Mats'oao a liphoofolo ke sesupo se etsoang litsebeng tsa liphoofolo ka maikemisetso kapa sepheo sa ho e hlalohanya ha bobebe ho tse ling ha li kopane kapa li utsoitsoe. Mats'oao a tloaelehileng ke a latelang; tabola, lesale, lesoba,monoana, leripa, senenki, halofomunu, tlhomola. Mats'oao a liphoofolo a fapana ho ea ka liboko tsa Basotho. Bakoena ba ts'oaea koena ha Bakhatla bona ba ts'oaea sekhatla
2. KE FUMANEHA KA LIATERESE TSE LATELANG:
Mabitso: Setala Ernest Thabang
Student number: 2016/0349
:tallastala@gmail.com
:https://www.facebook.com/tallastala.zwarey
:https://www.linkedin.com/in/thabang-setala
3. SELELEKELA
Matšoao a liphoofolo ke sesupo se etsoang
liphoofolong ka sepheo sa ho e hlalohanya kapa ho
e khetholla ho tse ling, haholo-holo tse tšoanang ka
‘mala kapa ka sebopeho. Matšoao a fapana ho latela
liboko le motho ka mong. Matšoao a mangata empa
ʼna ke tlo bua ka ana a latelang le a mang.
Ke tabola, leripa, lesoba, monoto, lesale, koena,
bentlelaka, thejana, lekeletsana, monoana, senenki,
sekhatla le a mang, ’me
4. Mohlala
Nku, poli le pokola hase liphoofolo tseo motho
aka li hlalohanyang kapa ho li khetholla
habobebe ho tse ling kaha li tšoana haholo ka
’mala haese hore motho a tsebe matšoao a tsona.
5. Tabola / motabolo
Ke letšoao leo ka lona ho taboloang tsebe ea
phoofolo bohareng fela ho tloha ntlheng ea eona ho
ea qetellong ea eona.
6. Lesale
Phoofolo e phunngoa lesoba leo ho lona e tla
kenngoa lesale, ’me lesale lena le fapane le a
roaloang ke batho. Masale a liphoofolo a na le
mebala.
Setšoantšo ka: www.colourbox.com/image/detail-of-cow-head-image-5357239
7. Lesoba
Ke letšoao la liphoofolo leo eleng hore ho
phunngoa lesoba tsebeng ea phoofolo. Ka
hofapana le lesale, lesoba lona le leholoanyane
ele hore le bonahale ’me le tloheloa feela ha ho
letho le tla kenngoa ho lona.
8. Lekeletsana
Lekeletsane lona le reheletsoe ho tsoa ho lentsoe
“leketla”. Ho sehoa tsebe ea phoofolo ka tsela e
tla etsa hore karolo e ʼngoe ea tsebe e leketle.
9. Halofomunu
Ha ho tšoauoa halofomunu ho pongoa tsebe ea
phoofolo ka mokhoa oa hore ho sale ho entse
kapa karolo e ponngoeng e tšoane le halofo ea
khoeli.
10. Tlhomola
Tlhomola ke letšoao le ntlheng ea tsebe ea
phoofolo le tšoauoang ka mokhoa oa hore ho sale
ho entse lekhalo kapa lekhaloana tsebeng ea
phoofolo eo.
11. Sekhatla
Ke letšoao le tšoauoang ka hore ho etsoe lihalofomunu tse
fetang bobeli tsebeng ea phoofolo, ’me lihalofomunu tseo lia
koloka kapa lia latellana.
Setšoantšo ka Setala Thabang
12. Koena
Ho ea ka Lerato Majoro le Mabocoze Pheko
(2016) ha ho etsoa koena ho tšoauoa tsebe ea
phoofolo ka tsela ea hore ho etsoe hukunyana
tsebeng ea phoofolo.
13. Leripa
Leripa lona ke letšoao leo ka lona ho ponngoang
ntlha ea tsebe ea phoofolo.
14. Senenki
Ke letšoao le tšoanang le tabola empa lona le le
bohareng ba tsebe ea phoofolo.
15. Thejana
Thejana ke lihalofomunu tse peli tsebeng e le
’ngoe ea phoofolo ekaba pele kapa moaro.
16. Monoana
Ke letšoao le batlang le tšoana le lekeletsana
empa lona le pele ebile karolo e kang ea leketla
ke e kholo ea tsebe, ha e nyane e sala e supile
joaloka monoana.
17. Nill
Ke ho bolela hore phoofolo haena matšoao
hohang litsebeng ka bobeli.
18. Mehloli ea liphuputso
Majoro, L. Pheko, M.(2016) Mathemaloli. Cape
Town; Oxford University Press ORBIS(pty)
Ltd
Google.com,(2013). Details of a cow head[online]
Available at: www.colourbox.com/image/detail-
of-cow-head-image- 5357239. Accessed on; 09
Sep 2018