2. Liboko ke nalane ea Basotho eo ba e sebelisng ho ithoka le ho ikhetholla ho
lichaba tsa meloko emeng.
3. Basotho ba ruta bana liboko tsa bona ka papali e bitsoang ’mantila₋tilane
kapa “o tsoa kae”.Ena ke papali e bapaloang haholo ke bana ba botsana
lipotso le bana ba bang,kapa ba botsana le batho ba baholo .E bapaloa
nako efe kapa efe le sebakeng sefe kapa sefe.
4. Ho talimeha eka liboko tsohle tsa Basotho li na le thothokisa le haeba ele
khut’soanyane.Thothokiso ena e bonahala e hlalosa moralo kapa mohloli
oo ba leloko ba tsoang ho oona,ke hore baholoholo ba leloko kapa
mokhoa oo le qalilehileng ka oona kapa leloko le thongoeng ka ona.
5. LITHOKISO TSA LIBOKO
Ha ’Mantilatilane
U tsoakae? –Ha Mantilatilane
Oa jang? _Bohobe
Ua futsoela kang? _ka metsi a pula
Thella he!_Ke thellen’g ke le……o bolela seboko sa hae ka ho
se thothokisa.
6. Bohlokoa ba liboko
• Ho tseba ho peteketsa ka nepo ho thusa ngoana ka ho mo ekeletsa
puo(mantsoe le mokhoa oa ho a beha thokong).
• Ho mo hopotsa baholoholo kapa mohloli oa leloko la hae.
• Ho ka mo thusa ho tsebana le ba bang ba habo.
7. Likarolo tsa liboko
• Bafokeng:Beng ba seboko sena ba ana ’Mutla,ke batho
ba ratang nalane ea bona,tlhompho,le tlhoeko,esitana le
bochaba ba Sesotho.
8. Makhoakhoa:Esale karolo e ’ngoe ea Bakoena ena.Bona ekare mehleng
ena ba se ba ana lephutse(mofuta oa mokopu o letlalo le lesoeu tjena ’me
oo ha ngata o leng mosehla ka hare) .Ha ba lumelisana bare
Ahe Lekhoakhoa,motho oa selimo.
9. Basiea:Bona ba ana Katse e hlaha ,mosiea phoofolo e
bohale ha e qaloa.Ba lumelisana ka hore
Ahe mosiea motobatsi!