Russia petroleum, construction, development, import, export, customs, oil and gas, steel, metallurgy, mineral resources, railway, railroad, codes, rules, norms, laws, approval, certification, decrees, regulations

1. © ГИ "УЗГОСЖЕЛДОРНАДЗОР"
“Қишлоқ ҳаёти” газетаси
№ 48, 2009 йил 17 апрель
ПОЕЗД ВА АВТОМОБИЛЬ ЙЎЛЛАРИ КЕСИШГАНДА
Республикамизда 1 апрелдан 30 апрелга қадар “Диққат - темир йўл кесишмаси”
ойлиги ўтказилмоқда
Маълумки, республикамизнинг турли ҳудудларида темир йўлларни кўплаб
атомобиль йўллари кесиб ўтади. Уларнинг аксарияти қўривланадиган ва айримлари
қўриқланмайдиган кесишмалардир. Темир изларда ҳаракатланаётган поезд ҳамиша
белгиланган тезликда келади ва зарур бўлганда эса уни дарҳол тўхтатишнинг иложи
йўк: тормоз берилгандан кейин ҳам 800-1000 метр масофани босиб ўтади. Шу боис,
автомобиль ҳайдовчилари кесишмалардан ўтаётганда ҳамиша ҳушёр бўлишлари,
барча йўл ҳаракати қоидаларига амал қилишлари лозим.
Лекин амалда ҳамиша шундай бўлаяптими? Яқмнлашиб келаётган поезд ҳақидаги
огоҳлантиришни кўриб турса ҳам баъзи ҳайдовчилар йўлни тезлиқда кесиб ўтмоқчи
бўлишади: Бундай ўзбошимчалик кўнгилсиз ҳолларга олиб келиб, поездлар манзилига кеч
етиб боришига ҳамда ташилаётьган халқ хўжалиги юклари жиддий зарар кўришига сабаб
бўлмоқда.
“Ўздавтемирйўлназорат” инспекциясининг Тошкент филиали таркибига Тошкент,
Сирдарё, Жиззах вилояти ҳамда Тошкент шаҳридаги темир йўллар киради. Бу йўлларда
102 та кесишмалар бўлиб, 55 таси қўриқланади.
Кейинги даврда бу борада тарғибот ишлари анча кучайтирилди. Бироқ кўнгилсиз
ҳолатлар ҳам йўқ эмас. Масалан, ўтган йилнинг биринчи чорагида йўлларда автомобиль
билан поезднинг бир марта тўқнашуви қайд этилганди. Жорий йилнинг шу даврида эса 4
марта шундай нохуш ҳодисалар юз берди: 5 киши ҳаётдан кўз юмди. 20 январь куни
Ўзбекистон ва Ўртаовул бекатлари оралиғидаги (3387 километр) 8 – қўриқланадиган йўл
кесишмасида поезд билан ҳайдовчи Н.Тошхўжаев бошқарувидаги “Газ-24” “Волга”
тўқнашиб кетди. Оқибатда, ҳайдовчи ҳалок бўлди. 6 январда эса Сирдарё ва Бахт
бекатлари орасидаги (3455 километр) қўриқланмайдиган йўл кесишмасида поезд билан
“Нексия” автомашинасининг тўқнашуви натижасида ҳайдовчи ва йўловчи ҳалок бўлди. 19
мартда Жиззах вилоятининг Зарбдор ва 9 - разъезд оралиғидаги кўриқданадиган йўл
кесишмасида “Тико” автомобили ҳаракатланаётган поезд йўлига чиқиши оқибатида
тўқнашув содир бўлди.
Оғир оқибатларга олиб келган бундай йўл – транспорт ҳодисаларининг юз
беришида асосан ҳайдовчиларнинг бепарволиги сабаб бўлаяпти. Энг ачинарлиси,
қоидабузар ҳайдовчилар ўзларинигина эмас, ўзгаларнинг ҳаётига ҳам зомин бўлишмоқда.
Шу кунларда ўтказилаётган “Диққат - темир йўл кесишмаси” ойлигида
“Ўзбекистон темир йўллари” ДАТК вакиллари, республика ИИВнинг йўл ҳарақати
хавсизлиги Бош бошқармаси, “Ўзавтойўл” ДАК, “Маҳалла” жамғармаси вакиллари ва
“Ўздавтемирйўлназорат” инспекцияси йўриқчилари фаол иштирок этишмоқда. Ушбу
тадбирдан кўзланган мақсад ҳайдовчиларни йўл ҳаракати қоидаларига қатъий амал
қилишлари ва кесишмалардан ўтганда доимо ҳушёрликни таъминлашга жиддий эътибор
қаратишлари назрда тутилмоқда. Бу борада барча мутасаддилар қаторида жамоатчилик
ҳам тарғибот ва тушунтириш ишларини кучайтирса, кўнгилсиз ҳодисаларнинг олди
олинган бўларди.
Ҳусниддин Отахўжаев,
“Ўздавтемирйўлназорат” инспекциясининг Тошкент
филиали бошлиғи