1. XORNADA ORDINARIA: Será de 37,5 horas de media semanal, en cómputo trisemanal. Cando se
superen as 5 horas de xornada diaria continuada, poderase gozar dunha pausa de vinte minutos.
SÁBADOS: Traballará os sábados o persoal das Unidades de Servizos Especiais (USES), e o que
preste servizos en centros ou oficinas con atención ao público, sendo esa actividade relevante.
INICIO XORNADA: Adaptarase en cada centro ás necesidades operativas e de chegada das rutas.
No ámbito de distribución, con carácter xeral, non comezará antes das 7,30 horas da mañá.
VACACIÓNS: Os funcionarios terán dereito a gozar dun mes natural ou de 22 días hábiles anuais.
Para o persoal laboral serán dun mes natural. Con carácter xeral, será entre os días 1 de xullo e
30 de setembro. Poderanse gozar as vacacións noutras datas sempre supeditadas ás necesidades
do servizo. A distribución de vacacións deberá ser coñecida como máximo a día 30 de abril.
DÍAS ADICIONAIS DE VACACIÓNS: Uniranse ás vacacións. De gozárense en dous períodos, a cada
un deles engadiranse os días hábiles correspondentes, procurando que a distribución sexa equili-
brada. Excepcionalmente, sempre que as necesidades do servizo o permítan, os días adicionais
poderanse gozar sen unir ás vacacións e en período distinto ao vacacional.
DÍAS DE ASUNTOS PARTICULARES: Serán 6 días de cada ano natural, os cales poderán gozarse
até o 31 de decembro de 2016. Se por necesidades do servizo non fose posible gozar os días du-
rante este ano poderase prorrogar o seu desfrute até o 31 de xaneiro de 2017. Sempre que orga-
nizativamente sexa compatible coas necesidades do servizo e cos recursos humanos dispoñibles,
poderanse acumular os días por asuntos particulares ás vacacións anuais.
DÍAS DE ASUNTOS PARTICULARES POR ANTIGÜIDADE (CANOSOS): Os días de 2015 emprega-
ranse até o 31 de maio de 2016. Os días de 2016 poderanse coller até o 31 de marzo de 2017.
DÍAS DE ASUNTOS PARTICULARES POR CAER EN SÁBADO O 24 E 31 DE DECEMBRO: recoñécen-
se dous días adicionais de descanso ao persoal funcionario e laboral (suxeito a Convenio) activo
nos devanditos días. Estes dous días adicionais de descanso gozaranse até o 31 de marzo do
2017.
CAMPAÑA DE NADAL: Desde o 1 ao 31 de decembro. O persoal operativo poderá gozar de até
dous días de permiso sen penalización, tras garantir unha adecuada cobertura no servizo.