Os nenos e os amigos fan unha saída para pasar unha noite de acampada á beira do río.

1. acampada
OS NENOS DA RATA LUÍSAMonDaporta

2. Desta volta os nenos quedaron cos amigos
para iren de acampada do sábado ao domingo.

3. O que tal meteron naquelas mochilas!
Total para estar fóra pouco máis de medio día.
Cousas para bañarse, cousas para o frío,
lanternas, xoguetes, bebidas, bocadillos…

4. Cos últimos reparos e os últimos avisos
Luisa e máis Roxelio despediron aos fillos.

5. Saíron pola porta camiño da aventura
co sorriso posto e cargados coma burras.

6. Ao xuntárense todos puxéronse en camiño,
botaron a andar cara a beira do río

7. Os líos empezaron para montar as tendas.
Nunca o fixeran antes. Alí sobraban pezas.

8. Despois de dúas horas de pelexar arreo
deron armado, por fin, o acampamento.

9. Aínda lle quedou tempo para outras tarefas
como nadar no río

10. e iren buscar leña.

11. Ao facerse noite prenderon unha fogueira
e, arredor dela, comeron as súas ceas.

12. Despois botaron horas de lerias e de contos.
Estaban entretidos e non lle viña o sono.

13. Ao írense deitar o ruído, ou o silenzo,
fixeron tremer a máis de un co medo

14. Se o vento nas árbores,

15. se o bulebule do río,

16. se o canto da curuxa…

17. Non daban durmido.

18. Erguéronse á mañán moídos coma o sal,
o que mellor durmira, durmira pouco e mal.

19. Logo de aseárense

20. e tomar o almorzo

21. volveron a armarse un lío para recollelo todo.

22. E para remate, xa camiño da casa,
o tempo regaloulles unha chuvascada.

23. Pero a pesar de todo dixeron ao chegar
que o pasaran moi ben e riran a afartar

24. e que uns e máis outros xa teñen pensado
volver a repetila calquera outro sábado.

25. Luísa, Roxelio
e máis os ratiños
agardan que vos
gusten estes seus
contiños.
Abur!