1. Twitter, kazetarientzat
Ezinbestekoa, berebizikoa, nahitaezkoa dugu Twitter microblogging zerbitzua,
kazetarientzat. 2006 garren urtean sortu zuen Jack Dorsey estatubatuarrak,
eta honelako on line zerbitzu berritzaileekin gertatzen den moduan, Californian
du egoitza nagusia.
Erabateko iraultza suposatu du zerbitzu honek sarean, bai eta informazioaren
gremioan ere. Honen erabilpena erraza da, argia eta bizia. 140
karaktererainoko espazioa du erabiltzaileak mezu bakoitzean, mezu hoiexek-
tweet bezala deituak-, erabiltzaile bakoitzaren sarrerako orrian agertuko
direlarik. Honela, erabiltzaile bakoitzak beste erabiltzaileen tweet-etara
“izenpetzeko” aukera ere badu, “jarraitu”-n klik eginez gero. Hau eginik,
“jarraitu”-ri klik eman diotenak, erabiltzaile horren “jarraitzaile” bilakatuko
lirateke.
Kazetarientzat garrantzitsua halere, jarraitzaile kopuruetatik at, nori jarraitu
ondo hautatzea litzateke. Jarraitzen dituzun pertsonak, beri-emaile onak baldin
badira ohartuko baitzara interesatzen zaizkizun gauzetaz. Pertsona bat Athletic-
zale ikaragarria baldin bada, logikoena, honek talde bilbotarraren txiokaria
jarraitzea litzateke, bai eta taldeari buruz idazten duten kazetari eta jokalariak
ere. Kalitate oneko jendea jarraitzeak, informazio ona bermatzen du, eta horixe
da, hain zuzen, kazetariok nahi duguna.
Zer dago pil-pilean? Zer da albiste momentu hauetan zure herrian, munduan
edota beste deozein herrialdetan? Horrexetarako dago Trending Topic
zerrenda.

2. Irudian gorriz markatuta agertzen dena izango litzateke momentu horretan
Twitter-en gehien komentatzen dena. 10 postu izaten ditu Trending Topic
zerrendak, hamar hitz gako, zeintzuk normalean, gaurkotasunarekin lotura
anitza izaten duten. Oso lan-tresna baliagarria hauxe, kazetarientzat.
Milaka aukera eta barietate aurkezten ditu Twitter-ek, baina guretzat,
kazetariontzat, beharbada, beharrezkoena gainaldeko “aurkitu” atala litzateke.
Atal honek egunkari digital moduan dihardu. Microblogging plataformak berak,
gure gustuen eta jarraitzen ari garen jendearen arabera, berri eta abisteak
aukeratzen ditu, eta atal honetan ipintzen, guk irakurri ahal izateko. Trending
Topic zerrenda propioa litzateke honakoa. Zure gustuen arabera
pertsonalizatutako albiste zerrenda.