1. Menéame, kazetarientzat
Berri-emaile alternatiboa edota herritarren hedabidea bezala kalifika daiteke
menéame.net webgunea. Orri honetan ez dago inolako hierarkia maltzurrik,
egiak du balioa eta egiaren bilaketa horretan herritarrek eta beraien
ikuspuntuak berebiziko tokia du. Honela, hemen, hainbat blogariri –hedabide
konbentzionaletan ahotsik izango ez luketen horiei- ematen zaie bozgorailua,
idazten dutenak benetan merezi badu.
Jakina da hedabide tradizionalek diru publikoa edota enpresa handien
laguntzak jasotzen dituztela,eta horrela, bertako idatziek interes batzuk
jarraitzen dituztela ezin ukatu. Iturri tradizionalen pozoia ukaezina den legez,
geroz eta indar handiagoa ari dira hartzen web gune alternatibo hauek
bezalakoxeak. Helburua, esandakoa: gaur egungo gertaerak, herritarren
ikuspuntutik kontatu izatea, eta benetako egiara hurbiltzea, independenteki,
inolako interes barik.
Komunitatean, herrian, partekatzean
dago egia. Inolako interes ekonomiko
-politikorik jarraitzen ez dutenen ahotsa
entzunaraztea berebizikoa da
Ricardo Galli argentinarrak sortutako orrialdea dugu honakoa, 2005.urtean.
Balear irletako unibertsitateko irakasle zela sortu zuen Gallik orria. Asmoa, Digg
webgune estatubatuarraren antzekoa bat lortzea zen, baina software librea
erabiliz, gainontzeko parte – hartzaileek kodigoa jakin eta tokiaren bertsio
propioa egiteko aukera izan zezaten.
Honela funtzionatzen du Menéame-k:
2. Menéame-ko erabiltzaile batek berri bat bidaltzen duenean, hau, erabiltzaileek
berriari botoa eman ahal izango dioten atal batera igaroko da. Mota guztietako
erabiltzaileek eman ahal izango dute boto positiboa. Boto negatiboa emateko
edota albistea iruzkintzeko ordea, erabiltzaileak erregistratuta egon beharko du.
Botoen arabera, albiste bat garrantzi handi edo gutxiagokoa bilakatuko da, eta
hori karma-ren bitartez jakinarazten da. Erabiltzaile bakoitzak, 0tik 20rainoko
karma kopurua izango du eta botoa –positiboa zein negatiboa- ematen dioten
albistearen arabera, igo edo jaitsi eginen da kopuru hori. Adibideekin hobeto
ulertzen omen da, eta hemen bat: Menéame.com orrian sartu eta albiste bat
erakargarri zaigunez, boto positiboa ematen diogu. Albiste hori ordea, ez zaio
jende askori gustatu, eta boto negatibo gehiago ditu onak baino. Kasu horretan,
karma galdu egingo genuke, gure proposamenak ez baitu arrakastarik izan.
Adibide honekin jarraituz, alderantzizkoa, jazoko litzateke, albisteak arrakasta
izango balu; karma irabaziko genuke kasu horretan.
Gaur egun, artikuluak modu hauetan kalifika daitezke:
Garrantzi gabea (Irrelevante): Informazio-maila eskasa edota garrantzia
gutxiko idatziei dagokie atal hau.
Zaharra: Gertaera jazo eta egunetara horri buruz diharduten artikuluak hemen.
Errealaren ortziraleko partidaren kronika hurrengo asteko asteazkenean
argitaratzea bezala.
Aspergarria (Cansina): Behin eta berriro, gai berdin baten inguruan dabiltzan
idatziak joango lirateke hemen, aspertzeraino.
Sentsazionalista: Informatu baino, atentzioa deitzea besterik bilatzen ez duten
albisteak sartuko lirateke hemen.
Spam: Izaera komertziala edota iragarki moduan kalifika daitezken berrientzako
txokoa da Spam-ena.
Bikoiztua: Gai bakar baten inguruan diharduten berrientzat zuzenduta dago
hau, nahiz eta iturria ezberdina izan.
Microblogging: Albiste distortsionatuak, nahasiak. Normalean, titularra
gorputzarekin bat etortzen ez denean sailkatzen dira artikuluak atal honetan.
Okerra: Berriaren gaiak (titular zein gorputzak), hura argitaratu den lekuarekin
zerikusirik ez duenean. Kirolen atalean, esaterako, ez letorke ondo, greba
orokorraren albisterik.
Kopia/plagioa: Honako atala, besteen lana hartu eta norbere izenpean ipintzen
duten artikuluei dagokie.