1. Бие даалтын ажил: 8-р анги. /технологийн хичээл/<br />Нисдэг сэнс хийх дадлага.<br />Заавар:<br />Хэрэггүй болсон хуурайны иш буюу, бөөрөнхий модоыг ашиглан зураг дээр үзүүлсэн шиг хэлбэртэй бариул хийх хэрэгтэй. Утасны дамар авч зураг “а”-д үзүүлсэн янзаар нэлээд бүдүүвтэр төмөр хадаасаар бариулын голд хадна. Гэхдээ сэнсний бариул ба дамар хоёрын хооронд уул дамар чөлөөтэй эргэж байхад нь дөхөм болгохын тулд шүр ба шилэн, мөн модон бөөрөнхийг /зураг б/ хавчуулж өгнө.энэхүү тоглоомыг хийх гол хэргэлэгдэхүүн нь оёдлын утасны модон дамар юм. Хадаасны малгай далд суутал дамарын дээд талд хоног гаргаж хадаасаа суулгаж хадна. Дамарын дээд талд нарийхан шиг хоёр хадаасыг хадаад дараа нь хаздаг бахиар толгойг тасдан авна. Сэнсийг хоёр далбаа/зураг в/ гурван далбаатай дугуй сэнс /зураг г/ гэх мэт олон янзын байдалтай хийж болно. Нисдэг сэнсийг консервын лаазны нимгэн төмрөөр хийнэ. Нисдэг сэнсийг дамар хадсан хоёр хадаасанд суулгахад зориулсан хоёр нүх гаргаж сэнсээ тэрхүү хадааснуудад углан суулгана. Дамарынхаа голд нарийн бөгөөд бөх угасны нэг үзүүрийг хадаад түүнийгээ дамарын голд орооно. Нэг гараараа нисдэг сэнсний бариулаас барьж, нөгөө гараараа ороосон утасны сул үзүүрээс барьж хүчтэй дугтран татахад дамрын хамт түүний дээр суулгагдсан нисдэг сэнс эргэн шидэгдэнэ. Дамарын голд утасыг нар зөв ороовол илүү тохиромжтой байдаг. Нисэлтийг сайжруулахын тулд сэнсний далбааны солбиог ихэсгэнэ. Энэхүү сэнс нь 5-10 м хөөрч, 50-100 м хүртэл нисэж чадна. Анхааруулж хэлэхэд хүн малаас зайдуу газар нисгэхгүй бол нүд сохолж болзошгүй. Хэрэв зураг г-д үзүүлсэн шиг нарийн төмөр утасаар хүрээ хийвэл аюулыг багасгаж болно.<br />