniar e difamar a terceiras
persoas e a nosa organización. Non pararemos ata @s descubrir.
Solidarizámonos coas persoas que foron, igual que Cgt, calumniadas nesta entrada e tentaremos chegar
ao final para descubrir que intereses persoais, sindicais ou empresariais están detrás desta manipulación